عاوز اسقط موتور كوبرا 2001 1800cc

[moumen_shafik]

ياجماعه انا قدامى نص ابيزا كوبرا 1800 سىسى بالفتيس بحاجته كلها عليه تيربو
عايز اسقطه على عربيتى الابيزا 2001
ياريت حد يفيدنى الراجل بيتكلم فى 10 الاف
بس انا رأئى انه مبالغ كتير ف ياريت حد يفهمنى ممكن اجيب منين ارخص ولا هو ده سعر مناسب ولا ايه

[Karim Ibiza]

ده حلال الحلال
انا من حوالى 6 شهور قبل ما الاسعار تغلى كنت سائل على نص جولف 3 فيه موتور abf كان عايز فيه 10 الاف

طالما بكل حاجته يبقى توكل على الله
اهم حاجة مع النص انك تاخد الشكمان كامل وتنك البنزين والعفشة الخلفية

[moumen_shafik]

مش عارف بس هو شكله معندوش غير النصف الى قدام ولو هاخده منه اروح لمين مضمون عشان يسقطة

[moumen_shafik]

انا بتفرج على المنتدى من زمان بصراحه بس اول مره اشارك بس عموما شكرا قوى يا كريم باشا على الرد

[hossamalsadik]

وبردو بقلك تاكيدا ان السعر كده معقول
بس لازم الشكمان عشان ميظهرش أختتلاف ودوخ فى الحصول عليه و وطرمبة البنزين عشان العدادت تقراء صح والعفشع الخلفيه ( الطنابير ) عشان الماتور اكبر وتقدر تتحكم فى الفرامل بشكل افضل

[moumen_shafik]

الف الف شكر يا باشا بجد مش عارف اقولك ايه هظبط كده واساله اول ما يفتح بعد العيد وهقول لحضرتك ايه الى حصل
بجد الف الف شكر على الرد

[hossamalsadik]

الشكر لله
انا مره سالت محل قطع غيار استيراد اعرفه للعلم بالشىء فى نص زى ده قلى أجبهولك نفس لون عربيتك 15 الف ده او كلمه الكلام ده كان قبل رمضان وطبعا حكاية اللون ديه عشان استفيد بالصاج .

ربنا يوفقك لما فيه الخير

[SYD]

السعر مناسب

ودي قايمة بالورش ومحلات قطع الغيار

http://www.nilemotors.net/Nile/365862-a.html

تحياتي

[moumen_shafik]

هو لونه اسود
هتاكد من كود الموتور يوم الاتنين وهرد على حضرتك وهشوف هو كان قصده بحاجته كلها الصاج والشكمان والتنك ولا لا اصلا انا عايز اخد الكبوت والرفارف والاكصدام

[love increaser]

ياريت تعرفنى يامعلم تفاصيل الموضوع كله لأنى مهتم جدا بالموتور ده
على حد علمى هو 1800 cc و 180 hp