فكيت البوجيه وتقريبا كان هو السبب

[nesr6060]

طبعا بعد معاناه وبعد تعب وعمل المستحيل مبقاش قدامى غير البوجيهات لازم هى اللى عليها الدور اشوفها وفكيت اول بوجيه وكانت المفجاه ان راس البوجيه كانت عباره عن حته فحمه يعنى هو اللى كان السبب وعلشان كدا العربيه كانت بتاكل معايا بنزين بطريقه غبيه كنت بعمل حوالى 200 كيلو فى الصفيحه ودى صوره راس البوجيه ورمزه Bp6ET

[hossamalsadik]

البوجيهات خلعها اسهل مايكون بكره تعرف كل حاجه
يعنى العربيه دارت وأنتهت المشكله ولا ايه
ونتا أخر مره غيرت البوجيهات كان من كام كيلو

[nesr6060]

انا عمرى ما غيرت بوجيهات انا جايبها من شهرين اصلا العربيه
ولسه هروح اشتريها بكره علشان اكتشفت ان انهرده الاحد و المحلات قافله بس هو الطقم هيعمل كام تقريبا

[Karim Ibiza]

بغض النظر عن أي حاجة
انا مبسوط منك عشان في فترة قصيرة بقيت بتشحم ايدك وعايز تعمل كل حاجة بنفسك وده اللي بيميز اعضاء قسم سيات عن أي قسم تاني من أقسام المنتدي، طبعا بعد قسم اوبل (العصابة)

عموما كويس انك أتأكد من كود البوجيهات وده اللي إحنا قولنالك عليه قبل كده
طقم البوجيهات بالكتير هيعمل 90 جنيه

200 كيلو في الصفيحة بالنسبة لسواقتك كويس جدااااا

[فادى محمد]

ع البركه ياباشا....
منور يا كريم.

[nesr6060]

بغض النظر عن أي حاجة
انا مبسوط منك عشان في فترة قصيرة بقيت بتشحم ايدك وعايز تعمل كل حاجة بنفسك وده اللي بيميز اعضاء قسم سيات عن أي قسم تاني من أقسام المنتدي، طبعا بعد قسم اوبل (العصابة)

عموما كويس انك أتأكد من كود البوجيهات وده اللي إحنا قولنالك عليه قبل كده
طقم البوجيهات بالكتير هيعمل 90 جنيه

200 كيلو في الصفيحة بالنسبة لسواقتك كويس جدااااا

بالنسبه لسواقتى
ايه ده لحقوا قالولك وفضحونى قالولك ان انا بحرق على الغيارات كتير بس خلاص الحمد الله اتعلمت ومش هعملها تانى نفسى اوصل للارقام اللى بتقولوا عليها فى الاستهلاك لان 200 كيلو فى الصفيحه فى طريق سريع قليل اوى بالنسبالكوا خاصه انه طريق سريع ومبيقفشى خالص

[Karim Ibiza]

ع البركه ياباشا....
منور يا كريم.

حبيبي

[hossamalsadik]

هوا كان المفروض انك تعمل السرفس بتعها أول ماجبتها كل الناس بتعمل كده
ونا بردو قلتلك شيك على البوجيهات طبعا نسيت من كتر الموضيع فى نفس المشكله
ربنا يعينك
طيب جيب البوجيهات وركبها وطمنى .


وبعدين أيه عصابه ووحوش أحنا دخلين نحارب هههههه

[nesr6060]

هوا كان المفروض انك تعمل السرفس بتعها أول ماجبتها كل الناس بتعمل كده
ونا بردو قلتلك شيك على البوجيهات طبعا نسيت من كتر الموضيع فى نفس المشكله
ربنا يعينك
طيب جيب البوجيهات وركبها وطمنى .

هو مش حوار نسيت لا انا كسلت علشان معيش مفتاح بوجيه بس انهرده نزلت التوفقيه ولاقيت المحالات قافله وكنت مضايق علشان كنت عاوز اجيب بوجيهات وانا ماشى لاقيت مفتاح بوجيهات فاشتريت واحد وجيت فكيت الاول وهنزل بكره اجيبهم انشاء الله

بس محدش يعرف مكان غير التوفقيه علشان اجيب منه البوجيهات علشان انا سمعت انها ب 90 وقى فوق ال 100 مش كتير 100 جنيه على بوجيهات عربيه ده البوجيهات بتاعه العربيه الناس بتجيبها ب 40 جنيه

[SYD]

بالنسبة للبوجيهات حابب اوضح كام نقطة
1- البوجيهات مش هتفرق معاك الفرق الرهيب في الاستهلاك
2- سعر البوجيهات متغير جدا تبعاً لهي بتعمل ايه

توضيح
الاستهلاك العامل الاساسي فيه - اسلوب القيادة
البوجيهات لو هتغيرها عشان مفحمة يبقي هتغيرها كل اسبوع
شوف سبب الكربون اللي عليها وغالباً هيبقي بنزين 80 او عدم انتظام حريق وضبط كاربراتير

انت عربيتك كاربراتير مش انجيكشن وبالتالي مش محتاج طقم البوجيه اللي فيه مقاومة
يعني هات الطقم اللي زي اللي خلعته - 3 شمعة عادي - هتلاقيه في حدود ال40-60 ج بالكتير

واخيرا
انت ربنا بيحبك انك اشتريت مفتاح بوجيهات بالبركة وطلع نفس المقاس عندك

ملحوظة
اوعي تحااول تفك او تركب بوجيهات والموتور سخن
لازم تربط والبوجيه في وضع قائم علي السن
اربط بايدك الاول للتاكد انه راكب صح والسن بيلف في مكانه مظبوط
تكمل ربط بالمفتاح لحد لما يتقل - وماتقرطش اوي عليه في الربط - بس ماتخليهوش مهوي


تحياتي

[hossamalsadik]

ده البوجيه بتاعك Bp6ET
فى حدود 80جند


وده bosch العملاق

وده الموقع الرسمى
Super+ Spark Plugs FR7LDC+ - Single - Bosch Auto Shop

[windofchange]

كود البوجيه مهم جدااا وانت بتدخل مواقع البوجيهات بتكتب موديل العربية وسعة الموتور اللتريه ونوعه ويديك رقم البوجيه المناسب لعربيتك...بشمهندس سيد حبيبي ليه لازم نفك البوجيه والعربية باردة

[nesr6060]

بالنسبه للبوجيه التانى فانا مش عارف اجيب كوده

اما بالنسبه للاستهلاك فانا بقول انه هيقل بسبب ان الاول لما كنت بشغل العربيه واحط ايدى على الشكمان كانت العربيه بطلع دخان مش باين بس كنت تحط ايدك تلاقى ايدك معرقه واله اعلم كانت بتبقى معرقه بنزين ولا شحم علشان كدا انا بقول ان الاستهلاك هيقل علشان اعتقد ان البوجيه مكانشى بيحرق البنزين كامل او كان واحد من البوجيهات دى مش شغال علشان كدا كانت مبتحرقش البنزين كله فبتسهلك بنزين كتير

سؤال بقى عاوز اعرفه هو انا حوالين البوجيه التالت لاقيه حواليه سائل مش عارف ان كان ده زيت ولا بنزين امسحه قبل ما اافك ولا اعمل ايه كل البوجيهات حوالينهم شحم ماعدا ده حواليه سائل تقريبا كدا العربيه عاوزه تغير زيت بس انا اعمل ايه فى السائل ده

انا هنزل على الضهر كدا انشاء الله هجيب البوجيهات وفلتر زيت وهجيب جركن زيت شيل الاحمر بس ياريت لو حد يرفعلى موضوع يقولى فيه ازاى اغير زيت لان انا عاوز افضى الزيت من العربيه ومش عارف ازاى الميكانيكه بيفضوه من تحت العربيه ايه اللى بيقكوه من تحت الموتور بالظبط علشان يفضوا الزيت اللى فى العربيه

[ahmed_shebl99]

بص يا جميل لو ده زيت اللى على البوجيه شيك على ساعة الزيت علشان هى كانت السبب عندى بترمى زيت على البوجيهات لغاية مفيرتها والساعة دى جنب البوجيهات ومسئولة عن انذار مستوى الزيت

[lanos2004]

طب حضرتك عرفتك سبب انا البوجيه وصل للمرحله دى