مشكلة فى طرمبة بنزين؟

[المجرى]

السلام عليكم
اخوانى
انا العربية عندى ابيزا 94
ومسقط ليها ماتور 1400 سي سي

طبعا الموديل دا الطرمبة فى الحوض مش فى التانك
بس مع تغير الماتور ركبنا طرمبة فى الحوض برضة وكانت مشية كويس

بس الوقى مع الحر اللى احنا فية
ماشاء الله الطرمبة بتسخن وتفصل
يعنى لو مسافر مشوار 200 كيلوا هعطل فية حوالى مرتين واستنى الطرمبة تبرد
بس انا معايا طرمبتين وعمال ابدل فيهم
دى تسخن اشيلها واركب دى
تقوم دي تسخن افكها واركب التانية

بهدلة يعنى ممكن اعمل الحوار دا 4 مرات فى مشوار رايح جاى

انا عايز الغى الطرمبة دى
واجيب طرمبة فى التانك

كش دا افضل لمشكلة السخونة دى
وياترى استيراد ولا جديد
وتعمل فى حدود كام

[Karim Ibiza]

انت محتاج طرمبة بالعوامة بتاعتها ودى جديدة هتلاقيها بحوالى 850 جنيه

استيراد هتعمل حوالى 400 جنيه

بس فيه حل تانى بس اسأل الميكانيكى الأول قبل ما تعمله
وهو انك تجيب طرمبة كهربة خارجية بتركب برا التنك وبيبقى ليها صوت زنة مميزة زى بالظبط صوت العربيات المرسيدس الـ200 الزنة اللى بتبقى من ورا ده صوت الطرمبة اللى بقولك عليها

[المجرى]

انت محتاج طرمبة بالعوامة بتاعتها ودى جديدة هتلاقيها بحوالى 850 جنيه

استيراد هتعمل حوالى 400 جنيه

بس فيه حل تانى بس اسأل الميكانيكى الأول قبل ما تعمله
وهو انك تجيب طرمبة كهربة خارجية بتركب برا التنك وبيبقى ليها صوت زنة مميزة زى بالظبط صوت العربيات المرسيدس الـ200 الزنة اللى بتبقى من ورا ده صوت الطرمبة اللى بقولك عليها

تمام
بس الطرمبة اللى ورا دى بتركب فين فى العوامة بردة ؟؟؟؟؟؟؟؟؟؟؟؟

[Karim Ibiza]

لأ
دى بتركب بره التنك
اسمها طرمبة خارجية

[nesr6060]

انا عندى الطرمبه بتاعتى مكانها جوا التنك تحت الكرسى ومبتعملشى صوت ولا حاجه

[Karim Ibiza]

انا عندى الطرمبه بتاعتى مكانها جوا التنك تحت الكرسى ومبتعملشى صوت ولا حاجه

مفيش طرمبة كهرباء مبتعملش صوت لأن طبيعى لما التروس بتاعت موتور الطرمبة بيلفوا مع بعض يبقى لازم يعملوا صوت

الفكرة ان صوت الطرمبة اللى بتبقى فى قلب التنك بيكون أقل من الطرمبة الخارجية
لأن التنك والبنزين لبكتموا صوتها وبالتالى لازم تركز عشان تسمعه
لكن الطرمبة الخارجية صوتها واضح لان مفيش حاجة بتكتم صوتها

[المجرى]

مفيش طرمبة كهرباء مبتعملش صوت لأن طبيعى لما التروس بتاعت موتور الطرمبة بيلفوا مع بعض يبقى لازم يعملوا صوت

الفكرة ان صوت الطرمبة اللى بتبقى فى قلب التنك بيكون أقل من الطرمبة الخارجية
لأن التنك والبنزين لبكتموا صوتها وبالتالى لازم تركز عشان تسمعه
لكن الطرمبة الخارجية صوتها واضح لان مفيش حاجة بتكتم صوتها

تسلم ياغالى
انا الوقتى عندى طرمبة خارجية فى الحوض ورا الماتور

الصورة دى شبة الطرمبة اللى عندى



الوقتى انا سالت على العوامة والطرمبة الداخلية لقيتهم 500 جنية

ياترى ينفع
اركب الطرمبة اللى عندى دى تحت العربية ؟
ورا فى فى الكرسى اللى ورا ؟؟
ولا اجيب الاصل اللى فى التانك وخلاص وامرى لله

[ehab_mansour]

فيه حل لك انك تغير مكان الطلمبة اللي عندك دي و تخليها في مكان بعيد عن حرارة الموتور و ليكن تحت الطوربيدو جنب موتور المساحات و تعمل تطويل للخراطيم و الكهرباء هناك و تريح دماغك عشان متصرفش كتير في الفاضي

[hossamalsadik]

أرجح أقتراح البشمهندس إيهاب حطها فى مكان بعيد عن الحرارة وفى نفس الوقت فى متناول أيدك وليكن بجوار ماتور المساحات فى التربيدو

[المجرى]

فعلا كلامك اعجبنى جدا
وانا رحت للميكانيكى وقالى هات خرطوم وهوا يعملها

[hossamalsadik]

على بركة الله
وبقى قلنا عملت أيه