إستشارة عن سيات توليدو 1996

[a_kamel]

السلام عليكم يا شباب

عندي استشارة لملاك السيارة سيات

معروض عليا سيات توليدو 1996 1600 سي سي دواخل فابرقة و رشة برة نضافة
التكييف شغال فيها اتنين اير باج و صالون و فرش الفابريقة
طالب فيها 37000 ج
أنا لسة ما شوفتهاش بس علي كلام الراجل انها ألماني بالكامل و موتورها الفابريقة فولكس فاجن

طبعا كل الكلام دة مغري جدا و الراجل اللي بيبعها بيقوللي عربية ما تتفوتش

أنا عايز أعرف السعر ده مناسب و لا كتير ....؟

قطع غيار العربية دي متوفرة و أسعارها معقولة و لا غالية و مش موجوده ...و ألاقيها فين .....؟

لو في حد معاه نفس الموديل ياريت يفيدني ايه عيوبها و أخبارها ايه في السرعات العالية و عفشتها تستحمل و لا ايه .....؟

أكون متشكر جدا لو حد يفيدني لأني مالقيتش حد يعرف غير الإبيزا

جزاكم الله خيرا

[Karim Ibiza]

أهلا بيك فى قسم سيات

العربية سعرها معقول وقطع غيار الموتور والعفشة متوفرة واسعارها معقولة
لكن الموديل ده قطع غيار الصاج والفوانيس قليلة شوية عن باقى الموديلات وسعرها أكيد هيبقى أغلى شوية لكنها موجودة
المفاجأة بقى ان قطع غيار الصاج والفوانيس مشتركة مع عربية صينى اسمها شيرى واعتقد ان دى ميزة لأن هتلاقى سعرها رخيص ومتوفرة

بالنسبة للأداء طبعا حدث ولا حرج وهتلاقى موتورها 1600 زى اللى انا مسقطه فى عربيتى

[a_kamel]

مشكور يا باشا ع الرد
و تسلم علي المعلومات القيمة

[hossamalsadik]

تقصد شيرى a11 2006



سيات توليدو 1996

يخلق من الشبه أربعين خمسين مايه

[hossamalsadik]

وده الكتالوج بتعها هديه منى وأتعرف عليها أكتر
Manual_Seat_Toledo_MK1.doc

وده من مو91 حتى 98
Deposited files - Файловый xостинг

[a_kamel]

يا عم حسام يا جامد تسلم ايديك يا باشا

يعني رأيك اتوكل علي الله و اشتري لو حالتها كويسه ؟

[hossamalsadik]

طبعا لو حلتها كويسه وجميع كماليتها شغاله وكل حاجه فيها فى مكانها
عشان فى حجات صغيره بس بتصرف خاصة فى الصالون وكمالياته
لانها ممكن تكون قليله والتاجر عارف كده وهيعلى عليك السعر شويه
يعنى لو سليمه وزى ماقلتلك توكل على الله واستخيره
مع أنى افضل سؤال مالكيها لانهم اكثر خبره فيها عمليا ً

وحط فى بالك الأتى :
- يعنى صحبها كان بيجيب حاجتها من كوكب تانى
- هل أنتا ممكن تتعب فى الأول بس لحد ماتعرف كل حاجه فيها
زى مين بيشتغل فيها صيانه ومنين قطع الغيار الاقرب ليك وعند مين تحديداً
- وهل قطع الغيار سعرها مناسب ليك ( طبعاً هيا مش غاليه وبردو مش رخيصه ديه المانى ومعمره )
- هل لايهمك زمن و سعر اعادة البيع لو منخفض واهم حاجه تركب عربيه صح وتستمتع بيها

أنا مثلا كل لما أجيب عربيه فى الأول أحتاس فيها وبعد كده ارتاح ليه عشان فهمتها من جميع النواحى ألى قلتلك عليها وفى الأول حددت أنا عاوز ايه .

واى حد هتلقيه أول مابيغير نوع العربيه بيتعب شويه فى الأول لحد مابيفهم ويعرف كل حاجه تخصها
وعوز أقلك كمان أنى بعد عشر سنين من أول ابيزا ركبتها وكانت زيروووو رجعت تانى ليها بس طبعا بالموديل الى بعده وكفايه انى راكب عربيه ألمانى vw لان فى راى بدون تحيز شركة فولكس والالمان افضل ناس فى الصناعه ديه ( كفايه أنهم مابيخلوش حد تانى يقفل عربيتهم غرهم زى شركات تانيه بسبب رخص العماله فى دول تانيه ...ألخ)يعنى ممكن تشوف يابانى او امريكى أو فرنساوى وغيرهم متقفل فى دول تانيه

وطول منتا هنا معانا فى المنتدى وقسم السيات خاصة وبين أعضائه المتعاونين جدااا هتعرف كل حاجه عن العربيات السيات وهتجيلك المعلومه لحد عندك

معلش طولت عليك بس أنتا عاوز راي وديه مساؤليه أكن أنا الى هشتريها وهركبها بالظبط

وشكرا على زوقك

أتمنى اكون افدتك

تحياتى

[mahmoud ghanem]

طبعا لو حلتها كويسه وجميع كماليتها شغاله وكل حاجه فيها فى مكانها
عشان فى حجات صغيره بس بتصرف خاصة فى الصالون وكمالياته
لانها ممكن تكون قليله والتاجر عارف كده وهيعلى عليك السعر شويه
يعنى لو سليمه وزى ماقلتلك توكل على الله واستخيره
مع أنى افضل سؤال مالكيها لانهم اكثر خبره فيها عمليا ً

وحط فى بالك الأتى :
- يعنى صحبها كان بيجيب حاجتها من كوكب تانى
- هل أنتا ممكن تتعب فى الأول بس لحد ماتعرف كل حاجه فيها
زى مين بيشتغل فيها صيانه ومنين قطع الغيار الاقرب ليك وعند مين تحديداً
- وهل قطع الغيار سعرها مناسب ليك ( طبعاً هيا مش غاليه وبردو مش رخيصه ديه المانى ومعمره )
- هل لايهمك زمن و سعر اعادة البيع لو منخفض واهم حاجه تركب عربيه صح وتستمتع بيها

أنا مثلا كل لما أجيب عربيه فى الأول أحتاس فيها وبعد كده ارتاح ليه عشان فهمتها من جميع النواحى ألى قلتلك عليها وفى الأول حددت أنا عاوز ايه .

واى حد هتلقيه أول مابيغير نوع العربيه بيتعب شويه فى الأول لحد مابيفهم ويعرف كل حاجه تخصها
وعوز أقلك كمان أنى بعد عشر سنين من أول ابيزا ركبتها وكانت زيروووو رجعت تانى ليها بس طبعا بالموديل الى بعده وكفايه انى راكب عربيه ألمانى vw لان فى راى بدون تحيز شركة فولكس والالمان افضل ناس فى الصناعه ديه ( كفايه أنهم مابيخلوش حد تانى يقفل عربيتهم غرهم زى شركات تانيه بسبب رخص العماله فى دول تانيه ...ألخ)يعنى ممكن تشوف يابانى او امريكى أو فرنساوى وغيرهم متقفل فى دول تانيه

وطول منتا هنا معانا فى المنتدى وقسم السيات خاصة وبين أعضائه المتعاونين جدااا هتعرف كل حاجه عن العربيات السيات وهتجيلك المعلومه لحد عندك

معلش طولت عليك بس أنتا عاوز راي وديه مساؤليه أكن أنا الى هشتريها وهركبها بالظبط

وشكرا على زوقك

أتمنى اكون افدتك

تحياتى

[SYD]

في البداية أحب أرحب بيك في قسم سيات نايل موتورز

سعر 37 عالي شوية - الا لو
لو العربية حالتها ممتازة - فرد كاوتش جديدة - حالة الفرش تمام - بطارية جديدة - كاملة

التوليدو نزلت بمحركات كتير من اول 1.6 لحد 2000
المنتشر في مصر طبعاً ال1.6

قطع غيارها موجودة جديد واستيراد - بس عايزة لفة حلوة عشان تجيب حاجتها (اقصد الصاج والخوارج)
لكن الميكانيكا والعفشة والكهرباء - كلها موجودة بوفرة جديد واستيراد

العربية شنطتها واسعة جداُ جداً والمساحات الداخلية سخية جداً
ثبات وسرعات وجري - مش قد كدة الصراحة (مقارنة بالألماني والأبيزا)
وكمان بسمع انها كسفتنا في اختبارات التصادم

لو هتجيبها عشان تكون سيارة عائلية - جميع الكماليات - توكل علي الله
هتجيبها عشان تجري وحركات - خش علي الأبيزا

تحياتي

[a_kamel]

يا جماعة أنا مش عارف أقولكم ايه والله

انتم رديتم علي كل اللي كنت بسأل عليه و زيادة

و شجعتوني أنضم لملاك السيات حتي لو مش توليدو

إن شاء الله انا ناوي أنزل أشوفها عشان صاحبها قاللي خلي الموضوع بعد 30/6 (ربنا يسترها علينا جميعا)

ألف شكر تاني و تسلم ايديكم

[ehab_mansour]

بيتهيئلي يا استاذ أكرم كل اللي ممكن يتقال في الموضوع ده الشباب قالوه و الحمد لله و لا تنسي الاستخاره و ربك المستعان