كم سعر سيات ابيزا 92 ؟

[Drbadawy]

السلام عليكم
انا بشتري عربيه سيات ابيزا 1992 سيستم بورش
العربيه فبريقه من ججوة مش رشة دواخل علي حالتها
مرشوشة نضافه من برة
كل حجة زي الفل
فيها سنتر وانذار
الكاوتش جديد
جنوط عادية
بطاريه جديده
فيها كاست مش عارف نوعه و4 سماعات بس كويس جدا
مطلوب فيها 23 الف اية رايكم ؟

[Drbadawy]

[el diesel]

اوعى الموديل ده بالذات "السيستم بورش " خليك فى 94 لحد 98

[Drbadawy]

ليه قلقتني
؟
الموتور ما يتغير عادي ويركب اي موتور اي ةالمشكله

[SYD]

وعليكم السلام ورحمة الله وبركاته

في البداية أحب أرحب بيك في قسم سيات نايل موتورز

23 كتير صراحة عليها
اه هي 92 اخر موديل في الشكل دة لكن انت بتشتري عربية قطع غيارها قليلة اوي واللي بيبيع عارف كدة والمفروض اللي بيشتري بردو يكون عارف هو هيشتري ايه وايه اللي هيواجهوا بعد كدة
العربية قطع غيارها قليلة وهتضطر انك توفق عليها قطع غيار مش بتاعتها
يعني مثلا الصاج والخوارج هتدوخ عليها شوية
اما الميكانيكا والعفشة والفرامل فزي ما اتفقنا هتضطر توفق عليها حاجات الأونو والفيات عموماً

انا مش شايف فـ العربية اي كماليات او ميزة تخليها بـ 23 الف
لو عرفت تنزل بالسعر لحد 18 - 19 يبقي زي الفل - غير كدة يبقي تروح تركب اونو بال23 هتبقي عروسة واحسن من السيستم بورش
او تزود عليهم 2000 او 3000 وتركب 94 بردو فاضية - بس هتعرف تركبها وتجيبلها قطع غيار

دي نصيحتي ليك

والله المستعان
،
،

[misoalex]

العربيه دى من 12 لحد 18 الف متزيدش عن كده ده سعرها فى السوق واغلب اللى موجود فى مصر استيراد معاقين وواقفه عليهم ب 10 الاف تقريبا

[su35flanker]

اركب 94 فاضيه و ظبطها على مهلك يا باشا
حاجتها موجوده و ليها زبونها و مواتيرها كتير

[Drbadawy]

طيب 94 دي بكم ؟
وبالنسبة للعربية احقاقا للحق انا هدفع 20
وال 3 علي اخر السنة الجاية فكده مظبوطة والا اية ؟
وبالنسبة للصاج انا اشترتيت اربع ابواب احتياطي :d كانوا فرصة قدامي
وقطع الغيار انا ابيض معرفش اية اللي بيبوز واية اللي بيتجاب
اللي عرفته ان ممكن يركبلها موتور تاني وقطع غيارة هتبقي موجوده توافيق زي منتا بتقول
وباقي قطع الغيار مش قلقان فيها لان ابن خالتي عنده محل قطع غيار وقالي متقلقش عارف سككها

[Drbadawy]

وبالنسبة للعربية استخدامها خفيف جدا يعني مش لسفر
دي اروح بيها الكليه بتاع 10 ك رايح و10 ك جاي ومش يوميا والسفر قليل جداا
وبصراحه انا عامل حسابي اغيرها كمان سنتين فهتستحمل اكيد ؟

[smartech]

بص ، عايز تشترى عربيه شوف مدى تواجدها فى الشارع
كل لما العربيه تبقى موجوده وناس راكباها كتير اعرف ان ليها قطع غيار وليها ميكانيكيه شغالين فيها ولما هتبيعها هتلاقيلها مشترى
الموديل الى حضرتك بتسأل عليه متعب جداً فى صيانته ومش اى ميكانيكى يشتغل فيه وقطع غياره مش هتلاقيها فليه تتعب نفسك ، والسعر الى مطلوب فيها ده سعر هلامى ، كتير مووت عليها

انت تصبر شويه وتزود الفين ثلاثه كمان واختياراتك هتكتر وهتركب حاجه حلوه

خد عندك مثلاً :
ابيزا 94 ودى تمام التمام واصلى ولو عايز تعدل وتضبط مواتيرها مرترته و ممكن تضبط باور وتكييف وسنتر وكل الاوبشنز
سكودا فيليشيا : عربيه حماله اسيه وصاجها عفى ، بس خشنه شويه فى سواقتها
هيونداى اكسل
فيات اونو
فورد اسكورت

نصيحه لوجه الله :
اوعى تستعجل فى شرا العربيات علشان بعد ماتجيبها هتقول انا ليه مستنيتش شويه وجبت حاجه احسن
وربنا يوفقك للى فيه الخير

[Drbadawy]

شكراااااااااااااا جداااااااااااا يا جماعة

[Drbadawy]

بس 94 عاليه عليا يعني مبتقلش عن 30 الف فمعظم اللي شوفتهم في المواقع الاونلاين
واكيد نفس الكلام في السوق

[su35flanker]

هتلاقى حاجات فاضيه رخيصه
زى دى مثلا على سبيل المثال


ممنوع استخدام روابط خارجية
م 11ب

[SYD]

بص هقول لحضرتك علي حاجة
انت مش بتشتري كل يوم
صدقني والله - لو اشتريت العربية دي النهاردة بالسعر اللي انت بتقول عليه - بعد سنتين مش هتعرف تطلع منها ولو حتي ب15 الف

اشتري نفسك واصبر شوية كمان وكمل الفلوس ل25 وهات الجيل الثاني (ابيزا 94) حتي لو فاضية
وان شاء الله واحدة واحدة هتعلي بالعربية لحد لما ربنا يكرمك بحتة 2006 ان شاء الله

تحياتي

[Drbadawy]

شكرااااااااااااا جدا عالنصيحه
وربنا يقدم اللي فيه الخير