الحمد لله ... عملت حادث بسيط بعربيتي اليوم صباحا

[Ahmed Amin]

عايز اقلك اني اخدت حاجات قطم قبل كده و تخطيت فيها كمان مع المنحني و عكسه دون اي مشكلة و اسوء طريق فيه منحنيات في مصر هو طريق العين السخنة الزعفرانه و ده عملت فيه البدع و كنت بدخل منحنيات اقوي من ده بكتييييييييييير و ماشي 100 و 90 و هو مينفعش يتاخد بأكتر من 50 او 60 و اوقات كنت بضطر اهدي في منحنيات و كل ده دون ادني مشكلة

القصة كلها بتتلخص في القدر
كله مقدر لك و مكتوب حتي لا تغتر بكفائتك ولا نفسك ولا الحديد اللي انت راكبه ....

كله الي زوال و اهي حياة بنتعلم فيها كل يوم

الحمد لله علي كل شيء

الله ينور عليك, أنت كدا أخدت خبرة جديدة,
ودرس من أهم الدروس اللي هتفيدك في حياتك,
أخوك مجربة قبل كدا لما نزلت تحت عربية نقل بالانسر علي السريع ومكنتش بجري يومها والعربية لفة بيا, علي عكس الغرز اللي كنت باخدها علي 140 و 160 وانا داخل بقلب.

والحمد لله أنك بخير دي أهم حاجة,
وربنا يستر طريقك وطريقنا وطريق المسلمين.

[SYD]

الحمدلله يا بشمهندس علي كل حال
والحمدلله انك اشتريت الحاجة بنص الثمن تقريباً
كان نفسي والله يا بشمهندس انزل معاك بس للأسف انا يومياً عندي شغل من 9 ص لحد 10 م
يعني مثلا انا لسة داخل البيت حالاً والمفروض بصحي 6 وانزل 7

فداك وفدي الولاد - الحمد لله

اما عن الثبات فالحمدلله العربية الأبيزا تمام في الجزئية دي
بس فعلا هو قرصة ودن لينا عشان احياناً بنتغر وبنفتكر نفسنا وصلنا لأعلي مستوي في الأحتراف والخبرة

تحياتي

[mahmoud ghanem]

عدت على خير يا بشمهندس الحمد الله
والاسعار ممتازة ربنا يبارك وتخلص على خير ان شاء الله

بس 4000 ج مش كتير على سمكرة ودوكو !!!!

تحياتى و ربنا يتمم لك على خير

[mohammad isdf]

الحمد لله على سلامتك يا باشمهندس ربنا يحفظنا ويحفظك من كل سوء وربنا يعوض عليك يا رب

[hossamalsadik]

كل الشكر و التقدير لأخي كريم منير اللي قابلته اليوم و لأول مره منذ خمس سنوات معرفه تقريبا وربنا يكرمه علي ذوقة و اخلاقه و تحمله لاتصالاتي الكتير هو و احمد قدوره
كل الشكر و التقدير لأخي حسام الصديق اللي لما نزل الحرفيين و هو عارف اني محتمل اكون هناك كلمني و اتقابلنا و لف معايا و ساعدني في شراء حاجتي و لفينا كتير بعربيته و وصلني كمان لما خلصنا ربنا يباركله و يجزيه عني خير الجزاء فهو جاء لي كرزق من عند ربنا من غير ترتيب كده

الحمد لله علي كل شيء

وبعدين متقلش كده ياصحبى الناس لبعضها
يابشمهندس ايهاب دانا الى اتشرفت بمعرفتك واستمتعت بالوقت معاك وسبحان الله كان مكتوب لينا نقابل الشخصيه المحبوبه للجميع الأستاذ كريم منير مع بعض .
وعقبال مانبركلك بأنتهاء العربيه على خير ان شاء الله والأيام بتمر بسرعه وأنا واثق ان الشغل هيكون بأحترافيه زى ماقلتلك

تحياتى

[hossamalsadik]

عدت على خير يا بشمهندس الحمد الله
والاسعار ممتازة ربنا يبارك وتخلص على خير ان شاء الله

بس 4000 ج مش كتير على سمكرة ودوكو !!!!

تحياتى و ربنا يتمم لك على خير

العربيه يامحمود بيه انا شفتها فيها شغل للعامه عادى بس هو شغل دقيق جدا لانه فى منطقه حساسه فى الخلف وصعب ومش اى حد يظبطه ويخرج منه فبريكه كما كان .
وعشان البشمهندس إيهاب بيحب الشغل يكون كالفبريكه تمام فده صعب الموضوع أكتر بس انا واثق كل الثقه فى شغل مركز نيل موتورز وان شاء الله تخلص على خير

[Karim_Monir]

سعيد جدا اني اتعرفت عل يحضرتك يا باشمهندس ايهاب انت واستاذ حسام
فعلا شخصيات محترمة وبتبان من كتابتها بس ما اجملها انها تتجسد لارض الواقع

الخبطة فعلا عنيفة جدا العصر طالت الجزء الخلفي من الرفرف وعصرت ارضية الشنطة بالكارتيرة الخلفية بالفروقات وسبحان الله كان واقف لانوس عندنا بنفس الخبطة واتغير رفرف خلفي وطبعا ده لو لقينا قطعية خلفية للحتة دي ومع القطع واللحام هاتتكلف مبلغ محترم اكتر بكتير من المبلغ ده
ثانيا العربية بتحتاج شغل دواخل فني جدا
واخيرا مش مجرد سمكرة عادية ولكن لازم تطلع على جهاز ظبط شاسيهات بالكمبيوتر عشان اساس العربية يرجع لاصلة وده بملغ لوحدة وحساب السمكرة والدهان كان متضمن التكلفة دي
الله المستعان وتطلع زي ما تتمني واحسن ان شاء الله

[mahmoud ghanem]

انا عارف .. اعلى فئة فى المصنعية هو السمكرى
والموضوع من كلام الاستاذ كريم منير وحسام بك فيها شغل وشغل دقيق
وبصراحة محدش يقدر يحكم اكتر من اللى شاف وعاين بعينه ..

والله يا باشمهندس ايهاب مش عارف اقلك اية ... بس خير وفداك والحمد الله انها جت على قد كدة وربنا يعوضك خير ان شاء الله

[ehab_mansour]

كل الشكر و التقدير لجميع احبابي و من شاركوني
و يارب يا استاذ كريم و يا حسام ييسر الحال و تعدي الايام بسرعه لأنها جت في وقت صعب جدا و لكن الحمد لله علي كل شيء و ان شاء الله هتبقي تمام كفاية مساعدتكم في الموضوع و وقوفكم جنبي

والله الموفق لكل خير

[gomaro2]

الحمد لله على سلامتك يا باشمهندس .. ربنا ستر الحمد لله
وماتشيلش هم .. فداك اللي حصل

[eraser]

الف سلامة عليك يا باشا والحمد لله انك بخير
اللهم اجره فى مصيبته واخلف عليه خيرا منها
معلش شوفت الموضوع متاخر

[ehab_mansour]

الحمد لله استلمت عربيتي اليوم بفضل الله و اللي صورها من كل جانب هو اخي كريم منير و اعتقد هرفع الصور لكن امتا مش عارف كل الشكر و التقدير له علي مجهوده و دعمه و سعة صدره تقييمي المبدئي للعربية انها الحمد لله اتعمل فيها شغل مكنتش اتوقعه ... لي بعض الملاحظات و لكن هقولها كلها بعد ما افحصها براحتي و نخلص مشاوير و شغل فيها ان شاء الله و لكن كلها بسيطة ان شاء الله

الحمد لله

[hossamalsadik]

مبرووووووووك يابشمهندس إيهاب
الحمد الله على كل شيىء

[Karim_Monir]

الحمد لله الذي بنعمته تتم الصالحات
وفي انتظار ملحوظاتك لمحاولة تفاديها مستقبلا
والحمد لله ان العربية عجبتك
وكلمة في سرك
اتعمل فيها شغل المعلم لاخوه :-)
بجد كانت واخدة اهتمام غير عادي
والحمد لله خلصت بخير

وقرب هارفع الصور
تحياتي

[SYD]

الف مبروك يا بشمهندس ايهاب استلام عربيتك