اصلاح سيات كوردبا بتاعت م.ايهاب في مركز نايل موتورز للتجديد

[Karim_Monir]

السلام عليكم ورحمه الله
معظمكم تابع حادث مهندس ايهاب منصور
والحمد لله قدرنا نعمل العربية في الورشة الخاصة بنايل موتورز بدون تغيير الرفرف الخلفي
رغم اني كنت عايز اغيرة لكن مكنش فيه لقلة قدع غيارها
حادثة سيارت كوردبا 2002 حقيقي العربية دي تعبتنا جدا لكن بفضل الله ماتعملش فيها حموة واحدة سخن اثناء اصلاح الرفرف وكل الصنايعية اجمعو على ضرورة تغيير الرفرف لكن بعون الله عملناه صح
اسيبكم مع الصور وان شاء الله يعجبكم شغلنا


















بقية لينك الصور هنا على جروب الورشة
تحياتي

https://www.facebook.com/media/set/?set=oa.697761820239185&type=1

[hossamalsadik]

انا عارف ان العربيه خارجه بقلها فتره كده
بس الصراحة تسلم يا استاذ كريم الشغل تمام ربنا يبركلك
العربيه رجعت كأنها زيرو من الخارج خاصة صورتها وبالبشمهندش إيهاب ركبها

[المنسي]

بسم الله ماشاء الله شغل عالى جدا سواء فى السمكرة او الدهان

[K_E]

لالا انا مش مصدق شكلكم مصورين الجنب السليم ههههههههه

شغل عالي بسم الله ماشاء الله

هو ممكن نستفسر اتكلفت كام ؟

[Karim_Monir]

شكرا جزيلا لذوقكم
الحمد لله هي تعبتنا جدا بس عرفنا نرجعها زي ماكانت

السعر كان في اتفاق على رقم وزاد عشان العربية اتعملت كلها بدل ما تتعمل الخبطة بس

[ehab_mansour]

شكرا لك اخي كريم منير علي الاهتمام و فعلا العربية اتكلفت لكن الحمد لله النتيجة مرضيه بشكل كبير و عارف ان كريم عارف ان فيه بعض العيوب و لكن في المجمل الشعل رائع و تسلم ايدك يا كريم و اكتر من واحد لما بيشوف عربيتي بيقلي هي عربيتك زيرو !!!!

انا عارف ان كل المقدور عليه اتعمل و اكثر و عارف ان فيه بعض الملاحظات و اخي كريم قلي تعالي نظبطها اي وقت لكني مشغول جدا و مسافر اساسا لفترة يعني المشكلة عندي حاليا و كمان انا كنت ضاغط عليهم جدا لأن كل شغلي واقف بسبب العربية لذلك اعتقد لو ريحت الوقت مكنش هيكون فيه عيوب


بشكر اخي كريم كل الشكر و التقدير علي مجهوده الشخصي و متابعته و اهتمامه و ذوقه و اعانته لي و ربنا يجعله في ميزان حسناته

[ehab_mansour]

اخي كريم لا تنسي تغيير عنوان الموضوع لأن العربية سيات كوردوبا و ليس سيات توليدو

[Karim_Monir]

يا اخي الحبيب ربنا يكرمك ويبارك في عمرك انت مثال لشخص محترما خلقا وخلقا بفتح وضم الخاء
وفعلا كان نفسنا مايطلع فيه اي ملاحظات بس فعلا ضغط الوقت والسمكري اخرني لانه كان عندة غياب كتير في وقت الاضطرابات لان العربية اتعملت في اوقات 30 يونية وما صاحبها فكان صعب جدا التحرك

شكرا لذوقك ومديحك
بس انا بسئل نفس السؤال ايه جاب توليدو في الموضوع
:-)

[buddha]

طول عمر شغل ورشة نايل موتورز نضيف جدا جدا واحترافى
شئ مش جديد دة العادى بتاع الشغل بتاعكم

[i_Am_Legend]

ماشاء الله :-d

[abaza2107]

بسم الله ما شاء الله لا قوه الا بالله
الشغل الي اتعمل عالي جدا وتحس انها موديل 2013 ولا حاجه ربنا يباركلك يا استاذ كريم على تعبك واهتمامك وجعلك الله دائما عونا لنا
والف مبروك يا باشمهندس ايهاب العربيه رجعت زيرو ربنا يباركلك فيها ويحفظك من كل شر وربنا يستر طريقنا جميعا

[Amr_tika88]

ربنا يباركلك يااستاذ كريم منير انتا تستاهل كل خير

[mohammad isdf]

ما شاء الله الله أكبر

[alzelafy]

شغل نظيف و مبروك العربيه مهندس ايهاب وربنا يجعلها اخر الخبطاط

[egman]

ما شاء الله الله ينور يا كريم بك شغل هايل ، ايهاب باشا حبيب قلبي الف مبروك يا باشا على الشغل وربنا يبارلك فيه واعذرني يا اخى لعدم تواجدى الفترة الى فاتت عن المنتدى ، والحمد لله انك بخير وربنا يبارلك فى الشغل الى اتعمل .