حد عنده الكهربا بتاه الابيزا 94 بالعربى

[nesr6060]

معلشى انا تعبتكم معايا بس عاوز الطلب ده ضرورى علشان هيفدنى اوى عاوز صوره للفيوزات بتاعه الابيزا 94 بمعنى اصح كل فيوز مسؤل عن ايه بالظبط علشان انا عندى فى فيوزات موجوده وفيوزات مش موجوده
ولو فى كتالوج بالغه العربيه يبقى حلو اوى لان اللى على المندى هنا لغه انجليزيه بس والرابط بتاع اللغه العربيه مش شغال والانجلينزىى انا مش فاهم فيه حاجه
هو مكان الفيوزات عندى تحت الطاره بتاعه الدريكسيون بس كتير اوى عاوز اعرف ياريت كل واحد منهم بتاع ايه بالظبط وازاى اعرف ان كان الفيوز سليم ولا بايظ وايه الفرق بين الفيوز البلاستك والازاز والكبير والصغير والعربيه اجبلها انهى فيوز فيهم المفروض

[أحمد جودة]

أدخل شوف كدة

http://www.nilemotors.net/Nile/274710-94-99-a.html#post3874144267

[أحمد جودة]

http://www.nilemotors.net/Nile/318325-98.html

[أحمد جودة]

متابع معاك

ودة موقع بيشرح العربية زي الكتالوج العربي

Seat Ibiza 1.3i CLX, Manual, 1993, 54 Hp, 3 doors Technical Specifications, CO2

[nesr6060]

الف شكر وجارى التحميل

[nesr6060]

أدخل شوف كدة

http://www.nilemotors.net/nile/27471...post3874144267

ده عندى محمله قبل كدا بس مش فاهم منه اى حاجه خالص خاصه انه انجليزى

[nesr6060]

http://www.nilemotors.net/nile/318325-98.html

بالنسبه لده انا حملت الصوره بس برده انجليزى ومش عارف معناها ايه

[أحمد جودة]

عموما أنا متابع معاكم

وهحاول اجيب الكتالوج نسخة عربي ولو مكنش كدة هجيبه إنجليزي واترجمة ليكو وكلنا بنساعد بعض
وكمان من منطلق حبي للابيزا عاوز اعرف كل حاجة عنها

[nesr6060]

معلشى انا شوفت الصوره واستفدت منها بس ممكن سؤال يحصل ايه لو انا حطيت فيوزات لحاجات مش عندى زى فتحه السقف والتكيف
وايه هو ال a/c يعنى ايه وياترى ممكن احط فيوز اعلى من اللى موجود يعنى لو مكتوب 10 ممكن احطه 12 يبقى اقوى يحصل حاجه فى كدا
وانا ملاقتشى فيوز عن الكربراتير بس فيه فيوز عن محرك الكترونى هو ده بتاع فيوز الكربراتير برده ولا فى فرق بينهم
وفى فى الفيوزات زجاج خلفى حرارى انا عندى الازاز ورا مخطط احمر اعتقد هو ده بس المشكله ان انا عندى زرار الزجاج الحرارى ناشف كانه مش زرار ياترى احط الفيوز بتاعه ولا لا

[أحمد جودة]

معلشى انا شوفت الصوره واستفدت منها بس ممكن سؤال يحصل ايه لو انا حطيت فيوزات لحاجات مش عندى زى فتحه السقف والتكيف
وايه هو ال a/c يعنى ايه وياترى ممكن احط فيوز اعلى من اللى موجود يعنى لو مكتوب 10 ممكن احطه 12 يبقى اقوى يحصل حاجه فى كدا
وانا ملاقتشى فيوز عن الكربراتير بس فيه فيوز عن محرك الكترونى هو ده بتاع فيوز الكربراتير برده ولا فى فرق بينهم
وفى فى الفيوزات زجاج خلفى حرارى انا عندى الازاز ورا مخطط احمر اعتقد هو ده بس المشكله ان انا عندى زرار الزجاج الحرارى ناشف كانه مش زرار ياترى احط الفيوز بتاعه ولا لا

بص أولا لو حطيط فيوز لحاجة مش موجودة مش هيحصل مشكلة طبعاً
ثانيا بالفعل المحرك الالكتروني هنا اعتقد يقصد بيه الكاربيراتير
وثالثاا هااااااااااااااااااام جدا أوعي أوعي أوعي تحط فيوز أعلي من القيمة المطلوبة
لية عشان لو حصل حمل أو شورت أو أي مشكلة الفيوز يضرب وبكدة أنتا حفظت العربية من أى مخاطر لا قدر الله

طيب نعكس الوضع حضرتك حصلت مشكلة والفيوز الامبير عالي عن المطلوب النتيجة مش هتفصل وعلى حسب الفيوز دة بتاع اية لو كشاف اللمبة ممكن تتحرق
لو تكييف ممكن يبوظ
بص أنا بشدد عليك لية علشان واحد صاحبي غير الكشافات الامامية لعربيتة ولقي الفيوز بيضرب راح مغيرة بواحد أعلي منه عارف النتيجة كانت مأساوية ناااااااااار طالعة من الكبوت السلك بتاع الكشاف سخن لحد ماولع
لك أن تتخيل كان ممكن يحصل اية لو النار مسكت لاقد الله فى البنزين
بسسسسسسسسسسس كدة وحكم عقلك

بالنسبة لفيوز لازجاج الخلفي حتي لو الزارر بتاع السخان بايظ بردو ركب الفيوز لانك فى الشتا ممكن تحتاج السخانات

عموما انا فى خدمتك دايمن وتحت امر الجميع

وأعذروني لكثرة الاخطاء الاملائية علشان بكتب بسرعة

[nesr6060]

بالنسبه للفيوزات انا نزلت وشوفتها كلها لاقيتها كلها موجوده وكويسه ماعدا الفيوز رقم 1 وفيوز الزجاجا الحرارى
المشكله بقى اللى اتصدمت بيها لما انا طلعت دلوقتى ان كل الفيوزات عندى 30 امبير
وبالحاجه الاسوا بقى ان البطاريه فضيت والكهربائى قافل وده بعد ما ظبط فيشه الكربراتير حظى نحس بكره بقى هشحن البطاريه لو مدارتشى هجيب الميكانيكى اللى عندنا يشوفها ميكانيكى فولكس بقى فيات قرد ازرق انا عملتلها المستحيل ومفيش غير البوجيهات وانا مش هعرف اغيرها ازاى
وهنزلكوا صوره الموتور ياريت تقولولوى هو كربراتير ولا هاف انجيكشن

[أحمد جودة]

اهدي يازميلي الموضوع بسيط

أديك معاك لوحة الفيوزات ظبطها دلوقتي لو تقدر ولازم تجيب على الاقل فيوزات نوعية نضيفة
وبالنسبة للبوجيهات سهلة هات من عند اى محل اكسسوارات مفتاح بوجيهات المقاس اللى عندك أعتقد 16

وتفك سلك البوجيه وتفك البوجية نفسه وتغيرو بالتسلسل 1 2 3 4 وهكذا

واعتقد على حد علمي صعب اوي البوجيهات كلها تبوز دفعة واحدة

عموماً واحدة واحدة هتتعلم وانا فى خدمة المنتدي كله لو فى إستطاعتي

[nesr6060]

خلص هو ده اخرى فيها ده انا ناقص افك الموتور من جوا واشوفه المهم الحمد الله اطمنت على الطرمبه وتقريبا كدا هى المشكله هتطلع فى الاخر يا كهربا الكربراتير فصلت يا اما البوجيهات فيها حاجه ربنا يسترها على الموبينه انا خايف تطلع فيها ولون انا لما لمست سلك البوجيه بجسم الموتور وعملت كونتكت السلك عمل شراره بسيطه كدا يبقى المشكله تقريبا يا اما فى كهربه الكربراتير يا اما فى البوجيهات يا اما المارش ضعيف وده استبعده لان الاربى بتاعى بيطلع لغاي 2 و 5 قبل ما تفصل معنى كدا ان الكهربا واصله للبوجيهات والاحتراق بيحصل بس بيطفى احتمال يكون جوا الكربراتير ميه من البنزين المضروب القدم اللى انا فضيته امبارح او يمكن البوجيهات فصلت

[ahmed_shebl99]

الله ينور