مشكله فى دوران العربيه

[smartech]

السلام عليكم ورحمة الله وبركاته
الاخوه الكرام
كل سنه وانتم بخير ويارب يتقبل منا جميعاً إن شاء الله

عندى مشكله بتظهر على فترات بس تاعبانى جداً
العربيه عندى لما بروح بيها مشوار فى وسط المشوار لو بطلت لأى سبب او حتى انا الى بطلتها ، المفتاح مبيدورش العربيه ، ولا حتى بسمع صوت المارش ... ومتدورش الا بعد فتره لما العربيه تهدا وتبرد خالص
طبعاً الموضوع ده بيبقى سخيف جداً وبيحرجنى قووى لأنى كتير بيبقى معايا المدام والاولاد
مع العلم بأنى لما باجى ادورها الصبح او اول مانزل من البيت ماشاء الله بتدور على طول من غير اى تعب

ياترى حد حصل معاه الموقف ده قبل كده او يقدر يفيدنى ؟؟؟

بالنسبه للعربيه فهى ابيزا 94 - 1300 كاربراتير

[mohammad isdf]

انت نفس مشكلتك دى عندى ونفس العربية معايا وروحت لميكانيكى فولكس وقالى فبرة كونتاكت .. أحيانا تعلق وملهاش مقياس مش شرط السخونية .. ، وبتلاقى لمبات التابلوة نورت بس مفيش أى دوارة ؟

وبردوا نضف الأواطيش فى البطارية وشوف ربما تكون مملحة خصوصا الفرع الموجب ..

[katoba]

حصلت معايا وكان حساس الكرنك وغيرة واتضبطت معايا

[matrix012]

حصلت معايا وكان حساس الكرنك وغيرة واتضبطت معايا

نفس الكلام

[SYD]

اكشف علي كتاوت وشربون المارش

[أحمد جودة]

بنسبة كبيرة جدا الموبينة فيها مشكلة ودي اعراض تلفها لما العربية بتكون سخنة بتبقي صعبة الدوارة لحد ماتبرد

[smartech]

الف شكر يا رجاله ، بس انا كده تهت اكتر
شؤال طيب ، هل القصه دى الى يحلهالى الكهربائى ولا الميكانيكى ؟؟؟

[mohammad isdf]

لو فبرة كونتكت يبقى ميكانيكى، لو اى حاجه تانية من المذكور فوق يبقى كهربائى فانت روح كهربائى واقفل كل اللى محيرك

[hossamalsadik]

القصه كلها عند الكهربائى بمافيهم فبرة الكونتكت
المشكله فعلا ممكن يكون ليها كذا سبب مسبب لها
وياريت لما تروح للكهربائى يتاكد من كل ما جاء واشار أليه الأعضاء
عشان كده انتا عاوز كهربائى نضيف عشان ميقلكش العيب من ديه وتغيره وهوا من حاجه تانيه
يعنى يكشف على فبرة الكونتكت وأختبرها سهل - ( المارش أو المبينه هما الأكثر أحتماليه للسبب الى عندك )
بسبب ان الموضوع ده مبيحصلش معاك الى لما العربيه بتسخن .

[abb]

انت نفس مشكلتك دى عندى ونفس العربية معايا وروحت لميكانيكى فولكس وقالى فبرة كونتاكت .. أحيانا تعلق وملهاش مقياس مش شرط السخونية .. ، وبتلاقى لمبات التابلوة نورت بس مفيش أى دوارة ؟

وبردوا نضف الأواطيش فى البطارية وشوف ربما تكون مملحة خصوصا الفرع الموجب ..

شكرا ليك كتير كان عندى نفس العيب ورحت ع كلامك للكهربائى وغيرت الفبر وفعلا طلع العيب منها بعد ما كنت هدور ف حجات بعيد عن الفبره خالص
والشكر برضوا لرجاله قسم السيات

[mohammad isdf]

ألف مبروك يا بااااشا وكلنا فى الخدمة بس يا ريت تشاركنا فى موضوع تجارب الاعضاء مع قطع الغيار وتقولنا اشترتها بكام ومنين ومين ركبها واخد كام ، ده هيفيد الجميع

http://www.nilemotors.net/Nile/341028-a.html