Tweet
السلام عليكم ورحمة الله وبركاته
بعد معاناه لمدة اسبوع تقريباً من سخونيه سريعه للموتور ونقصان غريب للمياه الى فى القربه رحت لواحد بتاع ريداتيرات قالى يا بيه الريداتير مفيهوش حاجه والخراطيم ظاهرياً مفيهاش حاجه ،
فقالى بص انا هبعتك لواحد شغال فى الالمانى عنده مكنه كبس مياه علشان يشوف التسريب جاى منين ، سألته الراجل ده فين قالى جنبنا هنا فى جسر السويس عند الجراج
المهم مكدبتش خبر ورحتله ، اول ما وصلت اتخضيت بصراحه من كتر العربيات الى راكنه عنده ، بس كلها ماشاء الله من فئة ال 100 الف وانت طالع يعنى مثلاً ( جيتا ، بورا ، اوكتافيا ، جولف )
المهم دخلتله وقلتله على القصه قالى لأ بسيطه إن شاء الله
حط حاجه كده زى المنفاخ وفيها عداد ضغط زى بتاع الهواء وراح كابس مرتين وبص تحت العربيه .... طلع وقالى دى طرمبة المياه يا باشا
سألته طيب دى بتتصلح ولا ايه ؟؟؟
قالى لأ دى بتتغير
المهم قلتله استنى اروح اسأل على سعرها لان فيه حد جنبه بتاع المانى
رحت سألت لقيت سعرها 250 جنيه ، اتكلت على الله وجيبتها
للى ميعرفش الطرمبه دى بتبقى راكبه فى بلوكة الموتور وليها ترس عندى بيركب مع سير الكاتينه
المهم فك السير وفك الطرمبه ولقيت منظر عمرى ماتخيلته
طبعاً واضح كمية التأكل الى فى المعدن
على فكرة التأكل كله فى المكان الى بيخش فى البلوكه الى بيركب حوليه السيل
المهم ركب الجديده والحمدلله مأخدتش وقت فى التركيب ، وقفل كل حاجه وغسل دورة المياه
حساب المصنعيه فى الاخر كان 70 جنيه .
الكلام ده كان النهارده قبل الفطار ، ربنا يسهل انا نازل دلوقتى هروح مشوار للمعادى ، هجرب واقولكم ايه الاخبار
بعد معاناه لمدة اسبوع تقريباً من سخونيه سريعه للموتور ونقصان غريب للمياه الى فى القربه رحت لواحد بتاع ريداتيرات قالى يا بيه الريداتير مفيهوش حاجه والخراطيم ظاهرياً مفيهاش حاجه ،
فقالى بص انا هبعتك لواحد شغال فى الالمانى عنده مكنه كبس مياه علشان يشوف التسريب جاى منين ، سألته الراجل ده فين قالى جنبنا هنا فى جسر السويس عند الجراج
المهم مكدبتش خبر ورحتله ، اول ما وصلت اتخضيت بصراحه من كتر العربيات الى راكنه عنده ، بس كلها ماشاء الله من فئة ال 100 الف وانت طالع يعنى مثلاً ( جيتا ، بورا ، اوكتافيا ، جولف )
المهم دخلتله وقلتله على القصه قالى لأ بسيطه إن شاء الله
حط حاجه كده زى المنفاخ وفيها عداد ضغط زى بتاع الهواء وراح كابس مرتين وبص تحت العربيه .... طلع وقالى دى طرمبة المياه يا باشا
سألته طيب دى بتتصلح ولا ايه ؟؟؟
قالى لأ دى بتتغير
المهم قلتله استنى اروح اسأل على سعرها لان فيه حد جنبه بتاع المانى
رحت سألت لقيت سعرها 250 جنيه ، اتكلت على الله وجيبتها
للى ميعرفش الطرمبه دى بتبقى راكبه فى بلوكة الموتور وليها ترس عندى بيركب مع سير الكاتينه
المهم فك السير وفك الطرمبه ولقيت منظر عمرى ماتخيلته
طبعاً واضح كمية التأكل الى فى المعدن
على فكرة التأكل كله فى المكان الى بيخش فى البلوكه الى بيركب حوليه السيل
المهم ركب الجديده والحمدلله مأخدتش وقت فى التركيب ، وقفل كل حاجه وغسل دورة المياه
حساب المصنعيه فى الاخر كان 70 جنيه .
الكلام ده كان النهارده قبل الفطار ، ربنا يسهل انا نازل دلوقتى هروح مشوار للمعادى ، هجرب واقولكم ايه الاخبار
Comment