ابيزا 94 اتخبطت وهيا واقفه

[matrix012]

الحمد لله على كل شيئ قدر الله وماشاء فعل
انا بقالى اكتير من اسبوعين راكن العربيه مش بركبها خالص ( مشاكل نفسيه ) مش طايف السواقه
المهم انهاردا وانا خارج من صلاة العصر لقيت البواب بيقولى انتا فين يا بيه ديه العربيه اخبطت قولت الحمد لله وقررت انى اشوفها بعد الفطار علشان احافظ على صيامى
النتيجه رفرف شمال تقريبا مش باينه ملامح متهيئلى واحد استيراد
الباب بتاع السواق يعنى هوا داخل لجوه شويه بس متهيئلى تترد
الحمد لله
يا ترى بقى الرفرف الاستيراد يعمل كام والباب بالمره علشان كده كده هوا فيه لوحه وكنت عاوز اغيره
ويا لو حد يعرف سمكرى كويس ومصنعيته حنينه يبقى يقولى
وربنا يستر طريقى وطريقكم

[SYD]

قدر الله وما شاء فعل
الحمدلله علي كل حال

الرفرف ف حدود 90-100
الباب كامل ف حدود 250-300

انصحك كلم كريم منير ولو عايزني معاك م العين دي قبل العين دي

ربنا يعوض عليك يا صاحبي

[matrix012]

قدر الله وما شاء فعل
الحمدلله علي كل حال

الرفرف ف حدود 90-100
الباب كامل ف حدود 250-300

انصحك كلم كريم منير ولو عايزني معاك م العين دي قبل العين دي

ربنا يعوض عليك يا صاحبي

تسلم يا محمد بس انا الصراحه مليش نفس اعملها خالص دلوقتى سيبها على الله انا كنت عاوز اعرف رنج الاسعار ايه بس
هوا الباب فاضى يعمله كام انا مش محتاج غير الصاج بس والحمد لله كله جوه سليم

[egman]

قدر الله ما شاء فعل يا درش ولا يهمك يا سيدى وكلها بتيجي فى حاجات بسيطة المهم انت صحتك بالدنيا كلها والرفر بالفعل 90 جنية شوفته كتير فى الحرفيين يا باشا وربنا يعوض عليك ان شاء الله

[hugan]

ربنا يعوض عليك
اكتر شيء يحزن هو خبط العربيه وهي واقفه من شخص ماعندوش ضمير
هاتلاقيه في الاخر عيل من بتوع الميكروباص ماشي في الشارع عمال يلوش يمين وشمال
ولا هامه فلوس الناس ولا ممتلكاتهم
ولا حتي ارواحهم

[matrix012]

ربنا يعوض عليك
اكتر شيء يحزن هو خبط العربيه وهي واقفه من شخص ماعندوش ضمير
هاتلاقيه في الاخر عيل من بتوع الميكروباص ماشي في الشارع عمال يلوش يمين وشمال
ولا هامه فلوس الناس ولا ممتلكاتهم
ولا حتي ارواحهم

والله عنك حق خصوصا ان الشارع لى ساكن فيه مش صغير يعنى ديه بتبقى العربيه مركونه ودبابه تمشى جمبها بس الحمد لله
تسلم يا باشا

[matrix012]

قدر الله ما شاء فعل يا درش ولا يهمك يا سيدى وكلها بتيجي فى حاجات بسيطة المهم انت صحتك بالدنيا كلها والرفر بالفعل 90 جنية شوفته كتير فى الحرفيين يا باشا وربنا يعوض عليك ان شاء الله

الحمد لله انا نزلت من شويه ابص عليها لقيتها حاجه هينه نعمه من عند ربنا رفرف وباب المشكله بس انى فعلا مخنوق منها ومش طالبه اروح اشترى وارجع للسمكرى واقف على ايده والكلام ده ربنا يسهل يومين كده وان شاء الله اعملها
تسلم يا كبير وربنا يستر طريقى وطريقكم

[abb]

ابيزا 98 98%من الخبطات فيها وهى وقفه الحمد لله

[matrix012]

ابيزا 98 98%من الخبطات فيها وهى وقفه الحمد لله

تقريبا النوع ده محسود

[Karim Ibiza]

فدااااك يا درش
انا عارف انها مديالك دهرها بقالها فترة بس الحمد لله احسن من ناس كتير عربياتهم ادغدغت ومبقتش نافعة بسبب الاحداث اللى البلد فيها اليومين دوول

الباب فاضى هيعمله 150- 200 جنيه بس حاول تجيبه نفس اللون
الموضوع كله ان شاء الله يتكلف 300-400 جنيه بالتركيب وسعر الرفرف والباب

[windofchange]

لو عايزه ياباشا وهتحتاج تغيره فعلا عندي فالاوضة *) انا كنت جبت باب استيراد وفكيته وجبت غيره بعد مارشيته لون العربية ازرق تركواز واللي خلاني افكه هو السوكه بتاعته وكده هي سليمة بس حبيت اجيب باب نفس لون العربية دواخل وخوارج...وميغلاش عليك بس خد باللك وانت عند السمكري بتغير الرفرف بتبقي فيه هواية فالرفرف راكبة فيه بتمنع دخول الهواء عالكابينه من خز الرفرف خد باللك للسمكري يضيعها!زي ماحصلت معاايا ولو جبت الرفرف استيراد كتير مش بيجي معاه الهواية ديه لو جت خير وبركة بس المهم حافظ علي هوايتك...رقمي 01005683531 وفي حاجات تانية عندي لو حد عايز محلولة من العربية لما غيرت من مكنه 1000 ل1600 وحالاته كويسة ان شاء الله

[matrix012]

فدااااك يا درش
انا عارف انها مديالك دهرها بقالها فترة بس الحمد لله احسن من ناس كتير عربياتهم ادغدغت ومبقتش نافعة بسبب الاحداث اللى البلد فيها اليومين دوول

الباب فاضى هيعمله 150- 200 جنيه بس حاول تجيبه نفس اللون
الموضوع كله ان شاء الله يتكلف 300-400 جنيه بالتركيب وسعر الرفرف والباب

يا كريم يا خويا قل لن يصيبنا الا ما كتب الله لنا الحمد لله طبعا الواحد حاله احسن من ناس كتير
تسلم يا كريم على الاسعار وتسلم يا حبيبى على الرد

لو عايزه ياباشا وهتحتاج تغيره فعلا عندي فالاوضة *) انا كنت جبت باب استيراد وفكيته وجبت غيره بعد مارشيته لون العربية ازرق تركواز واللي خلاني افكه هو السوكه بتاعته وكده هي سليمة بس حبيت اجيب باب نفس لون العربية دواخل وخوارج...وميغلاش عليك بس خد باللك وانت عند السمكري بتغير الرفرف بتبقي فيه هواية فالرفرف راكبة فيه بتمنع دخول الهواء عالكابينه من خز الرفرف خد باللك للسمكري يضيعها!زي ماحصلت معاايا ولو جبت الرفرف استيراد كتير مش بيجي معاه الهواية ديه لو جت خير وبركة بس المهم حافظ علي هوايتك...رقمي 01005683531 وفي حاجات تانية عندي لو حد عايز محلولة من العربية لما غيرت من مكنه 1000 ل1600 وحالاته كويسة ان شاء الله

يقولك تعرف الابيزاوى من ايه - خدوم وصاحب صاحبه الله يباركلك يا باشا فى الايام المفترجه ديه بس بينى وبينك الرفرف الى اتهرس كان احمر ومرشوش اسود زى باقى العربيه وكانت حجه لكل واحد يشوف الموضوع ده يقولى العربيه مغيره رفرف كأن كان عندها مرض جلدى مثلا انا إن شاء الله هجيب نفس اللون واهو الواحد بالمره ميسبش حجه لأى حد يشوف العربيه
تسلم يا باشا وربنا يديم المحبه
وربنا يستر طريقى وطريقكم