هام بالنسبه لدوره التبريد!!!!!!!!!!!!!!

[warfighter2114]

انا عربيتى قرطبه مسقط موتور 1600 ابيزا 1999 alm كود الموتور

انا نظفت دوره التبريد الى حصل كلاتى

1- فك الخرطوم الداخل للموتور ونزله لتحت
2- جاب كاوتشه حرف تى ورجبها مكان الخرطوم الى فكه ووصل فيها ماسوره خارج العربيه
3- بعد مغسل الاربه ركبها ودخل خرطوم مياه
4- قبل مايفتح المياه قالى شغل ودخل الخرطوم فى الاربه وقالى اضغط بنزين ولقيت المياه فيها شويه بنيات مع المياه الخضراء
5- وهكذا وبعدين قالى بطل وجاب مياه عاديه وبعد تقفيل الخراطيم حط المياه الحنفيه فى الاربه وفك الخرطوم الرفيع الى داخل للاربه قالى عشان المياه الخضراء لازقه وبعدين خد الجركن ميام iada بمبى اللون وحطها وفضل يحط مع مرعاه ان خرطوم الاربه مفكوك لغايه لما الخروج بقى بمبى ومتصل ولكن

اولا حضراتكم قولتوا العربيه بتاخد 5.5 لتر يعنى المفروض الجركن كله يتحط لتر + لتر مياه مقطره هل الكلام ده صح!!!!!!!!!!!!!!!

ثانيا انا العربيه اخدت اقل من نصف الجركن او نصه هل معنى الكلام ده ان دوره التبريد فيها مشكله!!!

علما بان التبريد عندك كويس والحراره ثابته والمروحه بتشتغل


انا خايف من ان تكون دوره التبريد فيها مشاكل وبالتالى ميعاد تشغيل المروحه مش مظبوط وبالتالى الموتور يسخن ويبوظلى وش السلندر

ارجو من حضراتكم الافاده وشكرا

[aw2100]

المفروض بيفضى مية الحنفية من العربية تماما وبعدين بيحط المية الحمراء لكن كده هو خلط المية الحمراء بمية الحنفية وده غلط لازم تفضى المية دى وتحط مية حمراء بالكامل علشان كده لسة فية املاح من مية الحنفية وانصحك تحط مية توتال البرتقالى تركيز ها 33% افضل من الأيدا تركيزها 5% بس !!!

[mahmoud ghanem]

فعلاً هو المفروض يفضى مياه الحنفية بالكامل وبعد كدة يحط المياه الاهيبو الالمانى اللى فولكس بتوصى بيها فى عربيتنا

حاجة كمان هو غسيل الدورة لو عاملة فى بنزينة محترمة بيبقى فيه مادة كدة بتتحط على مياة الحنفية اثناء الغسيل زى الشامبو كدة وظيفتها التنظيف الجيد ومانع صداء يعنى افضل من الغسيل بمياه فقط وخلاص
او انك بتشترى من البنزينة زجاجة صغيرة كدة فى منها انواع كتير مانع صداء الردياتير بتحطها فى القربة وبعد كدة تزود مياه عادية وتشغل العربية 10 دقائق علشان السائل والمادة تمشى فى دورة التبريد كويس وبعد كدة تفضى المياه من العربية بالكامل وبعد كدة تحط المياه الهيبو

[hossamalsadik]

كان لازم يفضى المياه كلها فعلا ويحط الجركن كله
أنا بعد غسيل دورة التبريد حطيت الجركن ايدا الأحمر كله 5لتر وفعلا زوت نصف لتر كمان يعنى العربيه خدت 5.5 لتر بالتمام
التبريد كويس ومافيش مشاكل حتى الأن رغم الجو الحار الأيام الى فاتت ونا متبعها كويس

ولا انكر ان المياه المصى بها هيا +g12 وتجبها من محلات الفولكس وسعرها 85ج

[matrix012]

انا سمعت من واحد صاحبى معاه جولف ان المايه بتاعت التكييف كويسه كده
هوا نضف الدوره بتاعت التبريد عنده وحط المايه الى بتنقط من التكييف وبيقولى ان مفيش اى صدأ والتبريد كويس
فعلا الكلام ده صحيح خصوصا ان نظريا المايه بتاعت التكييف ديه مفيهاش املاح خالص لانها مايه مقطره يعنى مفيش صدأ
ايه رأيكو فى الكلام ده ؟؟

[SYD]

طبعا كان يجب يفك طبة الموتور وينزل كل المياة الموجودة فيه
انت شوفت الموضوع دة ؟؟ http://www.nilemotors.net/Nile/31822...post3874626995

اعتقد لو كان عمل معاك كدة كنت هتطمن انه فضي الموتور تماماً

حاول تنزل المياة دي كلها تاني وتعيد الموضوع من جديد

تحياتي

[hossamalsadik]

انا سمعت من واحد صاحبى معاه جولف ان المايه بتاعت التكييف كويسه كده
هوا نضف الدوره بتاعت التبريد عنده وحط المايه الى بتنقط من التكييف وبيقولى ان مفيش اى صدأ والتبريد كويس
فعلا الكلام ده صحيح خصوصا ان نظريا المايه بتاعت التكييف ديه مفيهاش املاح خالص لانها مايه مقطره يعنى مفيش صدأ
ايه رأيكو فى الكلام ده ؟؟

الكل أجمع حتى الأن أن المياه المقطره المستخرجه من التكييف
كويسه للتبريد ولاتحدث أى صدأ

مع أنى أفضل مياه التبريد لما فيها من خواص رفع درجة الغليان والماده المزيته لطرمبة المياه
ثم يمكن أضافة المياه المقطره او المستخرجه من التكييف للتكمله

[mahmoud ghanem]

الكل أجمع حتى الأن أن المياه المقطره المستخرجه من التكييف
كويسه للتبريد ولاتحدث أى صدأ

مع أنى أفضل مياه التبريد لما فيها من خواص رفع درجة الغليان والماده المزيته لطرمبة المياه
ثم يمكن أضافة المياه المقطره او المستخرجه من التكييف للتكمله

+1

[aw2100]

انا سمعت من واحد صاحبى معاه جولف ان المايه بتاعت التكييف كويسه كده
هوا نضف الدوره بتاعت التبريد عنده وحط المايه الى بتنقط من التكييف وبيقولى ان مفيش اى صدأ والتبريد كويس
فعلا الكلام ده صحيح خصوصا ان نظريا المايه بتاعت التكييف ديه مفيهاش املاح خالص لانها مايه مقطره يعنى مفيش صدأ
ايه رأيكو فى الكلام ده ؟؟

مية التكييف لوحدها مش كفاية زيها زى المية المقطرة لوحدها مش كفاية لية؟
اولا درجة غليان المية 100 وسائل التبريد بيوصل ل 120 فده بيزود الضغط فى دورة التبريد بعد غليان المية وخروج البخار وده خطر على دورة التبريد والخراطيم واويلسيل الطرمبة وطبعا جوان وش السلندر
ثانيا المية المقطرة والتكييف بتسبب الصدء لعدم وجود مواد مانعة للصداء وده طبعا بيعمل تأكل لوش السلندر والموتور نفسة وترموستات الكوعة وتسد الرادياتير
ثالثا عدم وجود مواد تزييت فيها بتزيت الأجزاء المتحركة زى طرمبة المية وترمستات الكوعة وده بيعمل تأكل للاجزاء دى وبيقصف عمرها
الخلاصة مية التكييف او المقطرة ماتنفعش كسائل تبريد لوحدها يجب اضافة مية تبريد مركزه عليها تحياتى !!

[hamada_elzayat]

استاذ warfighter2114 انت عملت الحكايه دى فين بالظبط ؟؟؟؟
وعاوز اعمل كمان كبس لدوره التبريد عشان عندى تسريب لان الميه بتنقص كل كام يوم مع انى اول ما جبتها مزودتش ميه لمده 4 شهور ومكانتش بتنقص بس انا بحط ميه حنفيه عادى
الناس تنصحنى بايه ؟؟؟
انا فى اسكندريه على فكره

[hossamalsadik]

أتفضل ده مكان فى اسكندريه

النهارده اشتريت مياه hepu ب 60 جنيه من واحد اسمه هاني في الازاريطة في دهر محطة موبيل الازاريطة علي الترام عند المجمع

والدوره نضفها فى اى بنزينه يكون فيها غسيل ريداتير
بس ياريت تشيك على الريداتير وخراطيمه والأربه يكون فيهم تسريب ( غطا الأربه بيقفل بأحكام وكوتشته سليمه )

تحياتى

[warfighter2114]

استاذ warfighter2114 انت عملت الحكايه دى فين بالظبط ؟؟؟؟
وعاوز اعمل كمان كبس لدوره التبريد عشان عندى تسريب لان الميه بتنقص كل كام يوم مع انى اول ما جبتها مزودتش ميه لمده 4 شهور ومكانتش بتنقص بس انا بحط ميه حنفيه عادى
الناس تنصحنى بايه ؟؟؟
انا فى اسكندريه على فكره

تنظيف الدوره عند اى واحد بيتاع تركيب وتصليح ريداتير اما بالنسبه لمشكله التبريد عندك الدكتور اسامه فرج فى خالد ابن الوليد على البحر مشهور مجرد محتسأل عليه الف مين حيدلك
كمان هريسه فولكس فى محطه الرمل عند المطافى مشهور جدا
وانا تحت امرك

[warfighter2114]

انا فعلا رجعت للراجل والحمد لله المياه مش مقطوعه واشتكيته للمعلم وقولتله على القصه المهم الراجل عمل الازم بنفسه وغسله الدوره 10 دقايق بس للامانه الدوره نظيفه ويخساره مياه ايدا نزلت على الارض المهم
فرغ مياه ايدا فى الاربه بس مأخدتش 4 لتر على العلم انا فى جزء خارج الموتور عشان يسحب هوا
هل كده عندى مشكله!!!!!!!!!!!!!!!!!!!!!!!!!!!!!!!!! ان مأخدتش 5 لتر
التبريد عندك الحمد لله كويس بس خايف ان ده يكون سبب تأكل وش السلندر المره الى عملت فيها خرط لوش السلندر على العلم ان مؤشر الحراره مبينزلش عن 90 وثابت

[hamada_elzayat]

متشكر جدااااا يا جماعه
جزاكم الله خير