الدريكسيون تقيل اوى

[mmokk]

السلام عليكم ورحمه الله
يا جماعه انا من يزمين كدا كنت نازل بالعربيه و مشيت بيها عادى جدا مفيش حاجه و ووصلت للمكان اللى كنت رايحه و ركنت و خلصت مشوارى و ركبت العربيه تانى و اول ما مشيت بيها لقيت الدريكسيون بقا تقيل اوى و بقا تقيل فى الملفات مع العلم ان عربيتى مش باور بس مش عارف دا سببه ايه
انا معايا كوردوبا 96 وشكرا لرجالة المنتدى

[Karim Ibiza]

اول حاجة تعملها تراجع علي ضغط الكاوتش جايز تكون فيه عجلة مريحة شوية

[elpasha1]

متابع

[mmokk]

اول حاجة تعملها تراجع علي ضغط الكاوتش جايز تكون فيه عجلة مريحة شوية

ميرسى على استاذ كريم على ردك
انا لما لقيت الدريكسيون بقا تقيل بصيت على الكاوتش فعلا بس لقيته مش مريح ولا حاجه و على العموم اتاكد تانى برده بس انا اعتقد ان لو فى عجله مريحه بيبقى الدريكسيون وتقيل و بيحدف ناحية الفرده المريحه صح ولا بس انا عندى تقيل بس مش بيحدف
طب و نفترض انى لقيت ضغط الكاوتش كويس ممكن يبقى ايه الاحتمال التانى وشكرا

[Karim Ibiza]

طيب تمام
أصلي اللي خلاني أقولك ضغط الكاوتش هو انك قولت انك كنت ماشي عادي وركنت وبعدين جيت تمشي تاني لاقيتها كده
قصدي أن الموضوع حصل بدون مقدمات
عموما لو مطلعش من الكاوتش يبقي هتلاقيك اخدت مطب حلو أثر علي جزء من أجزاء الاسكترا أو البطاحات
عموما الفيصل في الموضوع ده انك تروح لواحد محترم بتاع زوايا يكشفلك علي العفشة وبعدين تطلع علي العفشجي عشان تأكد الكلام

[hossamalsadik]

لو عنك باور بص على الزيت ولو ناقص زوده وشوف فيه تنفيس فى الخراطيم بتعتو
وبص على اربة زيت البور وشوف الزيت جوها بيتقل ولالاْ

طيب لو ماعندكش بور اصلا يبقلى زى ماقلك كريم باشا كده
كوتش او أسكترا أو بطاحات تروح ل ظبط زوايا لمعرفة السباب وتحديدها ثم عفشجى يعملها ثم ترجع تزبط زوايا

بالتوفيق

[mmokk]

لو عنك باور بص على الزيت ولو ناقص زوده وشوف فيه تنفيس فى الخراطيم بتعتو
وبص على اربة زيت البور وشوف الزيت جوها بيتقل ولالاْ

طيب لو ماعندكش بور اصلا يبقلى زى ماقلك كريم باشا كده
كوتش او أسكترا أو بطاحات تروح ل ظبط زوايا لمعرفة السباب وتحديدها ثم عفشجى يعملها ثم ترجع تزبط زوايا

بالتوفيق

الف شكر يا رجاله و جارى التنفيذ ان شاء الله و هقولكوا انا عملت ايه