جبت بوجيهات واكتشفت ان فى فيشه محروقه

[nesr6060]

انهرده نزلت التوفقيه جبت بوجيهات بوش 3 شمعه وجبت فلتر زيت وفلتر بنزين وركبت البوجيهات و فلتر البنزين
وادور العربيه برده مدارتشى فضلت ادور فى الفيش اكتشفت ان فى فيشه اللى متوصله للكربراتير فيها سلكه من جوا محروقه روحت خالع الفيشه وططلعت على بتوع الاستراد ادانى واحده زيها اسمها فيشه حساس الاير AIR مفهمتش يعنى ايه المهم رجعت جيت اركبها اتصدمت معرفتش انهى سلك بركب فى انهى المهم فضلت اجرب لغايه البطاريه ما فضيت وادينى هستنى بكره هشحن البطاريه وهتدور انشاء الله
ده شكل الفيشه


وده مكانها


حد يقولى ازاى اعرف ترتيب السلوك علشان اوصصلها يا رجاله

[rotanamasoud]

ايه اللى انت عملته ده هو فى تجريب فى الاسلاك ولو جربت وحطيت السالب مكان الموجب وحرق حاجه حتدوخ وتلف حوالين نفسك

[SYD]

هترتب الأسلاك بترتيب الوان السلوك

[nesr6060]

الالوان مختلفه
الالوان اللى خالرجه من المسطره مختلفه عن الالوان اللى فى الفيشه

[ahmedalaahosny]

والله العظيم انا تعبتلك ده انت خلاص غيرت كل حاجة ف العربية عشان تدور

[hossamalsadik]

بصراحه انا مكنتش هرد
المهم
موضوع الفيشه ده حساس فعيزك تركز معايا طلما الألوان مختلفه وده بيكون أحتماله وارد طبعا

الفيشه السابته الى ركبه فى الكربراتير ليها سوكتات فوق وتحت ( من داخلها )
الفيشه الى انتا مصورها ( البيظه) ليها نفس سوكتات عشان تعشق معها بنفس ترتبها
هتحط الفيشه الجديده فوق الفيشه القديمه ( البيظه ) وتبتدى تشبك كل سلك خارج من الجديده بمثيله فى سلوك الفيشه القديمه حسب الترتيب
مثال توضيحى
( مثلا الأول يمين فوق ( الفيشه الجديده ) مع الاول يمين تحت ( الفيشه القديمه ) - الثانى يمين فوق مع الثانى يمين تحت وهكذا )

[nesr6060]

المشكله ان الفيشه القديمه الاسلاك اللى فيها اتششالت ومبقتشى عارف ترتيب الاسلاك فالحل الوحيد اللى قدامى ان دول 4 اسلاك فى الفيشه و 4 اسلاك طالعين من المسطره الغريبه اللى مش عارف هى بتاعه ايه بس طالع هى من الناحيتين متوصله بفشتين وطال منها 5 سلوك واحد داخل على بتاعه غريبه الله اعلم ده رشاش ولا ساعه زيت
بس غالبا رشاش
والاربع اسلاك التانيه المفروض متوصلين بالفيشه فانا قدامى 4 اسلاك و 4 اسلاك مقداميش غير حل واحد انى اجرب كل واحد مره يعنى 4 * 4 يعنى هجرب 16 مره وهشوف ادعولى يا رجاله المشكله ان البطره كل شويه بتفضى من كتر التجريب ده

[hossamalsadik]

ربنا ييسلك الأمور وتنتهى مشكلتك
أنا بدعيلك لان الموضوع خطرته فى ان لو وصلت السلاك غلط موجب مع سالب وبعد كده دخلت جوه العربيه عشان تفتح كهرباء فممكن تحرق سلك او اى حاجه ونتا مش شايفه ونتا داخل العربيه بدور

طيب افتح كونتكت الاول وابتدى توصيل ولو لقيت اثناء شبكك سلك باخر ان فيه شرز جامد ( كده افله )متوصلوش وأختار غيره اما يكون الشرز خفيف جدا أو مفيش

خايف ومش أدها يبقى كهربائى ومش اى كهربائى يكون شاطر وبيفهم

[besso]

الحل انك تروح للى اشتريتها منه هو اكيد عارف

[lad]

شوف عربية زيها تكون مع صحبك مثلا التجارب ممكن تحرق حاجة مهمة او غالية

[eemmoo]

جبت منين فلتر البنزين وبكام ؟؟

[nesr6060]

انا جبت الفلتر الصغير البلاستك بتاع الكربراتير ب 5 جنيه لو عاوز تعرف منين هقولك
محل اولاد فتح الباب اللى فى شارع رمسيس الشارع اللى جنبه على طول امشى فيه على الرصيف الشمال على بعد 15 متر هتلاقى محل فولكس كبير شويه سيبه وكمل بعديه على بعد حوالى 20 متر هتلاقى محل تانى للفولكس صغير وبتنزله سلالم لتحت علشان المحل واطى عن الرصيف حوالى 6 سلالم
انا جبت من الراجل ده الفلتر بتاع البنزين و الزيت فلتر الزيت ب 30 جنيه وفلتر البنزين ب 5 جنيه وده من غير فصال لان انا لاقيته ارخص واحد بيبعهم الصراحه

[hossamalsadik]

فلتر الزيت للفولكس أسمه التجارى فلتر فولكس علامات
وسعره من 35 الى 55ج المهم اتاكد أنه الأصلى

وفلتر البنزين أما فلتر الدايو ب25ج تقريبا أو فلتر توبران ألمانى 40او 45ج او فلتر علامات فولكس بس معرفش بكام .

[eemmoo]

يعنى فلتر الدايو يركب عادى من غير اى مشكله ؟؟

[hossamalsadik]

فلتر الدايو يركب بدون مشاكل وهوا نفس الشكل
شوف الموضوع ده وشوف شكل الفلتر هتلقيه نفس شكل الفلتر بتعنا

http://www.nilemotors.net/Nile/276343-a-2.html