رجاله العربيه لو شرقانه الواحد يعمل ايه

[nesr6060]

هو فى احتمال يككون سبب العطل اللى فى عربيتى ده انها شرقانه لان انا فاكر يوم ما وقفت بيا انا زودتلها بنزين من البوابه على طول فيمكن تكون شرقت لان انا حطيتلها بكميات كبيره علشان كدا بتدخن من البوابه يا اما يكون البنزين فعلا كان وحش ولما حطيته من البوابه لسه موجود جوا الموتور فايه رايكوا اعمل ايه بالنسبه للحوار ده واعرف ازاى ان كانت شرقانه ولا لا
هو انا لما بدى كونتاكت العربيه بتعمل صوت كانها بتدور و الاربى بيطلع لغايه 2 و لغايه 5 ولمبه الزيت بتطفى كان العربيه شغاله بس لمبه البطاريه لا ساعات بتطفى لو الاربى ساعتات لما بفضل دايس كونتكت على طول بيطلع ل 8 تروح لمبه البطاريه هو كمان طافيه ويروح الاربى نازل على طول ل 5 واللمبه رجع تنور تانى والعربيه مبتدورشى طيب ايه السبب ممكن تكون شرقانه
حد يقولى قايمه بالمشاكل اللى ممكن تسبب ده ان الار بى يطلع لغايه 5 وميزدشى عن كدا والعربيه متدورشى

[أحمد جودة]

لا معتقدش انها شرقانة حتي لو كانت شرقانة لو باتت من بليل للصبح اعتقد الشرقة هتروح وممكن كمان تفك عمة الكاربيراتير علشان البنزين يطير

راجع كمان على منظومة الكهرباء وهل متأكد الكربيراتير واصله بنزين ولا لاء فك الخرطوم الداخل وأتأكد
شوف الموبينة أسلاكها واصلة تمام ولا مهزوزة
لو عندك مشط إلكتروني راجع على وصلاته
سللك البوجيهات والبوجيهات نفسها ممكن تبقي سبب

أبدأ بالاسهل
تأكد من وصول البنزين للكاربيراتير
افتتح كونتكت وفك سلك البوبينة ولمسة للعربية لو لقيت شرارة يبقي الكهربا تمام


متابع ومنتظر رد الخبراء فى القسم


حبيت اساعد وشكرا

[nesr6060]

بالنسبه للبنزين فانا فكيت الخرطوم بتاع البنزين اللى بيدخل البنزين من عند الموتور وفعلا طلع فيه بنزين معنى كدا ان البنزين بيدخل الكربراتير
تانى حاجه انا فكيت سيلك البوجيه الاول ولمسته لجسم الموتور واديت كونتكت عمل شراره بس ضعيفه بس عمل شراره معنى كدا ان الكهربا واصله للبوجيهات
دلوقتى مبقاش فى قدامى الا غير ان ممكن يكون الموتور بتاعى هاف انجيكشن علشان الربراتير بتاعى ليه فيشا غريبه مش عارف بتاعه ايه
والبوجيهات دول اللى قدامى بس هو ممكن البوجيهات تعطل مره واحده ده اللى انا عاوز اعرفه لان انا لاقيت حوالين البوجيهات سائل مش عارف ان كان السائل ده زيت ولا بنزين وخايف افكه يدخل جوا فاللى عاوز اعرفه هو ممكن البوجيهات كلها تعطل كدا مره واحده والصراحه مش عاوز اشوف حوار البوجيهات ده غير فى الاخر علشان حوارها بالنسبالى طويل

[أحمد جودة]

لو البوجيهات عليها زيت يبقي للاسف الموتور عندك خفيف وهل الموتور بيدخن وبياكل زيت
يبقي محتاج طقم شمبر بس خلي الاحتمال دة فى الاخر بعد ماتسأل أكتر من واحد

متابع معاك وإن شاء الله نوصل لحل
بالمناسبة فيشة الكاربيراتير دي جاية اعتقد من البوبينة

أتأكد ان الفيشة دي واصلة تماماً علشان لو فيها مشكلة الكاربيراتير مش هيحرق ودة احتمال كبير

متابع معاك

[nesr6060]

معتقدشى ان الموتور خفيف ولا عاوز طقم شنبر انا عمرى ما اشتكيت منه ولو عاوز طقم شنبر كان طلع دخانه بيضا من الشكمان او كان عمل بقع زيت طحينيه فى قربه الميه
وبعدين هو مشكلته انه مبيلقطشى معنى اصح معتقدشى انه بيقوم بعمليه الاحتراق وده اعتقد سببه يا اما مفيش كهربا وصلاله يا اما البوجيهات مبتولعشى النار فى غرقه الاحتراق بس المشكله ان انا مش عاوز ادور فى الحالتين دول غير فى الاخر لان ول بالنسبالى مشكله لان انا معرفشى المسؤل عن الحاجات دى كهربائى ولا ميكانيكى

هههههههههههه وبعدين تصدق ان ممكن يكون المشكله فى ده كله فيوز لان انا انهررده لااحظت انه فى فيوز عنى اتكسر بس طنشته قولت لما العربيه تدور هبقى اشوفه ايه رايكوا ممكن يكون السبب فى ده كلوا الفيوز اللى ضرب ده ولا الفيوزات ملهاش دعوه بالميكانيكا بتاعه الموتور بما ان سلوك البوجيهات واصلها كهربا

[أحمد جودة]

هههههههههههههههه ياعم والله الكاربيراتير ليه فيوز زي اي كائن طبيعي فى العربية

أبدأ بالسهل الاول

شوف لو معاك كتالوج العربية أو خريطة الفيوزات حدد الفيوز المسئول عن كهربة الكاربيراتير وتأكد انه سليم

بسيطة ان شاء الله وبعد كلامك على موضوع الفييشة والفيوز فى الغالب هتبقي حاجة منهم الفيشة مهزوزة أو الفيوز محروق

شوف كدة وانا متابع معاك

[nesr6060]

انا اعرف ان الكرباتير ليه فيشه بس والله اول مره اعرف انه ليه فيوز خاصه ان انا عندى كل اسبوعين فيوز بيضرب من اى نوع مش عارف ايه السبب تقريبا كدا الفيوزات اللى عندى ضعيفه
هى الفيوزات بيبقى ليها امبير معين او حاجه تخليها تستحمل الجهد العالى بس انا عارف من الاول خالص ان الفيوز عندى ضارب بس قولت مش مهم اسيبه ولما افضاله ابقى اشوفه وكنت بحسب ان المشكله فى البنزين
خلاص انا على العصريه ككدا والجو يروق هنزل اجيب شويه فيوزات بس هو فى نوع او ضغط معين اسال عنه

[أحمد جودة]

بص يا باشا أنا أولا رديت عليك بخصوص الكتالوج بتاع العربية وبعتلك صورة الفيوزات

كل فيوز بيبقي ليه أمبير معين وكل أمبير بيرمز ليه بلون معين

ركز جدا فى علبة الفيوزات وترتيبها وغيرها كلها بفيوز أصلية

علشان علبة الفيوزات دي روح كهربة العربية علشان لاقدر الله لو حصل حمل على اى حاجة الفيوز يفصل
لان للاسف لو عندك فيوز أعلي من القيمة ممكن يعمل معاك مشاكل كارثية احنا فى غني عنها

اهتم جدا بالموضوع ونصيحة خلي معاك كام فيوز احطياطي فى طابلوة العربية

متابع معاك

[أحمد جودة]

ودة لينك الكتالوج بس انجليزي

Seat Ibiza Cordoba - Download - 4shared - Dimitar Varzilov

انتظروني أعضاء القسم الكرام
فى أقرب فرصة هترجم الكتالوج من طأ طأ لـــ سلامو عليكو

بس ألاقي وقت مناسب