استفسار سريع ارجو الرد بسرعه

[AmirCode]

العربيه عندى اما باجى ادوس بنزين بتقعطع كده و بتنتش
ولو انا ماشى بيها على طريق اجى ادوس بنزين ممكن العربيه تبطل لو انا دوست جامد و اخرى امشى على التانى تقريبا او التالت اكتر من كده هتبقى زى المنخل


فيه ناس بتقولى ده عيب كهربا بوجيهات فانا دلوقتى
اطلع على الحرفين مع المكيكانكى الاى بتعامل معاه ولا اى ميكانيكى جنبى هنا يقدر يقوم بحل الموضوع لان خايف امشى بيها و تعطل

وهل المشكله بوجيهات فعلا مع العلم متور جولف 3 1600 سى سى كربرتير

ارجو الرد بسرعه

[aldesha989]

ممكن البوجيهات او مسمار الهواء فى الكربراتير مش مظبوط واظبط معاهم الكهرباء

[hossamalsadik]

هتكشف بوجيهات وكربراتير
عشان ممكن يكون فى بوجيه بقطع واكتر من واحد يراجع على جميع البوجيهات وسلوكها وان المبينه سليمه مش مهيسه
لو ده تمام هيخش على الكرب يظبطه
والأتنيين عند ميكانيكى ممكن
جرب الى جنبك معرفش يعمله روح لمتخصص فولكس

[AmirCode]

المشكله طلعت فى سيلك الوبيجهات كان مملح و تعبان و تم شراء واحد استيراد حالته نضيفه جدا ب 150 جنيه 5 اسلاك كاملين

[hossamalsadik]

مبروك السلوك الجديدة وأنتهاء المشكلة
مشكلتك زى ماقلتلك = أما ( بوجيهات -سلوك بوجيهات - كاربراتير )
والسلوك الأصلية إستيراد أفضل من الجديدة ألا لو كانت الأصلية وأعرف ان سعرها فوق 280ج
فكويس السعر الى أنتا جبت بيه