انا والعربية والعذاب

[المجرى]

السلام عليكم
اخوانى انا بجد كرهت نفسى ومش عارف اعمل
مش عارف العربية نحس او انا اللى نحس او انا مليش فى العربيات

نجيب الحكاية من الاول من اول مااشتريت العربية
انا محتاج النصيحة ياراجالة
الوقتى انا اشتريت عربية ابيزا 94 من شهر 10 اللى فات
الراجل اللى باعلى العربية كان مغير المتور ومكنش لسة مسجلة فى الرخصة وودانى للراجل بتاع الماتور
طلع الفاتورة والافراج باسمى عشان انا اللى اسجله فى الرخصة

طلع الماتور متهرب من الجمرك ولفيت لفة بنت ستين كلب
دا ملخص للفة المتور
بعد البهدلة دى الراجل ادانى ماتور تانى وواخد فلوس رهن لغاية ماجيب الماتور القديم

ورق الماتور الجيد جة الحمد لله ورحت ارخص
لقيت مصيبة تانية فى العربية

الوقتى انا رفعت الباصة للشاسية ورحت جيبت المطابقة تمام
وورق الماتور وكلة تمام
والورق فى المراجعة اكتشفنا خااااااااااااااااااااااابور كبير

الشاسية الرقم بتاعة مكتوب .......... اول حرف فية a
ودا مكتوب فى الرخصة وشهادة البيانات
وتمام التمام
بس للاسف طلع الشاسية بيبتدى بي r
طبعا حرف R لما اتاخد باصمة الناس افتكرتة A
فكتبتة A
الراجل بتاع المرور كان عارف اللفة اللى انا لفتها
اخد فلوس وشال الحرف من الرخصة الجديدة وخلى الرخصة بالارقام بس والارقام سليمة

الوقتى

ياريت حد يعرفنى كذا حاجة

اولا : الماتور
ارجعة واخد الفلوس انا دافع مبلغ 800 جنية رهان
اخلية عندى قطع غيار
ابلغ عن التاجر وفى محامى بيلعب فى دماغى

ثانيا : العربية بعد مشكلة الشاسية
اكبر دماغى ولا اعمل اية

انا الوقتى اخدت التصريح بي 3 شهور والنمر الجديدة
بس خايف

[mahmoud ghanem]

ايه يا عم المطبات دى كلها !!!!

الحمد الله وكويس انك خلصت القصة دى وانك لسه بعقلك :)

يعنى الماتور كدة رهانه 800 ج ؟؟ يبلاش لو متفق مع الراجل على كدة يبقى خليه عندك احسن قطع غيار .. دى مش عاوزة تفكير

بالنسبة لموضوع المرور ( لا يصح الا الصحيح ) انت كدة عملت زى لما الواحد بيجيله استدعى للجيش يروح مطلع ورقة بـ 50 جنيه لبتاع البريد يروح مسجل لم يستدل علية .. وتفرح انت بقى وتطير من الفرحة .. وبيبقى فى الحقيقة فى قضية شغالة فى المحاكم وانت مش حاسس بحاجة .. واول لما تجيلك فرصة للسفر او عمره ولا حاجة هوب اقفش فى المطار

انا رأى ظبط الراجل بس مش علشان يشلك الحرف خالص من الرخصة .. لاء .. علشان يسجلك الحرف الصحيح فى الرخصة وتبقى ماشى مظبوط

ورمضان كريم

[Ahmed_Mega]

حصلي نفس مشكلة حضرتك والحل كالاتي هتروح المرور وتعمل بدل تالف للرخصة وتدخل للراجل بتاع الكومبيوتر وتخليه يغيرلك الحرف وانت واقف وخلاص على كده وتنسى خالص الموضوع ده

[exact]

على فكره انا ما شفتش ولا مرة رقم شاسيه فيه حروف

[mahmoud ghanem]

على فكره انا ما شفتش ولا مرة رقم شاسيه فيه حروف

ولا انا !!!!

برافوا عليك :)

[hossamalsadik]

وكمان ولا أنا ههههههه
------------------------
أولا : أنا رايى من محمود بيه بس احب اضيف لو كان ولابد هترجع الماتور خاليه يجى يخده من عندك
وموضوع رقم الشاسيه سهله زى مقالولك فوق متقلقش