بجد انا زهقت انا هنزل ادور على اى ميكانيكى يشوفلى فيها ايه

[nesr6060]

يا جدعان حرااام انا تعبت من كتر ما انا بجرب ده انا يعتبر عملت للعربيه المستحيل
غيرتلها طقم البوجيهات - غيرت سير الدينمو - غيرت الفيوزات - غيرت الفلتر - غيرت البنزين - خلعت فيشه الكربراتير وجربت السلوك كلها - عملت اتشيك على الطرمبه
وبعد ده كلوا برده العربيه مدارتشى ده انا ناقص اغير العربيه نفسها كفايه كدا بجد تعبت خلاص هدور على ميكانيكى يشوفها ويريحنى علشان تعبت ده انا شحنت البطاريه مليون مره وعماله تخلص وانا عمال اجرب بجد انا تعبت كفايه عليا تغير البوجيهات

[hossamalsadik]

بالشكل ده يبقى حد يبصلك عليها فاهم لما يجرب هوا هيكون افضل لان فيه حجات بالخبره هتبان
ممكن متخدشى بالك منها
والواحد أزاى أتعلم لما شاف العيب وكيفية أكتشافه و صيانته عملى
وبعض العيوب ليها اكثر من أحتمال بالخبره ممكن تحديده ( بس عملى ) او نمشى على الخيط من اوله

[mahmoud ghanem]

بصراحة ... والله انت بطل

خلاص كفاية كدة وشوف ميكانيكى يبص عليها واهو انت بردوا اتعلمت كتير

[warfighter2114]

بالتوفيق بأذن الله

[yousefsemsem]

باشا ماتحاولش تاني الا لما يجي حد ممكن لا قدر الله لا قدر الله سير الكاتينه مقطوع وانت مش واخد بالك

[aldesha989]

يعنى انتا بتدور ومش بتلقط فى الماتور ؟

بصيت على الموبينه ؟
بصيت على الاسبراتير ؟
بصيت على سير التقسيمه ؟
بصيت على طرمبة البنزين ؟
المارش صوت بس يعنى مافيش تلقيط نهائى للماتور ؟

لو كده بص على الحاجات اللى سئلتك عليها وان شاء الله تكون حاجه منها وربنا يوفقك ان شاء الله

[eleanor]

شوف حساس الكرنك هو اللى بيعمل كده

[nesr6060]

يعنى انتا بتدور ومش بتلقط فى الماتور ؟

بصيت على الموبينه ؟
بصيت على الاسبراتير ؟
بصيت على سير التقسيمه ؟
بصيت على طرمبة البنزين ؟
المارش صوت بس يعنى مافيش تلقيط نهائى للماتور ؟

لو كده بص على الحاجات اللى سئلتك عليها وان شاء الله تكون حاجه منها وربنا يوفقك ان شاء الله

بالنسبه لطرمبه البنزين انا فكيت وجربتها لاقيتها بتطلع بنزين وفضيت العربيه من البنزين القديم وجبتلها 92 واشتغلت الحمد الله كويس والبنزين واصل وغيرت الفلتر
الاسبراتير معرفشى اشوفه ازاى بس انا فكيت سيلك بوجيه وخليت صاحبى يعمل مارش والعسيلك عمل شرار بسيط لما لمسته لجسم الموتور متهيالى معنى كدا يبقى الموبينه والاسبراتير الحمد الله

الموتور بيلقط والاربى بيطلع لغايه 2 و 5 وساعات بيطلع لغايه 10 بس لو بطلت كونتكت الموتور بيفصل مش عارف ليه يعنى طول ما انا مدى كونتكت ودايس بنزين الموتور عامل ار بى 5 تقريبا



بالنسبه للحساس انا عندى الفيشه اللى طالعه من المسطره اللى طالع منها سيك لمبه الزيت المفروض طالع معاها 4 سلوك تانى بفيشه والفيشه دى مكانها بيتحط فى البوابه من فوق اللى اكتشفته ان سيلك منهم كان سايح بس لما جبت فيشه تانيه جربت كل السلوك وبرده العربيه مدارتشى جربت 24 مره مختلفه كل سلك مع التانى بالترتيب

[SYD]

باشا ماتحملش نفسك فوق طاقتها
انت لسة جديد مع العربية - او العربية هي اللي جديدة عليك

واحدة واحدة هتفهم كل حاجة في العربية
انت دلوقتي تشوف ميكانيكي يبصلك عليها - ويعملك اللي فيها

لكن ما ينفعش بخبرتك المحدودة تحاول تعمل كل حاجة فيها
طبعا كتر الف خيرك انك بتحاول - لكن احياناً بنوصل لمرحلة اعلي من مستوي خبرتنا
وساعتها لازم نجيب ميكانيكي يحل مشكلتنا

تحياتي