اماكن ميكانيكى و قطع غيار

[ahmedvf]

السلام عليكم

انا لسه عضو جديد و كمان فى الابيزا الحمد لله لسه جايب واحدة جديدة 2000 1.4mpi

انا تابعت المنتدى من فترة كدة واستفدت حاجات كتير الحمد لله و الناس هنا بتفهم مش اى كلام و فتى و خلاص و كنت عاوز مساعدتكو انى الاقى ميكانيكى كويس و قريب عشان مش عاوز اى حد يشتغل فى العربيه
اولا انا فى فيصل فا لو فى حد قريب يبقى تمام قوى و كمان المفروض بقى اعمل سيرفس و اغير الزيت فا ايه اللى ممكن استخدموا احسن حاجة للمكنة دى و اجيب منين قطع الغيار و الحاجة لو فى حد قريب

بس موضوع الميكانيكى دا مهم قوى عشان العربيه بدات تعمل حاجات غريبه امبارح و كمان الفرامل حاسسها ضعيفه وو دا مش المفرض
انا عارف انى بسال كتير و بقل عليكو بس قولت اكيد مفيش غيركو هايفدنى فى الموضوع دا خصوصا اول عربيه ليا وانا معرفش اى حاجه عنها ولا الصيانه و برضه عشان احافظ عليها بعد كدة

[Karim Ibiza]

أهلا بيك معانا في قسم سيات وألف مبروك العربية وربنا يكفيك شرها

للأسف مش هقدر أفيدك في الأماكن لأني من إسكندرية بس أن شاء الله الأعضاء هيفيدوك

فيه شوية حاجات لازم نعملها لما نشتري عربية مستعملة عشان نمشي بيها وأحنا مطمئنين

سير تقسيمة
بلية شداد
سير دينامو
زيت الموتور وفلتر
البوجيهات
فلتر البنزين
فلتر هواء
تنضيف بوابة
غسل دورة التبريد والتأكد من وجود الثرموستات وعدم وجود تسريب أو تنفيس والكشف علي طرمبة المياه
مراجعة مقياس زيت الفرامل والكشف علي التيل
الكشف علي زيت الفتيس
الكشف علي العفشة وتربيطها
ظبط زوايا وترصيص العجل بعد التأكد من صلاحيته
كشف بالكومبيوتر للتأكد من الحساسات
دي الحاجات الأساسية اللي تخليك ماشي ومطمن

فيه حاجات تانية مش أساسية بس مهمة ولو الإمكانيات سامحة يبقي الأفضل تعملها

تغير زيت الفتيس
تغير جوان التاكيهات
تغير جوان وش السلندر
تغير طرمبة المياه
تغيير زيت الفرامل

اتمني أني مكنش نسيت حاجة

مهم جداً انك تراقب إمبير الحرارة خصوصا في اليومين دوول

[SYD]

وعليكم السلام ورحمة الله وبركاته
في البداية أحب أرحب بيك في قسم سيات نايل موتورز

انا كمان ساكن في فيصل وبتعامل مع ميكانيكي في نهاية الهرم - شارع الأشول
كلمني واوصفهولك

تحياتي

[hossamalsadik]

اهلا بيك معنا عضو فى قسم سيات وعضو فى منتدى نيل موتورز
مبروك العربيه ربنا يباركلك فيها
انا معايا زى عربيتك ومتخفش هيا كويسه وهتستمتع بيها
بالنسبه لقطع الغيار الحرافيين مليانه جديد واستيراد وايضا رمسيس وغيره
بالنسبه للميكانيكية بردو متوفرين
بالنسبه للكهربائيه بردو متوفر
وتحت امرك فى اى افاده

تحياتى

[ahmedvf]

متشكر على الردود الله يخليكو
و الله بيارك فيك Karim Ibiza شكرا على توضيح كل دا و ياراب يكون دا كل حاجة المفروض تتعمل
و SYD هاكلمك ان شاء الله دا كويس انك فى نفس المكان اكيد عارف ناس قريبه بس هو الاسبوع دا بخلص شغل متاخر فا هكلمك ان شاء الله فى الاجازة يارب تكون فاضى
hossamalsadik الله يخليك ممكن تفيدنى فى استهلاك البنزين هو المفروض يبقى قد ايه كدة و ايه الزيت

[hossamalsadik]

ه ه
بالنسبه لاستهلاك البنزين ده بيعتمد على سوقتك وليس سعة المحرك فقط
اقرا هذا الموضوع لإيضاح

http://www.nilemotors.net/Nile/106948-a.html

بالنسبه لنوع الزيت ده موضوع كبير والكل عارف كده

ده حسب الكتلوج


أما النواع فكل واحد جرب حاجه شكل ( ده راجع لحالة الماتور )
فيسكو 5000
شيل الأصفر أو الأحمر حسب حالة الماتور
زيت كاسترول GTX متعدد الدرجات بلزوجة 20W/50
ليكولى مولى 50/W15

أما أنا فبجرب النوع الذى اختلف عليه الكثير ومريحنى ( فزوره ) فمنعا للقيل والقال عندك الأنواع المذكوره والمجربه من قبل الأعضاء

بالتوفيق

تحياتى

[ahmedvf]

ه ه
بالنسبه لاستهلاك البنزين ده بيعتمد على سوقتك وليس سعة المحرك فقط
اقرا هذا الموضوع لإيضاح

http://www.nilemotors.net/nile/106948-a.html

بالنسبه لنوع الزيت ده موضوع كبير والكل عارف كده

ده حسب الكتلوج


أما النواع فكل واحد جرب حاجه شكل ( ده راجع لحالة الماتور )
فيسكو 5000
شيل الأصفر أو الأحمر حسب حالة الماتور
زيت كاسترول gtx متعدد الدرجات بلزوجة 20w/50
ليكولى مولى 50/w15

أما أنا فبجرب النوع الذى اختلف عليه الكثير ومريحنى ( فزوره ) فمنعا للقيل والقال عندك الأنواع المذكوره والمجربه من قبل الأعضاء

بالتوفيق

تحياتى

الف شكر على المعلومات دى انا والله اسفدت كتير من المواضيع اللى هنا ان شاء الله اطبقها عملى و احاول اجى مقابلة اتعرف على الناس اللى بتفهم بجد و تكون معرفة خير باذن الله

و يالنسيه للموتور عامل 201500 كيلو و كنت سالت اللى اشتريتها منه قالى كان بيحط موبيل
دا كو يس ولا تنصحوا بنوع اجسن من اللى فوق دول و انا بفكر اجط 3000 و اغيروا كل 2000 كيلو عشان احافظ عليه بردة

هو بس حصل حاجة غريبة اخر مرة كنت فى مشوار لاكتوبر وانا راجع اما كنت بسيب البنزين وادوس فرامل او حتى دبرياج اال ار بى ام بيعد يعلا بين و1 و 1.5 كانى لسة دايس
قولت يمكن الدواسة البنزين معلقة بس لقيته زى ما هوا المهم بترجع عادى اما اشيل رجلة من الدبرياج كانى هاطلع عادى
دا ممكن يبقى ايه ؟ و لا استنى اما اعمل السيرفس واغير الزيت و الحاجات لو فى عطل هايبان ؟

انا عارف انى بسال كتير و بطول عليكو س انا معلوماتى عن الصيانه زيرو و الحمد لله :] و طمعان انى افهم كل حاجة من المهندسين هنا ان شاء الله

[Karim Ibiza]

الف شكر على المعلومات دى انا والله اسفدت كتير من المواضيع اللى هنا ان شاء الله اطبقها عملى و احاول اجى مقابلة اتعرف على الناس اللى بتفهم بجد و تكون معرفة خير باذن الله

و يالنسيه للموتور عامل 201500 كيلو و كنت سالت اللى اشتريتها منه قالى كان بيحط موبيل
دا كو يس ولا تنصحوا بنوع اجسن من اللى فوق دول و انا بفكر اجط 3000 و اغيروا كل 2000 كيلو عشان احافظ عليه بردة

هو بس حصل حاجة غريبة اخر مرة كنت فى مشوار لاكتوبر وانا راجع اما كنت بسيب البنزين وادوس فرامل او حتى دبرياج اال ار بى ام بيعد يعلا بين و1 و 1.5 كانى لسة دايس
قولت يمكن الدواسة البنزين معلقة بس لقيته زى ما هوا المهم بترجع عادى اما اشيل رجلة من الدبرياج كانى هاطلع عادى
دا ممكن يبقى ايه ؟ و لا استنى اما اعمل السيرفس واغير الزيت و الحاجات لو فى عطل هايبان ؟

انا عارف انى بسال كتير و بطول عليكم س انا معلوماتى عن الصيانه زيرو و الحمد لله :] و طمعان انى افهم كل حاجة من المهندسين هنا ان شاء الله

الأول قولنا هو كان بيحط موبيل ايه عشان نقدر منه نحكم على حالة الموتور والزيت المناسب ليه

بالنسبة لموضوع دواسة البنزين ده فى الغالب بيكون تهييس حساس حرارة
بس اعمل الأول السرفيس بتاعك ونضف البوابة واكشف كومبيوتر وبعدين نحكم

تحت أمرك فى اى استفسار فى اى وقت

[ahmedvf]

ممكن اساله
هو اليوم دا قبلها كنت زودت شويه ماية عاديه قليل جدا بس من الى قريتة عن الماية هنا اللى لسه بحاول افهم برده المفروض احط ايه ولا ازاى
دا ممكن ياثر مثلا
؟
و كنت اما بدور العربية واسيبها عادى بتسخن كان ال ار بى ام نيثبت على 0.9 او 1 و مفيش حاجة عادى
لسه امبارح و النهاردة بحس ان صوت الموتور وطى رجة اكتر مكنتش موجودة كانها هاتبطل بس ال ار بى ام زى ما هوا 0.9
بس فى المشى عادى مع العلم انى لسه معدتش ال 110 و مش بجرى بيها يعنى سواقة لسه هادية

[Karim Ibiza]

ممكن اساله
هو اليوم دا قبلها كنت زودت شويه ماية عاديه قليل جدا بس من الى قريتة عن الماية هنا اللى لسه بحاول افهم برده المفروض احط ايه ولا ازاى
دا ممكن ياثر مثلا
؟
و كنت اما بدور العربية واسيبها عادى بتسخن كان ال ار بى ام نيثبت على 0.9 او 1 و مفيش حاجة عادى
لسه امبارح و النهاردة بحس ان صوت الموتور وطى رجة اكتر مكنتش موجودة كانها هاتبطل بس ال ار بى ام زى ما هوا 0.9
بس فى المشى عادى مع العلم انى لسه معدتش ال 110 و مش بجرى بيها يعنى سواقة لسه هادية

مفيش مشكلة بس أهم حاجة انك متكونش زودت والعربية سخنة ومش دايرة

ظبط سرفيسك عشان نقدر نحكم صح

[ahmedvf]

الحمدلله غيرت الزيت و سير الكاتينه و الدينمو و فلتر البنزين و الهوا والزيت

و الميكانيكى بص على زيت الفرامل و التيل و زيت الفتيس و العفشه و قالى دا تمام
و البوجيهات كانت جديجة برضه و هى شغاله معايا كويس
نظف البوابه
بس لسه الكشف باكمبيوتر و ظبط الزوارا و العجل و ياريت لو اعرف مكان قريب كويس اكشف فيه على العجل و الظبط ?
و كان فى موضوع عن تنظيف دورة البنزين و الرشاشات بمادة كدة فا بسال عادى لو عملتها برضه ولا عشان لسه مغير الفلتر فى مشكله و ايه احسن حاجة اجربها ؟

الزيت بقى جبتوا شيل الاصفر كتير نصحونى بيه جبت ال 5000و دا عمل 130
فلتر البنزين المانى الللى هوا علامات دا كان 90 المشكله ان كنت قى الجيزة و مفيش غير واحجد هنام فا حسيت انه غالى
و سير الدينامو 125
و سير الكاتينه 95
فلتر الهواء 90 هوا اتين مربعين كدة

من التجربه انا لسه مامشتش بيها كتير هو كان وانا مروح بس اولا هو صوت الموتور هدى شويه حتى لو قليل مش حاجة كتير

و السحب بقى احسن مش بتجمع الغيار فى كتير و مش عارف هاترجع تانى ولا لا بس اما كان ال ار بى ام بيعلا و يوطى كانى بزود لوحدة معملتهاش تانى و تقريبا دا كامن من البوابه اما اتنضفت و فلتر البنزين كان مش سالك كويس



انا مستنى بقى اما اعمل مشوار كبير اشوف و افول تانى واحسب الاستهلاك بعد التغيير

[hossamalsadik]

بالنسبة لموضوع دواسة البنزين ده فى الغالب بيكون تهييس حساس حرارة

[hossamalsadik]

ده لموضوع أماكن ظبط الزوايه

http://www.nilemotors.net/Nile/135001-a.html

http://www.nilemotors.net/Nile/285131-a.html

وطلما انتا من الجيزه يبقى المواضيع مناسبه ليك
وخلاص أمشى بيها طلما تمام وموضوع دواسة البنزين ولعب rpm انا برجح زى مقال أ/ كريم
وده ممكن يبان بالكشف بالكمبيوتر

بس فلتر الزيت فولكس العلامات كان ب55ج وصل ل 90ج !!!!
وفلتر الهواء كان ب60ج وصل ل 90ج !!!! وده نوعه ايه ؟

[ahmedvf]

استاذ حسام الف شكر على موضوع الزوايا ز الفلتر اللى ب 90 دا ينزين و الهوا علبة صفرا هاحاول اصور العلب واحطها بس تقريبا عشان مكنش فى غير المحل دا فى الجيزة فا غالى لانى مدور تش ولا سالت فى حتى تانى
ان شاء الله هاكلم المهندش سيد اعرف التفاصيل هو بس مش بلاقى وقت فاضى كتير من الشغل

و تهييس الحرارة دا اعرفة منين ولا ايه الحل لو حصلت تانى ؟
حتى موضوع دورة البنزين انا دلوقتى لقيت فى كذا نوع انا حاسس انها مش محتاجة نظافة جامدة قوى فا ايه الافضل stp or cyclomax44 or abro ؟

انا عارف انى بدوشكم بالاسئلة الكتير بس ان زى ما قولت قبل كدة انا لسه معرفش اى حاجة عن العربية دى حتى جديد فى السواقة فا بجرب فيها :D

[hossamalsadik]

تعرفه بالكشف بالكمبيوتر
لما مثلا RPMثابت على 8 فى اول الدواره مش 11 وبعدين بعد التسخين يوصل ل8 + سحب البنزين ممكن يزيد سنه بسيطه
وعمتا مش مشكله أوى

بخصوص المنظف cyclomax44 عن تجربه وعلى ضمنتى
وأنا لي موضوع هنا عنه وعن abro