EPC Lamp

[Ehab_Ismail]

سلاموا عليكوم جميعا وكل عام وانتم بخير كلكم.

انا عملت طقم سيرفيس للعربية ابيزا 2000 (البيجوهات والزيت و فلتر البنزين وسير الكتينة والمية الحمراء)

بعد يومين لمبة الحرارة قعدت تنور والعربية سخنت وكل ما ازود مية تنقص و بعدين طلع الترموستات عايزة تتغير جبت واحدة جديدة وركبتها والدنيا بخير.


دلوقتى عندى مشكلة ان لمبة ال Epc منورة فى التابلوة انا مش عارف كانت منورة قبل كدة ولا لا
بس على العموم انا سألت الميكانيكى وقالى دية بتنور لسببين ان نور الفرامل اللى ورا فية عطل وكانت فعلا فية لمبة محروقة بس لما غيرتها برده ما انطفتش .
اعمل اية يا خوانا واروح فين واجى منين وبعدين هى اللمبة دية اساسا بتاعة اية.
على فكرة الميكانيكى اللى عملها هو اللى فى جسر السويس جنب بنزينة التعاون.

[mohamed ibiza]

سلاموا عليكوم جميعا وكل عام وانتم بخير كلكم.

انا عملت طقم سيرفيس للعربية ابيزا 2000 (البيجوهات والزيت و فلتر البنزين وسير الكتينة والمية الحمراء)

بعد يومين لمبة الحرارة قعدت تنور والعربية سخنت وكل ما ازود مية تنقص و بعدين طلع الترموستات عايزة تتغير جبت واحدة جديدة وركبتها والدنيا بخير.


دلوقتى عندى مشكلة ان لمبة ال Epc منورة فى التابلوة انا مش عارف كانت منورة قبل كدة ولا لا
بس على العموم انا سألت الميكانيكى وقالى دية بتنور لسببين ان نور الفرامل اللى ورا فية عطل وكانت فعلا فية لمبة محروقة بس لما غيرتها برده ما انطفتش .
اعمل اية يا خوانا واروح فين واجى منين وبعدين هى اللمبة دية اساسا بتاعة اية.
على فكرة الميكانيكى اللى عملها هو اللى فى جسر السويس جنب بنزينة التعاون.

متروحش و تيجي كتير علي التوكيل علي طول حطها علي الجهاز كشف الاعطال ب 80 جنيه و اعرف اللي فيها و هي حاجة من الاتنين يا اما كنترول يا اما رشاشات

[iBiZa]

الاتنين يا اما كنترول يا اما رشاشات

و دواسة البنزين الكهرباء او لمبة من الStop او مكنة الStop نفسها.

[msami2k]

السلام عليكم
هيا ايه لمبة ال Epc دي بتاعة ايه وايه فايدتها
وبتنور امتي وتطفي امتى

لو حد عنده كالوجات ال ابيزا 2000-2002 مطبوعة او على النت ياريت يقولنا
انا ممكن أعدي عليه أصورها فى اي مكان فى القاهرة

ولكم جزيل الشكر
محمد

[iBiZa]

EPC هى Electronic Pedal Control و دية بتنور لما يبقى فية مشكلة فى واحد من الاتى:

• مشكلة فى الدواسة الكهرباء
• مشكلة فى لمبة من لمبات الفرامل
• مشكلة فى مكنة الStop

و مش يتنور طالما كلة شغال كويس.

[msami2k]

EPC هى Electronic Pedal Control و دية بتنور لما يبقى فية مشكلة فى واحد من الاتى:

• مشكلة فى الدواسة الكهرباء
• مشكلة فى لمبة من لمبات الفرامل
• مشكلة فى مكنة الStop

و مش يتنور طالما كلة شغال كويس.

جميل جدا
بس يعني ايه دواسة الكهرباء
وهيا ايه مكنة الستوب دي
وجزاكم الله خيرا

[iBiZa]

بس يعني ايه دواسة الكهرباء

فى العربيات العادية, دواسة البنزين واصلة بسلك لحد الكاربيراتير او بوابة الهواء او الحاجة اللى مسؤلة عن زيادة البنزين للموتور. الموديلات الجديدة فيها دواسة البنزين واصلة بحساس كهرباء بحيث لما تزود تبعت اشارة انها تزود بنزين.

و من مميزاتة انة بيخللى الدواسة خفيفة.

وهيا ايه مكنة الستوب دي

دية اللى مسؤولة عن انارة لمبات الفرامل فى الواجهة الخلفية لما تدوس فرامل و فية معلومة مش متاكد منها ان الIbiza 2000 بالزات فيها ماكينتين.

[msami2k]

جزاكم الله خير كثيرا

[karimhasson]

طب سؤال يا جماعه لو سمحتوا هو اولا وضح اني كان عندي حق لما اشتركت في المنتدي ده لان ما شاء الله ناس كتير فاهمه

السؤل بقي
لمبة epc
بتنور اول ما ادور الكونتاكت
بس بتطفي اول ما ادور
النقطة الغريبة شوية ان كل ما ادوس علي الفرامل لمبة الاشارة اليمين بتنور
هي دي حاجة مختلة و لا دي لخبطة كهربا
مع العلم ان التابلوه عندي بينور بمجرد ما ادور الكونتاكت
عربية ابيزا 2001

[warfighter2114]

تعنى Electronic Pedal Control وتخص نظام الفرامل وده معناه ان حضرتك عندك مشكله فى اليات عما الفرامل

[khalil mohamed]

http://www.nilemotors.net/Nile/417830-2000-02-repair-sensor-break-pedal-switches-ibiza.html

شوف الموضوع ده