مساعده قبل نزول الحرفين

[nesr6060]

انا خلاص نازل الحفرين الاسبوع اللى جاى علشان اسال عن الموتور والصراحه نفسى فى الموتور ال 1400 سىسى 2 كامه بس عندى كام سؤال

هو انا مكنتى 1300 سىسى هاف انجيكشن يعنى الطرمبه كهربا الحمد الله المهم دلوقتى

هل فتيس ال 1300 سىسى اللى عندى هيركب على المكنه ال 1400 سىسى عادى وياترى لو يركب هيركب على ال 1400 سىسى ال1 كامه بس ولا يركب برده على ال 1400 سىسى 2 كامه عادى اللى بيطلع 75 حصان مش 101 حصان

بالنسبه للضفيره هو انا سمعت ان فى ناس بتقولى ان الموتر بيبقى ليه ضفيره طيب هى الضفيره بتاعه العربيه اللى عندى هغيرها ولا هى تنفع اسيبها زى ما هى وياترى تفرق ايه لو هغيرها بين بتاعه ال 1400 سىسى و ال 1300 سىسى

بالنسبه للكونترول انا عاوز افهم حاجه مهمه هو واحد صاحبى قالى ان انت بدال مكنتك هاف انجيكشن يبقى عندى كونترول ومش هحتاج اغيره ايه رايكوا فى الكلام ده صح ولا بيكلم غلط ولا اجيب المكنه بالكونترول وخلاص

بالنسبه لما انزل اسال اسال عن موتور بولو ولا ابيزا ولا جولف علشان انا مش عارف اروح اقوله عاوز موتور جولف ولا بولو ولا ابيزا

[O.M.S]

انا بصراحه مش عارف عن الابيزا كتير بس عن تجربه يفضل تجيب الماتور كامل بالفتيس بتاعو بالضفيره والكونترول بيبقا اضمن ونصيحه شوف مركز صيانه ياخد منك الماتور القديم ويديك الجديد راكب على العربيه وماشيه علشان تاخد الضمان الي هو شهر مستريح وكمان علشان تنزل في السعر وتخلص من القديم زي ما انا عملت

[nesr6060]

انا دورت فى المواضيع القديمه ولاقيت كلوا بيقول ان الهاف انجيكشن بيبقى ليه كونترول طيب هو الكونترول ده مكانه فين وشكله عامل ازاى

وفى ناس كتير اوى شوفتها مسقطه شورت بلوك هو يفرق ايه عن الموتور الكامل يا ترى

انا بالنسبه لعربيتى هو الراجل قالى انها صبابين بايظين هو ده يبقى شورت بلوك ولا ايه مش فاهم

الصراحه يا جعان انا عاوز اسقط اغلمكنه الجديده باقل التكاليف والصراحه شايف ان خساره اسيب الحاجات اللى فى الموتور القديم لان الميكانيكى عمال يقولى حرام تسيبه وبرده مصمم انه يفتحه مش عارف ليه يمكن هيلاقى جواه خاتم سليمان

[nesr6060]

محدش عنده اى راى عن حوار الشورت بلوك ده قبل ما انزل ولا ايه

[Ahmed_Gallant]

اولا ربنا يتملك موضوعك على خير
ثانيا ممكن تحكيلى انت ايه مشاكلك مع الموتور اللى معاك يعنى بيعمل ايه و انت عملت ايه عشان تعالجه وايه نتايج اللى انت عملته
ثالثا موضوع تغيير الموتور والجرى فى ورقه حوار رخم الفتره اللى جايه دى وهتتعب منه ويفضل تدفع ال 200 جنيه للتاجر وهو ينقلك الورق بس برضه هيقرفك الفتره اللى جايه
رابعا تسقيط انجكشن بعد كربراتير يستلزم الاتى
1- شورت بلوك بالمانفولد والرشاشات بالعمه الفيبر بحساس الايرماس
2- الكنترول يونت بنص الضفيره من ناحيه الموتور بالاسبراتير باسلاك البوجيهات بالموبينه اللى هى مربعه مش مدوره
3- بوز الشكمان من عند الفرن اللى هو قبل سوسته الشكمان اللى بيركب عنده الجوانات لاختلاف الشكل
4- وحده الايموبليزر المتعلقه بالمكنه بالريدر بتاعها بفيشه تحديد الاعطال(ضروريه جدا)
5- ادوات التغذيه اللى هى المارش والدينامو والتكييف وغالبا المكنه بتيجى بالمارش اساسى مش متاكد حاجتك ينفع تركب ولا لا
6- فتيسك يركب عادى جدا بس اتاكد من مجموعه نقل الحركه انها سليمه وهم الاسطوانه - الديسك - البليه (المكنه الاستيراد لا تشمل مجموعه نقل الحركه) لو بالفتيس يبقى ييجى معاه
7- طلمبه بنزين كهربا بتركب فى التانك لو التانك عندك مبيركبشى فيه طلمبه يبقى تجيب تانك كامل بالطلمبه ولازم يبقى فى خرطومين للبنزين واحد رايح راكب عليه الفلتر وواحد راجع

حبه ملاحظات
1- سعر المكنه كامله بدون تكييف بدون فتيس بكل اللى قلته بتعمل من 3000 الى 3500 من محل للتانى والتركيب 500 مش اكتر والفتيس يزود 500 وكمبوريسور التكييف يزود 500 مش عارف شامل الخراطيم ولا لا
2- خد كل حاجتك القديمه هتنفعك او هتنفع اى حد فينا هنا متسيبشى فتفوته ولا حتى الاسلاك
3- اللى بيسقط المكنه الانجيكشن مكان الكربراتير لازم يكون كهربائى فى الاساس لان شغل الميكانيكا اقل حاجه لكن الكهربا هى كل حاجه
4- يفضل اللى يبيعلك المكنه هو اللى يسقط عشان لو المكنه طلع فيها حاجه يغيرها بدون اى مصاريف اضافيه
5- ياريت تذاكر الكلام ده كله كويس وتتصل بيا وانت هناك نتشاور فى الاسعار ولو فى وقت كافى انزل معاك
رقمى اهو انا متاح اى وقت للاتصال 01110079163
بالتوفيق

[nesr6060]

الف شكر يا باشا انا لسه جاى من الحرفين حالا ولفيت ودورت وسالت ولاقيت المكنه بتبتدى من 3500 بالضفيره بالكونترول بالفتيس 1400 سسى 1 كامه وبتنتهى ل 4000 ال 1400 2 كامه وبكل حاجه
بس بصراحه معجبنيش الحوار ده ولما سالت عن التكيف قالى ده لوحده هيكلفك حوالى 3000 علشان الخراطيم وحاجته وففى الاخر واحد قالى احسنلك تشترى نص وتفضيه فعلا لاقيتها فكره حلوه
النص هناك بتاع البولو 1800 سىسى بالتكيف و الباور و حاجاته كلها والعفشه لاقيته عامل 7500 من غير فصال طبعاا ده من غير الرفرفين و الكبو الصراحه الحوار ده عجبنى وفكرت كالاتى
لما سالت هناك عن مشكله موتورى الراجل قالى حراام اعمله احسن بدال هى صبابات بس
فانا قررت ان انا هصلح الموتور القديم
وامشى بيه حوالى سنه وفى خلال السنه دى هبتدى اجمع معلومات لتسقيط المكنه لان انا اكتشفت ان المكنه بتاعه الابيزا ال 2006 تقريبا بيقول مبتنزلشى فى الحوض بتاعى مش عارف ليه وقالى اصلا سعرها 5000
طبعا مميزات الحوار ده هقدر اعرف الموتور عامل كام بالننص
هغير التابو وهخلى العربيه مكيفه وباور و عفشه وفى خلال السنه دى انا مش هعمل للعربيه عفشه ولا اى حاجه علشان اغير كلوا مره واحده صح كدا يا رجاله ولا ايه رايكوا

[Karim Ibiza]

الف شكر يا باشا انا لسه جاى من الحرفين حالا ولفيت ودورت وسالت ولاقيت المكنه بتبتدى من 3500 بالضفيره بالكونترول بالفتيس 1400 سسى 1 كامه وبتنتهى ل 4000 ال 1400 2 كامه وبكل حاجه
بس بصراحه معجبنيش الحوار ده ولما سالت عن التكيف قالى ده لوحده هيكلفك حوالى 3000 علشان الخراطيم وحاجته وففى الاخر واحد قالى احسنلك تشترى نص وتفضيه فعلا لاقيتها فكره حلوه
النص هناك بتاع البولو 1800 سىسى بالتكيف و الباور و حاجاته كلها والعفشه لاقيته عامل 7500 من غير فصال طبعاا ده من غير الرفرفين و الكبو الصراحه الحوار ده عجبنى وفكرت كالاتى
لما سالت هناك عن مشكله موتورى الراجل قالى حراام اعمله احسن بدال هى صبابات بس
فانا قررت ان انا هصلح الموتور القديم
وامشى بيه حوالى سنه وفى خلال السنه دى هبتدى اجمع معلومات لتسقيط المكنه لان انا اكتشفت ان المكنه بتاعه الابيزا ال 2006 تقريبا بيقول مبتنزلشى فى الحوض بتاعى مش عارف ليه وقالى اصلا سعرها 5000
طبعا مميزات الحوار ده هقدر اعرف الموتور عامل كام بالننص
هغير التابو وهخلى العربيه مكيفه وباور و عفشه وفى خلال السنه دى انا مش هعمل للعربيه عفشه ولا اى حاجه علشان اغير كلوا مره واحده صح كدا يا رجاله ولا ايه رايكوا

فعلا احسن حل انك تصلح مكنتك خصوصا انها مش محتاجة شغل لان الصبابات دى شغلانة بسيطة

بس مفيش بولو نزلت بموتور 1800

[Ahmed_Gallant]

الف شكر يا باشا انا لسه جاى من الحرفين حالا ولفيت ودورت وسالت ولاقيت المكنه بتبتدى من 3500 بالضفيره بالكونترول بالفتيس 1400 سسى 1 كامه وبتنتهى ل 4000 ال 1400 2 كامه وبكل حاجه
بس بصراحه معجبنيش الحوار ده ولما سالت عن التكيف قالى ده لوحده هيكلفك حوالى 3000 علشان الخراطيم وحاجته وففى الاخر واحد قالى احسنلك تشترى نص وتفضيه فعلا لاقيتها فكره حلوه
النص هناك بتاع البولو 1800 سىسى بالتكيف و الباور و حاجاته كلها والعفشه لاقيته عامل 7500 من غير فصال طبعاا ده من غير الرفرفين و الكبو الصراحه الحوار ده عجبنى وفكرت كالاتى
لما سالت هناك عن مشكله موتورى الراجل قالى حراام اعمله احسن بدال هى صبابات بس
فانا قررت ان انا هصلح الموتور القديم
وامشى بيه حوالى سنه وفى خلال السنه دى هبتدى اجمع معلومات لتسقيط المكنه لان انا اكتشفت ان المكنه بتاعه الابيزا ال 2006 تقريبا بيقول مبتنزلشى فى الحوض بتاعى مش عارف ليه وقالى اصلا سعرها 5000
طبعا مميزات الحوار ده هقدر اعرف الموتور عامل كام بالننص
هغير التابو وهخلى العربيه مكيفه وباور و عفشه وفى خلال السنه دى انا مش هعمل للعربيه عفشه ولا اى حاجه علشان اغير كلوا مره واحده صح كدا يا رجاله ولا ايه رايكوا

كلام جميل المهم انك متصرفشى اى مليم وتجمع المبلغ على بعضه عشان تحس بالدنيا مره واحده

[nesr6060]

فعلا احسن حل انك تصلح مكنتك خصوصا انها مش محتاجة شغل لان الصبابات دى شغلانة بسيطة

بس مفيش بولو نزلت بموتور 1800

مش عارف هو هناك لما سالتوا عن نص بولو قالى هديك النص ده بتكيفه و بموتوره وكل حاجه ماعدا الرفرفين والكبوت والاكصدام ب 7500 وسالتوا مكنته كام قالى النص ده مكنته 1800 سىسى مكيف وهيخليك تجرى براحتك ومانول

المهم انا الصراحه شوفت اوحش حاجه فى النص ده ان مكنته 1800 سىسى اولا علشان استهلاك البنزين ثانيا علشان لو عملوا حوار البنزين المدعم انا كدا هشيل اوبح بالمكنه دى

معرفشى بقى هو كان نص بولو ياما نص جولف علشان انا معرفشى افرق بين شكل البولو والجولف اللى بعد الجولف 3 الصراحه بس دى مش جولف 3

[hossamalsadik]

لو 1800cc يبقى أكيد مكنه جولف
حدد الى انتا عاوزه حسب أمكاناتك وعمل حسبه أو دراسه جدوى على ورقه
وفضل أقراها بتكلم جد وفى كل مره هضيف حاجه فى الورقه أو هتحذف حاجه ( تكلفة )
انا ليه بقلك كده عشان فى حجات فى دماغك ميعرفهاش غيرك . لكن كل واحد لما هيجوبك هيجوبك حسب خبرته والمعلومات المتاحه منك .
وأخيرا صلح المكنة الأن حتى ييسر الله لك الأمر وبعدن خش أما فى نص أو ماتور أذا كان أصلاح التكييف عندك بسيط

بالتوفيق

[nesr6060]

شكراا ياباشا انا تعبتك معايا اوى بس معلشى دى اول مشكله ميكانيكا اقابلها وخاصه ان انا كدا كدا كنت بفكر اسقط ماكنه تانيه بس مكنتش عامل حسابى قبل 6 شهور علشان كدا فكرت انى اسقط دلوقتى بس لما نزلت الحرفين ودورت لاقيت اللى انا عاوزه مش هينفع انى اسقط مكنه بس وهيحتاج انى اشترى نص كامل علشان كدا اجلته تانى لغايه الشتا اللى جاى ابتدى اشتفل فى حوار النص ده لان كدا المبلغ بقى الضعف

المشكله اللى عندى دلوقتى هى ان عاوز اصلح المكنه اللى فى عربيتى وامش بيها لغايه ما جيب اخرها هى والعفشه علشان لما اجى اسقط النص بس لاقيت قدامى كذا حل وهما

اول حل انى اودى العربيه للميكانيكى واسيبها عنده واديلوا فلوسه وهو يعمل اللى يعمله وخدها تانى يوم زى ما قالى وماتعبشى دماغى

تانى حل علشان انا عاوز اعرف كل خاحه فى عربيتى هو ان انا اروح اقف مع الميكانيكى واشوف هو قالى ان المشكله فى الصبابات بس مش عارف ازاى ولون العربيه االعاددم بتاعها عادى ولونه مش ابيض ده شفاف عادى و مش شديد واززاى جابت صباب مره واحده كدا وانا كنت ماشى بيها عادى وبجرى ومفيش اى مشاكل فالحل الانى انى اروح اشوف هل ينفع اسقط وش سليندر للعربيه واحولها من هاف انجيكشن لانجيكشن كامل ولا ده مينفعشى ووش السليندر ده هيحل المشكله ولا لا وهيكلف كام

تالت حل بقى انى اقف معاه واخليه يفتح الموتور ويفك الصبابات ويعمل الجوان زى ما بيقول و يخرط البتاع اللى مش عارف اسمها ايه دى لز عازت خرط

اللى عاوز ااعرفه دلوقتى يا رجاله وش السليندر هل هو حل لمشكله المكنه اجيبه وخلاص وهيكلف كام + هو ايه الشورت بلوك ده انا شوفت ناس فى المنتدى كان عندها مشكله شبيها بمشكلتى و عملوا الشورت بلوك هو ايه ده وبيعمل ايه + هو الصبابات دى ممكن تبوظ مره واحده كدا من غير اى مقدمات ومن فير ما الميه لونها تتغير ولا حاجه مره واحده كدا الصبابات اللى بيقول عليها تبوظ و الكبس بتاع الموتور يضيع زى ما بيقول



الاهم من ده كلوا يعنى ايه بساتم هو قالى الخوف كلوا لو طلعت المشكله فى البساتم يعنى ايه بساتم وايه مشكلتها ولو طلعت فيها مشكله اعمل ايه

[hossamalsadik]

وش السلندر


البلوكه

http://www.nilemotors.net/Nile/350068-a.html

أجزاء الماتور



وش السلندر من 800ج ل 1500 تقريبا وسال عليه بردو
ما هي البلوكه ؟ هتلاقى الرد فى اللنك

الشميز الى بسقط فيه البستم لو انه فىه ريجة ( مخربش يعنى ) فبيفوت الضغط + الصبابات كده دخلت فى نص عمره تقريبا
بس طلما معندكش دخنه زرقاء او تناقص فى الزيت فأعتقد البساتم وملحقاتها سليمة ان شاء الله
شكل البساتم رقم 5 وعددهم هنا أربعة الشميز الى فى رقم 4 جسم الماتور
ولو عندك تنفيس لضغط الماتور اى الكبس ضعيف ده ليه كذا سبب ومنها ممكن يكون من الجوانات

اتفق مع الميكانيكى بتاعك أنك عاوز تلم الموضوع لو فتح معاه طلما فى نيتك موضوع النص
يعنى الصبابات وكوتشتها تتغير لو هيدخل على البساتم والشمايز يقفل على كده
نحددها :
- تركيب صبابات فقط
- تركيب وش سلندر فقط ( ممكن أنجكشن كامل)
- بلوكه كامله فقط

مين أفضل وضع فيهم ده راجع لأمكاناتك المادية الحالية زلو كنت ناوى على النص وفرله وخد اقل حاجه حددناها

بالتوفيق ياابشا
-

[nesr6060]

وش السلندر


البلوكه

http://www.nilemotors.net/nile/350068-a.html

أجزاء الماتور



وش السلندر من 800ج ل 1500 تقريبا وسال عليه بردو
ما هي البلوكه ؟ هتلاقى الرد فى اللنك

الشميز الى بسقط فيه البستم لو انه فىه ريجة ( مخربش يعنى ) فبيفوت الضغط + الصبابات كده دخلت فى نص عمره تقريبا
بس طلما معندكش دخنه زرقاء او تناقص فى الزيت فأعتقد البساتم وملحقاتها سليمة ان شاء الله
شكل البساتم رقم 5 وعددهم هنا أربعة الشميز الى فى رقم 4 جسم الماتور
ولو عندك تنفيس لضغط الماتور اى الكبس ضعيف ده ليه كذا سبب ومنها ممكن يكون من الجوانات

اتفق مع الميكانيكى بتاعك أنك عاوز تلم الموضوع لو فتح معاه طلما فى نيتك موضوع النص
يعنى الصبابات وكوتشتها تتغير لو هيدخل على البساتم والشمايز يقفل على كده
نحددها :
- تركيب صبابات فقط
- تركيب وش سلندر فقط ( ممكن أنجكشن كامل)
- بلوكه كامله فقط

مين أفضل وضع فيهم ده راجع لأمكاناتك المادية الحالية زلو كنت ناوى على النص وفرله وخد اقل حاجه حددناها

بالتوفيق ياابشا
-

الف شكر ياا باشا انا كدا فهمت بغد ما كنت تايه
يعنى العربيه هروديها للميكانيكى وهنفتح ونشوف ونعالج كالاتى

اولا نشزف كاوتش الصمامات زى ما بيقول
ثانيا لو طلعت مشكلعه صبابات نعملها زادت عن كدا اجيب زش سليندر كامل احسن صح كدا

ولو الحوار كان السبب فيه الشميز يبقى اجيب البلوكه احسن بس بفكر اجيبها 1400 سىسى ينفع ولا لزم برده 1300 سى سى

وصحيح انا لو غيرت الجوان الوش سليندر بيبوظ عل طوب يغ شهرين زى ما كتير قال على المنتدى

[hossamalsadik]

الله ينور عليك تمام كده
بالنسبه لبلوكة 1400cc أعتقد ان ممكن تخلف معاك فى أدوات التغزية وقواعدها
كمان الفتيس وعشان مفتيش لازم يتبص على بلوكتك وبلوكة 1400cc
سؤال جوان وش السلندر مش وضحلى
- عمتا لو كان قصدك بيبوظ ديما لا طبعا - ده فى حالة مسح وش السلندر نفسه وبيحتاج جوان دوبل . ده حسب معلوماتى والسبب فى الخراطين لان قليل الى محترف ويكادو يكونوا منعدمين أومال الناس بتجيب مواتير أو بلوكه او وش سلندر جاهز ليه عشان كده شغل الخواجه فى الصناعات ديه متفوقين
أحنا نتظاهر نقفل طريق نحتكر نبلطج تقل أخلاقنا وندرسها للأجيال القادمه نعمل سلوكيات نوقف المرور نرتشى نعمل فهلوى ده الى أحنا متفوقين فيه

[nesr6060]

الله ينور عليك تمام كده
بالنسبه لبلوكة 1400cc أعتقد ان ممكن تخلف معاك فى أدوات التغزية وقواعدها
كمان الفتيس وعشان مفتيش لازم يتبص على بلوكتك وبلوكة 1400cc
سؤال جوان وش السلندر مش وضحلى
- عمتا لو كان قصدك بيبوظ ديما لا طبعا - ده فى حالة مسح وش السلندر نفسه وبيحتاج جوان دوبل . ده حسب معلوماتى والسبب فى الخراطين لان قليل الى محترف ويكادو يكونوا منعدمين أومال الناس بتجيب مواتير أو بلوكه او وش سلندر جاهز ليه عشان كده شغل الخواجه فى الصناعات ديه متفوقين
أحنا نتظاهر نقفل طريق نحتكر نبلطج تقل أخلاقنا وندرسها للأجيال القادمه نعمل سلوكيات نوقف المرور نرتشى نعمل فهلوى ده الى أحنا متفوقين فيه

الف مليون شكر يا باشا استفدت منك كتير اوى انا كنت ناوى اودى العربيه انهرده للميكانيكى بس خايف بسبب حوار 30 / 6 ده فهضطر استنى كمان يومين على الاقل اضمن العربيه بدل ما الائيه بيقولى حصل معرفشى ايه وفى الاخر يقولى العربيه ايام الثوره اتسرقت او معرفشى ايه مانا عارفهم ولاد تيت

المهم انشاء الله اول ما البلد تهدى شويه هودى العربيه وهشوف اللى محتاجاه صبابات بس زى ما هو بيقول ولا ممكن تدخل على حاجه تانيه وساعتها هتصل بيك واسالك اعمل ايه الافضل

وبالنسبه للتسقيط انا هاجله شويه عقبال ما ازود المبغ شويه واشترى نص و بالمره ادور فى الفتره دى على ميكانيكى كويس

ممكن يا باشا لو تدينى الفيس بتاعك او الياهو