من شرم الشيخ للقاهرة

[abo_loa3y]

واحد صاحبى بيقولى انى عشان اسافر بعربيتى السيات 124 موديل 1977 - 1300 سى سى من القاهرة لشرم الشيخ لازم اريح العربية كل ساعة او كل 150 كم بالكتير اريحها ساعة اقل حاجة ودا معناها انى عايز تقريبا يوم كامل فى السفر الكلام دا صحيح ولا مبالغ فيه وايه هو الصح
وشكرا :01964e~163:

[mshmshm3]

علي حسب حالة العربية
وحالة الموتور ايه
بتسخن ولا لا
و الوقت اللي هتسافر فيه
و اكيد هتحتاج ريست في السكة متوسط مرتين لان المسافة لشرم طويلة

[saddam]

حسب حالة العربية لو الراديتير كبير وزيت محترم ومراوح إضافي ممكن توصل من غير ريست بس السرعة لا تزيد عن 90 ودمتم للنضال

[mastr_n]

عربيتك ومحدش يعرف يحكم عليها غيرك
بص اسمع منى بلاش احسن خليك فى السوبرجيت

[hossamalsadik]

كل عربيه وليها طبيعتها

بس ريح كل 150 ك 15 دقيقه مش مشكله

[abo_loa3y]

الف شكر ليكم كلكم وجزاكم الله خيرا
اقدر اقول من خلال كلامكم ان العربية لو كويسة وما بتسخنش ما فيش مشكلة
مع اختيار الوقت المناسب للسفر مثلا بعد الفجر مباشرة عشان اوصل قبل الحر - واريح فى الطريق مرتين او تلاتة كل ساعتين تقريبا من ربع لنصف ساعة
ومرة تانية متشكر ليكم جدا

[nesr6060]

انا عن نفسى معايا ابيزا 1300 سىسلا وفى يوم العربيه فضلت الف بيها من 11 الضهر ل 6 المغرب فى القاهره ومبريحهاش لان كنت بجمع اصحابى وبنشترى حاجات وكانت البلد زحمه وكنا فى شهر 5 اللى فات تقريبا او 6 مش فاكر وكان الجو حر وبعد ده كلوا مريحتش العربيه وسافرت بيها الفيوم رايح الساعه 6 ولفينا بيها فى الفيوم ورجعت فى نفس اليوم الساعه 2 بليل وده كلوا العربيه مريحتش روحت البيت الساعه 4 الفجر وريحت الغربيه والساعه 10 تانى يوم روحت شديت عربيه صاحبى لانوس علشان كان معانا فى اليوم ده وعربيته سخنت وضربت منه جيوان فى اليوم ده لان عربيته ماستخملتشى ساعتها عرفت قيمه عربيتى

بس بصراحه بعدها بشهر الجيوان عندى ضرب انا كمان لان مبريحش العربيه وباخد بيها مسافات طويله نت غير راحه


وفى يوم فض رابغع انا كنت عند الحى السابع ومشيت الضهر وقت المظهرات والقلق وفضلت ماشى بالغربيه على 120 لمده 4 ساعات ونص من غير ماريح العربيه علشان كنت مامشى من حته الاقى فيها ضرب نار