الحمد لله ... عدت على خير

[elbaz45]

طبعا الحمد لله فى الاول على كل الاحوال
النهاردة وان راجع من العريش والطريق تمام ومشغل التكييف ولحد قبل المنصورة بحوالى 25 كم لقيت لمبة الميه منورة فبصيت على مؤشر الحرارة لقيته على الاخر فوقفت بسرعة وبفتح الكبوت لقيت دخان طالع فضلت سيبها لحد ما هديت وانا كمان هديت قيمة ربع ساعة وبعدين فتحت القربة بالراحة ومكنش فيها نقطة مية مع العلم انى قبل ما اتحرك كنت باصص على الميه والزيت وكانوا تمام المهم اتصرف وجبت ميه واخدت حوالى 4 لتر وقمت متحرك يدوبك 5 كم واتكرر نفس الموضوع وزودت برده 4 لتر وهكذ لحد ما وصلت البيت زودتها ميه وسيبتها مركونة ونزلتله بعد الفطار وبصيت على الزيت علشان اشوفه لقيته تمام والحمد لله وبصيت على الميه لقيتها منقصتش
وطبعا النهاردة الخميس وبكرة الجمعة فأنا عاوز اعرف منكم ابدء بمين وبإيه
ملحوظة الميه فى القربة كانت بتنقص معايا من زمان حوالى نصف لتر كل شهر تقريبا مع العلم انى بحطلها ميه حمرا اسبانى
وجزاكم الله خيرا

[hossamalsadik]

المفروض ان دورة التبريد مغلقه
اكشف على دورة التبريد كويس وشوف البخر للميه بيجى منيين

[aldesha989]

دورها واقف جنبها وشوف المايه بتتبخر منين وغير غطاء القربه ممكن يكون منه

[Karim Ibiza]

غالبا هيكون غطاء القربة بيهرب بخار او خرطوم من الخراطيم مشقق

لازم تروح لبتاع ردياتير عشان يكبسلك الدورة ويشوف التبخير منين

لو الموضوع كان تسريب كان هيبقى اسهل اكتشافه

حمد الله على السلامة

[nesr6060]

كانه عندى نفس المشكله دى وكان السبب فى ده غطا القربه هتلاقى غطا القربه المفروض ليه جلده من تحت هتلاقى الجلده دى ضاعت لو هى السبب مش ثابته هتشترى غطا جديد من التوفيقيه انشاء الله المشكله هتتحل هيقولولك الغطا ب 25 بس انا جبته ب 20 جنيه

[elbaz45]

بسم الله
انا رحت النهاردة للميكانيكى ولسه بيفك الخراطيم من الشجرة قامت الصوابع طلعت مع الخراطيم فطبعا كان لازم اغير الشجرة وسألت عليها استيراد لقيتها من 180ج لحد 250ج ومفيش منها حالة نضيفة والجديد منها صينى ب150ج والمانى ب600ج طبعا جبت الصينى ب150ج
وركبت الشجرة الجديدة ووصلت خراطيم الميه ودورنا لقينا صوت زنه جاى من ناحية سير الكاتينة فحلينا وبصينا لقينا طلمبة الميه خشنة اوى ولازم تتغير فسألت عليها جديد لقيت حاجة ب200ج صينى وحاجة ب350ج المانى جبت الصينى
وقلت بالمرة اغير سير الدينامو ب75ج وسير الكاتينة ب85ج
وحاطنلها دلوقتى مية حنفية لحد ما اشوف الاخبار ايه ولو الدنيا ظبطت ان شاء الله هحطلها ميه حمرا
وطبعا غيرت الزيت لان المكنه لما سخنت حرقت الزيت
والكيكانيكى اخد فى الشغلانة دى 100ج مصنعية
انا قلت اقولكم علشان الكل يستفيد بأمر الله

[hossamalsadik]

مبروك عليك الحاجات الجديدة
وأن شاء الله تظبط وشكرا على التقرير
بالتوفيق

[mohammad isdf]

ده كويس ان مجبتش جوان وش سليندر ولا وش سليندرالحمد لله ربنا سترها معاك

[hamada_elzayat]

الحمد لله على كل شئ وابقى طمنا الموضوع ايه اخباره وربنا كريم

[hossamalsadik]

بسم الله
انا رحت النهاردة للميكانيكى ولسه بيفك الخراطيم من الشجرة قامت الصوابع طلعت مع الخراطيم فطبعا كان لازم اغير الشجرة وسألت عليها استيراد لقيتها من 180ج لحد 250ج ومفيش منها حالة نضيفة والجديد منها صينى ب150ج والمانى ب600ج طبعا جبت الصينى ب150ج
وركبت الشجرة الجديدة ووصلت خراطيم الميه ودورنا لقينا صوت زنه جاى من ناحية سير الكاتينة فحلينا وبصينا لقينا طلمبة الميه خشنة اوى ولازم تتغير فسألت عليها جديد لقيت حاجة ب200ج صينى وحاجة ب350ج المانى جبت الصينى
وقلت بالمرة اغير سير الدينامو ب75ج وسير الكاتينة ب85ج
وحاطنلها دلوقتى مية حنفية لحد ما اشوف الاخبار ايه ولو الدنيا ظبطت ان شاء الله هحطلها ميه حمرا
وطبعا غيرت الزيت لان المكنه لما سخنت حرقت الزيت
والكيكانيكى اخد فى الشغلانة دى 100ج مصنعية
انا قلت اقولكم علشان الكل يستفيد بأمر الله

ممكن تشارك فى الموضوع ده بقطع الغيار الى أشترتها

http://www.nilemotors.net/Nile/341028-a.html

[elbaz45]

الحمد لله بقالى يومين والدنيا ماشية تمام بس سمعت صوت زنة جاية من عند سير الدينامو وطلعت بلية الشداد عاوزة تتغير وغيرتها ب60ج بس مقعدتش يومين وحاسس انها عاملة صوت بس خفيف

[hossamalsadik]

ممكن يكون نوع البليه مش كويس عمتا قدى بيها كده لو الصوت زاد أبقى غيرها بنوع أنضف زى توبران مثلا