الردياتير اتخرم

[mido_more]

السلام عليكم مشكلتى ببساطه لسه حاصله من ساعه تقريبا...اخويا اخد العربيه بكلمو تعالى علشان عاوز اروح لقيتو بيقولى ده انا عطالان .....ايه ياعم اللى حصلى قالى العربيه نزلت كل الميه اللى فيها ....طبعا الكلمه دى جرحت قلبى لانى لسه مغير مكنه واللى جه فى بالى ان العربيه سخنت منه وفورت الميه....روحتش اشوف ايه اللى حصل ...لقيت فعلا القربه مفيش فيها ولا نقطه ميه ..طيب احاول ازود ميه الاقى العربيه بتفضيها على طول..حاولت اشوف بتنزل منين قالى دى جايه من قدام..طبعا الدنيا ضالمه وفى دخنه كتير ..بس فعلا الميه نازله من الردياتير ولقيت اثر الميه الخضره على وش الردياتير فى الجمب اليمين من ناحيه العربيه...بس ده مش تسيب خرم فى الردياتير ...كأن جده والله اعلم جوان من الجنب ضرب...مع العلم ان انا عندى طقم التبريد الكبير الاتنين مروحه...وانا بسأل ايه السبب اللى يخلى حاجه زى دى ممكن تحصل ..مع العلم انى لسه مغير النهارده زيت شيل اصفر ..هل مثلا الردياتير كان تعبان ولما سخنت الميه جامد ضربت الجوانات ..وهل ده ليه علاقه بتغير الزيت ان الزيت مثلا مش قادر يبرد الموتور فتسبب بالسخونه دى ..مع العلم بردو ان امبير الحراره كان فاصل ..وياترى سعرو كام ..وايه الاحسن جديد ولا استيراد

[Ahmed Amin]

"وهل ده ليه علاقه بتغير الزيت ان الزيت مثلا مش قادر يبرد الموتور فتسبب بالسخونه دى
..مع العلم بردو ان امبير الحراره كان فاصل .."

المشكلة في تاني سطر وليس أول سطر,
مينفعش تمشي بعربية في الجو الحر دا أو غير حر من غير أمبير حرارة وإلا هتكون عرضة لحدوث الموقف دا,

وأعتقد لأني مش شايف أن اللي خلي العربية تسخن وتفور المية ودا طبيعي لأن اللي سايق معندوش أي خلفية عن حرارة الموتور ولا المية عشان يقف لو عليت,
اللي خلي العربية يحصل فيها كدا خلل في دورة التبريد, سواء كان فيها سد,

او الطرمبة عطلت أو مكنتش بتقلب المية كويس جوة الموتور والمية غليت لحد ما فارت.. بما أنك لسه مغير مكنة كان المفروض تراقب درجة حراراتها وتتأكد من دورة التبريد وسلامتها قبل ما تمشي بيها كتير عشان لو فيها حاجة يا ترجع يا تتعالج علي طول..

المهم قدر الله وماشاء فعل, وأبقي عرفنا عملت أيه

[أحمد جودة]

المشكلة في تاني سطر وليس أول سطر,
مينفعش تمشي بعربية في الجو الحر دا أو غير حر من غير أمبير حرارة وإلا هتكون عرضة لحدوث الموقف دا,

وأعتقد لأني مش شايف أن اللي خلي العربية تسخن وتفور المية ودا طبيعي لأن اللي سايق معندوش أي خلفية عن حرارة الموتور ولا المية عشان يقف لو عليت,
اللي خلي العربية يحصل فيها كدا خلل في دورة التبريد, سواء كان فيها سد,

او الطرمبة عطلت أو مكنتش بتقلب المية كويس جوة الموتور والمية غليت لحد ما فارت.. بما أنك لسه مغير مكنة كان المفروض تراقب درجة حراراتها وتتأكد من دورة التبريد وسلامتها قبل ما تمشي بيها كتير عشان لو فيها حاجة يا ترجع يا تتعالج علي طول..

المهم قدر الله وماشاء فعل, وأبقي عرفنا عملت أيه

الله ينور عليك يا باشا رد معلم وفاهم بجد

هااااااااام جدا يكون عداد الحرارة شغال ولازم الكل يتابعة بصفة مستمرة كل كام دقيقة على الاقل

والله انا طول ما العربية ماشية عيني باستمرار على لوحة العدادت وخصوصا عداد الحرارة


تقبل تحياتي

[mahmoud ghanem]

المشكلة في تاني سطر وليس أول سطر,
مينفعش تمشي بعربية في الجو الحر دا أو غير حر من غير أمبير حرارة وإلا هتكون عرضة لحدوث الموقف دا,

وأعتقد لأني مش شايف أن اللي خلي العربية تسخن وتفور المية ودا طبيعي لأن اللي سايق معندوش أي خلفية عن حرارة الموتور ولا المية عشان يقف لو عليت,
اللي خلي العربية يحصل فيها كدا خلل في دورة التبريد, سواء كان فيها سد,

او الطرمبة عطلت أو مكنتش بتقلب المية كويس جوة الموتور والمية غليت لحد ما فارت.. بما أنك لسه مغير مكنة كان المفروض تراقب درجة حراراتها وتتأكد من دورة التبريد وسلامتها قبل ما تمشي بيها كتير عشان لو فيها حاجة يا ترجع يا تتعالج علي طول..

المهم قدر الله وماشاء فعل, وأبقي عرفنا عملت أيه

الله ينور عليك كلام 100*100

الردياتير الالمونيوم بيبقى على جوانات (اويل سيل) صغير كدة فى كل ماسورة فى كل جمب

يعنى لو قلنا ان المواسير الصغيرة دى بالعرض يبقى طرف كل ماسورة بيبقى فيه الاويل سيل دة ودة مع دراجة الحرارة العالية وضغط البخار فى حالة سخونة الماتور بيضرب الاويل سيل
مشكلتك مش فى طقم التبريد بس مشكلتك الاساسية فى امبير الحرارة اللى مش شغال

تحياتى

[hossamalsadik]

أمبير الحراره ده مهم جداااااااااا أنه يكون شغال
ونا كمان طول منا ماشى باصص عليه
وحتى أخوك لو كان فاهم بردو عرضه للمشكله ديه بسسب انه راكب عربيه أمبير الحراره مش شغال

امبير الحراره الى فى التبلوه ده هتجيب عدادات استيراد
بس اكشف وشوف عداد ولا سنسور الحراره وكلها بسيط أن شاء الله

[gomaro2]

بالنسبة للمشكلة اللى حصلت دي وارد جدا يكون حساس الحرارة مش شغال وبالتالى عند ارتفاع درجة الحرارة مروحة التبريد تكون ما اشتغلتش وبالتالى حرارة الموتور بتكون عالية جدا بسبب غليان المياه.. وبالتالى المياه لازم بتوجد لنفسها مخرج من الرادياتير من خلال أضعف جزء
لو الرادياتير اتخرم من الجزء الألمونيوم لازم يتلحم لو جزء صغير أما لو الجزء اللى اتخرم في الجزء العلوى من الرادياتير (بلاستيك) فلازم يتغير الرادياتير بواحد استيراد نضيف أو بآخر جديد
وطبعا لازم تحل مشكلة العداد لانه لو مش شغال أكيد مش هتعرف ان الحرارة ارتفعت
وربنا يسهل أمورك ويحل مشاكلك

[عمرو حماد]

أنا أحب أشاركم في الموضوع بتاع الرداتير ده

أولا أنا كانت العربية عندي بتسخن وحتي في الشتاء وكان فيه خرم في الرداتير من الجمب في السربنتينة

رحت لواحد كويس جدا جدا في أسيوط ومحترم أسمه " عم عثمان " في البركة للي من أسيوط في أول شارع علاء الورداني لحمه الرداتير وحط مياه نار من جواه ونظفه ولحملي الخرم والصاجة اللي من الجنب كانت مكسورة حطلي حتة صاج ولحمها وركبته بقي الحرارة ممتاااااازة جدا جدا أخرها سبعين في المؤشر بالاضافة لكده أنا للناس اللي عندهم بلونيز أنصحهم يعملوا التالي :

1- شيل المروحة الكهرباء وشيلها في البيت ومتركبهاش تماما هي كانت سبب قبل كده أني عملت جوانات والمياه كانت بتفور

2- أشتري مروحة " تويوتا " البيضة الكبيرة دي

3- روح للميكانيكي وخليه يركبله المروحة التويوتا مكان المروحة الصغيرة وشيل طبعا الكهرباء تماما

4-- فك الرداتير ونظفه عن الرجل بتاع الرداتير وشوف حواليك " سمكري " يعملك مخدات تنقل بيها الرداتير للامام قريب من المروحة شوية المروحة الرئيسة المروحة الكهرباء أحنا فكناها أساسا

المخدة : عبارة عن حتة صاج بتتني بحيث ينام فيها الرداتير وبتتلحم في أساسا العربية بحيث يكون قريب للمروحة وبتجيب كوتشة بحوالي 0.50 جنيه من بتوع المسامير والحاجات بتوع الاكسوار هيقولك عليها الميكانيكي بتحط عليها الرداتير علشان يقف كويسة وميتأسرش بالمطبات

يبقي حل مشكلة السخونة كالتالي

شيل المروحة الكهرباء

ركب مروحة تويوتا

نظف الرداتير كويس جدا وأتاكد أنه مفيهوش أخرام

قدم الرداتير قدام واعمله مخدات يقف عليها

[Mahmoudelsayed]

باشا اعمل التالى :

1- هتروح لبتاع ريداتيرات يكون شاطر لو فى لحام يلحمه
اما لو الريداتير مش هينفع يتلحم هات واحد جديد المونيوم بتاع الابيزا بـــــ 280 جنية

2- شوف ثرموستات الحرارة شغالة كويس ولا بتعلق ممكن تكون بتعلق وبتشغل المرواح على حرارة عالية

3- حساس الحرارة وتقريبا بيقى الرباعى موجود فى شجرة الميه اللى خارجة من الموتور تحت الاسبراتير سعره 65 جنية نوع كويس عليه حزام بلاستيك دائرى لونه اصفر
اما لو جربت حساس الحرارة وطلع شغال اكشف عالعداد

فى واحد بتاع ريداتيرات اسمه الشيخ / اشرف فى الهرم بعد ورشة الاسطى عصام بشارعين انا اتعاملت معاه قبل كده وهوا محترم اوى وحنين فى مصنعيته

وروح بردو للاسطى عصام اللى فى الهرم وهوا يكشفلك على حساس الحرارة والثرموستات وراجل سكرة ومحترم ومش هيضحك عليك ومصنعيته حنينه بردو وخدوم

ارقامهم فى الموضوع المثبت

http://www.nilemotors.net/Nile/365862-a.html

وهبعتلك ارقامهم عالخاص
وبيعملك اللى انت عايزة مش بيزحلقك وخلاص