كوالين العربية الابيزا 98

[mahmoud ghanem]

السلام عليكم

اصدقائي اعضاء المنتدى الكرام صباح الخير عليكم جميعاً .. بعد التحية والاحترام
و بعيدا عن الاحداث السياسية الجارية اللى الواحد مش عارف اخرتها اية ؟؟

باب العربية لا بيفتح ولا بيقفل !!!! ايون

انا كان عندى الباب اليمين بايظ بيقفل ويفتح مع السنتر بس لكن بالمفتاح لاء

دولقتى بقى الباب الشمال ( باب السواق ) بقى شرحة لا بيفتح ولا بيقفل .. كانت البداية انه بيفتح بس ومابيقفلش وكنت بقفل العربية بالطريقة القديمة افتح الباب اللى وراا واقفل باب السواق يروح قافل العربية كلها ...

طبعاً العربية باتت مفتوحة علشان امبارح الاحد والنهاردة ان شاء الله بعد الشغل اطلع على حد بتاع ابواب ومفاتيح يشوفلى القصة دى اية !!!

انتوا ايه رأيكم ؟؟ موضوع بسيط ولا هغير كوالين ( 2 باب + شنطة ) ولو تم تغير الكوالين سؤال مهم

المفتاح اللى معايا هيشتغل على الكوالين الجديدة ؟؟ ولا هبقى شايل 2 مفتاح ( مفتاح للباب + الشنطة و مفتاح للكونتكت ) ؟؟

[SYD]

ازيك يا حودة
عامل ايه؟
انت تقصد مش بيفتح او بيقفل السنتر ؟؟؟

لو روحت لبتاع ابواب هيظبطلك الدنيا كلها ان شاء الله
اما عن تغيير الكوالين فبردو الأمر سهل ان يوفق المفتاح القديم علي الكوالين الجديدة
بس انا ما انصحش بتغيير الكوالين
لو هتغير يبقي تغير اوكرة بالكالون بتاعها بالكامل

شوف كدة الدنيا فيها ايه وقولنا عملت ايه عند بتاع الأبواب

تحياتي

[mahmoud ghanem]

ازيك يا حودة
عامل ايه؟
انت تقصد مش بيفتح او بيقفل السنتر ؟؟؟

لو روحت لبتاع ابواب هيظبطلك الدنيا كلها ان شاء الله
اما عن تغيير الكوالين فبردو الأمر سهل ان يوفق المفتاح القديم علي الكوالين الجديدة
بس انا ما انصحش بتغيير الكوالين
لو هتغير يبقي تغير اوكرة بالكالون بتاعها بالكامل

شوف كدة الدنيا فيها ايه وقولنا عملت ايه عند بتاع الأبواب

تحياتي

حبيب قلبى يا هندسة .. الحمد الله فى نعمه

بص يا بشمهندس السنتر شغال فتح وقفل
بس المفتاح نفسة مش بيلف فى الطبه وسعات بيلف على الفاضى ..

طب لو هغير كولين اجيب اوكرة بكالون دى بقى جديدة ولا استيراد ؟؟ والكونتكت هيتغير بردوا ؟؟
واكرة الشنطة كمان ؟؟؟
ولا هو طقم على بعضة بمفتاحة بيتباع ولا اية ؟؟

[alzelafy]

حصلتلى يا باشا روح لبتاع الابواب و هيعملهولك هى حته حديدة كدة متنيه من جوة هيدق عليها و هيرجعها لاصلها

[SYD]

حبيب قلبى يا هندسة .. الحمد الله فى نعمه

بص يا بشمهندس السنتر شغال فتح وقفل
بس المفتاح نفسة مش بيلف فى الطبه وسعات بيلف على الفاضى ..

طب لو هغير كولين اجيب اوكرة بكالون دى بقى جديدة ولا استيراد ؟؟ والكونتكت هيتغير بردوا ؟؟
واكرة الشنطة كمان ؟؟؟
ولا هو طقم على بعضة بمفتاحة بيتباع ولا اية ؟؟

لا يا حودة ولا اي حاجة من دي هتتغير
انت بس هتجيب اوكرة بالكالون للبابين (استيراد) اعتقد الأوكرة بالكالون ب 150 جنيه
وهتوفق قلب الكالون علي المفتاح القديم

بس روح الأول لبتاع ابواب وشوف رأيه ايه

تحياتي

[hossamalsadik]

ازيك يامحمود بيه كما سبق وقال لك م/محمد
أنا بردو كان عندى أول لما جبت العربيه الحوار ده
الأول بتاع الكوالين هيكشف لو ممكن يتصلح لو لقاه مكسور من جوه هتجيب كالون جديد ب150ج+ المصنعيه طبعا
الكالون الجديد الإستيراد بيركب على نفس المفاتيح ( مفتاح الكونتكت ) مافيش مشكله ديه شغلة صنيعى الكوالين

يفضل لما تنوى على التركيب يكون بتاع قطع الغيار قريب منك ونا عملت كده ( كنت فى الحرافيين ) لو فك وقلك لايصلُح وهوا فاكك تشترى واحد أو حسب ماهتغير وتركب فى وقتها .

هوا فى طقم اصلاح هجبلك صورته واالكالون الأستيراد بيجى بيه أصلا على بعضه وسعر طقم الأصلاح قريب من سعر الكالون الأستيراد





بالتوفيق

[hamada_elzayat]

كل سنه وانتم طيبين يا اهالى المنتدى الكرام
والله عندى نفس الحكايه وكنت فاكرها ان صاحب العربيه اللى انا شاريها منه هو الى عاملها من باب الامان بس انا عندى المفتاح بيلف فى الطبله بس عالفاضى وحاسس ان فيه سوسته بتاعته موجوده عادى ده يبقى ايه بقى ؟

[amrsoudy]

وانا عندي نفس المشكله برده هدور علي واحد بتاع كوالين بسيدي بشر حد يعرف حد كويس؟

[mahmoud ghanem]

اولاً : كل عام وانتم بالف خير ورمضان كريم وربنا يتقبل منا صيامانا وقيامنا

ثانياً : م / سيد و أ /حسام الحمد الله والكالون والقلب طلعوا مفهمش مشكلة ... واللى حصل كالتالى روحت لبتاع الكوالين امبارح والراجل اول ما قلتلة المشكلة لقيته عارف بباقى الموضوع ..

وطلعت المشكلة فى الصباع اللى فى الدائرة الزرقاء ... قام بتغيرة والدنيا بقت زى الفل والحمد الله

وهعدى علية تانى النهاردة علشان يشوفلى ريموت المفتاح ونحاول نشغلة ادعولى

[amrsoudy]

الف مبروككككككك عقبالي يارب في حد بقا يعرف حد كويس بسيدي بشر

[SYD]

ربنا يسهلك الحال

[mahmoud ghanem]

الف مبروككككككك عقبالي يارب في حد بقا يعرف حد كويس بسيدي بشر

الله يبارك فيك ... والموضوع بسيط ومش مكلف وربنا ييسرك الحال ان شاء الله

ربنا يسهلك الحال

ربنا يبارك فيك يا هندسة هروحلة النهاردة وطمنكوا ان شاء الله