عداد الار بى ام بيقف ابيزا 94

[matrix012]

السلام عليكم ورحمة الله وبركاته اخواتى وحبايبى
انا عندى حاجه غريبه شويه وكل ما افكر انى اروح اصلحها تشتغل وهيا ان عداد الار بى ام والحراره ومؤشر البنزيز مش بيشتغلو اوقات - بس السرعه الحمد لله شغال - الحكايه ببساطه انى بدور العربيه الصبح اوقات العداد بيشتغل بالكامل عادى زى اى عربيه , واوقات تانيه الار بى ام والبنزين والحراره مش بيشتغلو الا لما اضرب كام ضربه على الباغه بتاعت العداد , واوقات تانيه بتحلف براس ابوها ماهى شغاله مهما ضربت وايدى وجعتنى
وكل ما افكر اروح اصلحها الاقى العداد بيشتغل عادى فتره وبعد كده يفتكر انه شغال ويقرر يهيس معايا شويه
الى عنده حل غير انى اولع بخور فى العربيه يقولى

[hossamalsadik]

اكيد الفيش مش ركبه كويس لو تعرف تخلعهم وتكشف على وصلات الفيشه الخلفيه
وفى واحد فى اول المنيل متخصص فى صيانة العداداد او كهربائى نضيف

[SYD]

بالظبط كدة
هي عيب فيش اما عايزة تتنظف او تتثبت كويس

والله المستعان
،
،

[matrix012]

طب محدش عنده خلفيه فى الموضوع ده انا خايف انى افك العداد واكتشف انى مش فاهم حاجه او ابوظ اى حاجه او اطير سوسته مثلا
لو حد عنده خلفيه يقولى الموضوع ده سهل اعمله بنفسى ولا الاحسن انى استعين بصديق :]

[SYD]

يا صديقي الموضوع في غاية البساطة
هتفك المسمارين الماسكين الفريم حول لوحة العدادات
هتلاقي العدادات سهلة الفك بعد كدة

جرب كدة وقولنا وصلت لأيه

تحياتي

[matrix012]

الموضوع طلع سهل على فكره
اولا فكيت الفريم الى على العداد
ثانيا فكيت الفريم الي عند الكونتك وشيلت القطعتين
ثالثا لقيت العداد مقفول ب مسماريت من فوق وراكب على مجرا من تحت فكيت طبعا وخرجته من المجرا
رابعا يمين وشمال روحت مطلع العداد بره الطابلوه
اكتشفت انه راكل على فيش واحده ناحية الشمال فيكت الفيشه ونفخت فيها شويه ونفخت مكان الفيشه فى العداد طلعت شوية تراب اى نعم صغيرين بس برده
المهم قبل ما اركتب لقيت كام مسمار عاده صغير وكام واحد صاليبه فى العداد من الخلف قولت يا واد بما انك فاكك شوف ممكن تكون حاجه مهويه من المسامير ديه وفعلا لقيت اتنين ناحية اليمين مهوين شويه تقلت عليهم
ركبت بعد كده الفيشه وقولت اجرب الحمد لله شغال
قعدت اجرب وابطل ادور وابطل ادور وابطل لحد ما زهقت
ركبت كل حاجه زى ما كنت والحمد لله شغال
معلش انا اسف جدا معرفتش اصور علشان انا كنت مستخدم الموبايل كشاف - انا اشتغلت بليل - بس متهيئلى الموضوع سهل شويه
شكرا لاخويا حسام ولحبيبى محمد سيد انهم دلونى على الفكره ديه علشان انا كنت فاكر ديه حاجه فى العداد
ويا رب اكون وصلت المعلومه كويس
وربنا يستر طريقى وطريقكم

[SYD]

الله ينور يا طيفة
فك العداد من اسهل ما يكون - انا للأسف لما افتك قدامي مرة ماحطتش في دماغي تصوير وكدة
بس علي العموم انا قريباً هفكه عندي عشان عندي لمبة محروقة

تحياتي

[matrix012]

بس انا كنت عاوز اسئل يا محمد هيا الباغه بتتفك ازاى انا ملقتش اى كلبس ليها وحاولت بالمفك العاده انى ادوس كده فى حته صغيره اتشرخت
لو تعرف الباغه بتتفك ازاى قولى علشان عاوز احط ارقام فسفسورى بدل التقليديه الى موجوده
وربنا يكرم

[SYD]

بس انا كنت عاوز اسئل يا محمد هيا الباغه بتتفك ازاى انا ملقتش اى كلبس ليها وحاولت بالمفك العاده انى ادوس كده فى حته صغيره اتشرخت
لو تعرف الباغه بتتفك ازاى قولى علشان عاوز احط ارقام فسفسورى بدل التقليديه الى موجوده
وربنا يكرم

اعتقد لوحة الارقام بتطلع من الظهر
والباغة ثابتة
والله اعلم

[mahmoud ghanem]

الله ينور عليك يا درش

100*100 يا صديقى

[ehab_mansour]

بس انا كنت عاوز اسئل يا محمد هيا الباغه بتتفك ازاى انا ملقتش اى كلبس ليها وحاولت بالمفك العاده انى ادوس كده فى حته صغيره اتشرخت
لو تعرف الباغه بتتفك ازاى قولى علشان عاوز احط ارقام فسفسورى بدل التقليديه الى موجوده
وربنا يكرم

مبروك يا مصطفي حل المشكلة و انا فكيت العدادات كلها من بعضها قبل كده و الفك سهل لما تطلع العدادات هتفك الضهر من وره ناحية المسامير اللي انت قرطت عليها هيطلع معاك الظهر بالعدادات من الباغة بالجسم اللي متثبت فيها
تقدر تعمل فيها اللي انت عايزه بس خلي بالك الباغة متتوسخش منك و حاول تنظفها كويس لو عليها تراب بحاجه متسيبش رايش قبل ما تقفل ... عشان العدادات بعد ما تقفلها لو فيها وسخ او مكان ايد او صباع هتلاقيها في وشك طول العمر لحد ما تفك تاني و بيضايق الواحد قوي القصة دي
و بالتوفيق ان شاء الله

[matrix012]

مبروك يا مصطفي حل المشكلة و انا فكيت العدادات كلها من بعضها قبل كده و الفك سهل لما تطلع العدادات هتفك الضهر من وره ناحية المسامير اللي انت قرطت عليها هيطلع معاك الظهر بالعدادات من الباغة بالجسم اللي متثبت فيها
تقدر تعمل فيها اللي انت عايزه بس خلي بالك الباغة متتوسخش منك و حاول تنظفها كويس لو عليها تراب بحاجه متسيبش رايش قبل ما تقفل ... عشان العدادات بعد ما تقفلها لو فيها وسخ او مكان ايد او صباع هتلاقيها في وشك طول العمر لحد ما تفك تاني و بيضايق الواحد قوي القصة دي
و بالتوفيق ان شاء الله

شكرا يا باشمهندس