علبة الدريكسيون (السكاترا)

[Ahmed pico]

انا عندى علبة الدريكسيون بايظه بتعمل صوت فى الحتت المكسره ومش عارف اعمل ايه او اروح فين ياريت حد يرشحلى عفشجى حلو يجيب من الاخر ويكون تبعه او لو حد مر بالمضوع ده يقولى اعمل ايه
وشكرا

[aldesha989]

بتعمل صوت ازاى

خلى بالك ممكن يكون الكاوتش نفسه وحش وممكن يكون المقصات مش شرط الاسكترا

[ALKareem]

صح زي ما قالك الباشا اتاكدت حضرتك انها من السكاترا ؟؟

[kyrillos]

حضرتك روح عند اى واحد بتاع ظبط زوايا محترم, وقله عايز ظبط زوايا والعربية بتحبط وكذا كذا
هو لو محترم هايبص الاول على العفشة كلها, ولو لقى مشاكل عندك, هايقلك العربية عايزة ايه بالظبط ومش هايظبط الزوايا
فى بنزينة محترمة قوى فى ميدان اسماعلية فى مصر الجديدة, فيها ناس محترمين جدا
احتما كبير تكون سوست او مساعدين او المقصات

[hossamalsadik]

فعلا روح لحد خاص بظبط الزوايه وهوا خيهرفك فى ايه عنك فى العفشه بالظبط
مثل مركز النصر لخدمة السيارات
فى شارع المنيل الشارع الى جنب بنزينة شيل او كوبرى عباس - الجيزه
المواعيد بالحجز لكثره السيارات عنده

http://www.nilemotors.net/Nile/285131-a-3.html

[Ahmed pico]

انا اول ما جبت العربيه غيرت جلب المقصات رحت اظبت زوايا بعدها قالوا لى بارات داخليه وظبت عليها عادى بس دلوقتى عايز اعملها ومش عارف اعمل ايه بالظبط

[Ahmed pico]

الصوت صوت تخبيط عند الدوسات لما اكون ماشى فى حتت مكسره

[kyrillos]

بص, اعتقد والله أعلم, لو المشكلة فى الاسكترا, التخبيط بيكون فى الدركسيون نفسه

[hossamalsadik]

بيض مقصات جلبة مقص بيض علبه الدركسيون
مانتا لو كشفت عند حد بتاع زوايا زى ماقلتلك محترم
هتعرف السبب منه انتا محير نفسك ليه

[Ahmed pico]

اصل انا عارف ومتاكد ان هى السبب عمتا هروح ان شاء بس ربنا يصلح احوال البلد وشكرا جدا يا حسحس

[aldesha989]

اى حاجه بايظه فى العفشه تعمل نفس المشكلة

الكوبلن الخارجى لما كان فارط من مكانه عندى كانت بتعمل كده برضه