تايه ونفسي حد يقولي الطريق منين الابيزا تعبانه :(

[i1egypt]

بعد السلام عليكم ورحمه الله وبركاته :-
طبعا كلنا عارفين العربيات لما تفتح في المصروفات وانا بجد مش عارف احل مشكلتى ازاى عايز اوفر على قد ما اقدر علشان كده بيتي هيخرب علشان كده انا عايز من حضراتكم تيدونى اتصرف ازاى علشان دي اول عربية ليا .
العربية مو 2000 و 1000cc
عايزه سمكره ودوكو كويس علشان مليانه معجون دول هيكلفو كام
عايزه عفشة كامله بالمساعدين وعندي جنوط تيوانى نفسي اغيرهم المانى بس مش عارف اجيب ايه بالزبط وبكام
عايز طقم كراسي كامل امامي وخلفي
وكمان جوز فوانيس امامي واكصدام وسربنتينه والفبراية بتاعت الراداتير
ياريت لو حد يقولى الاقي اقل اسعار فين ونفسي اعرف المحترفين بتوعها فين ف المنصورة

[ah-elgendy]

وانت اشترت عربيه بالحاله ديه بكاااااااااااااام ؟

[eng.m7md.ali]

بعد السلام عليكم ورحمه الله وبركاته :-
طبعا كلنا عارفين العربيات لما تفتح في المصروفات وانا بجد مش عارف احل مشكلتى ازاى عايز اوفر على قد ما اقدر علشان كده بيتي هيخرب علشان كده انا عايز من حضراتكم تيدونى اتصرف ازاى علشان دي اول عربية ليا .
العربية مو 2000 و 1000cc
عايزه سمكره ودوكو كويس علشان مليانه معجون دول هيكلفو كام
عايزه عفشة كامله بالمساعدين وعندي جنوط تيوانى نفسي اغيرهم المانى بس مش عارف اجيب ايه بالزبط وبكام
عايز طقم كراسي كامل امامي وخلفي
وكمان جوز فوانيس امامي واكصدام وسربنتينه والفبراية بتاعت الراداتير
ياريت لو حد يقولى الاقي اقل اسعار فين ونفسي اعرف المحترفين بتوعها فين ف المنصورة

لو فكرت تنزل الحرفيين كلمني وانا اجبلك اسعار كويسة جداً

[hossamalsadik]

الدوكو ممكن ورشة نيل موتورز لتجديد السيارات لو عاوز شغل نضيف جدا او زى مابيقولو ا نمره واحد
هيى الورشه فى الحرافيين يعنى ممكن تجيب حاجتك من هناك وتركبها هناك وتعمل باقى الشغل هناك يعنى فى مكن واحد ده مجرد اقتراح
بالنسبه لقطع الغيار الى اعرفهم فى الحرافيين
بس انتا طبعا لو عاوز حد من المنصورة يبقى استنى أن شاء الله يدخل حد من المنصوره زى م/ إيهاب منصور يدلك

[SYD]

اولا الف مبروك العربية
ثانياً انت كل المصاريف اللي حضرتك بتتكلم فيها تعتبر كماليات فيما عدا الردياتير والفوانيس

وبالتالي
تقدر تعمل الحاجات الباقية علي مهلك وواحدة واحدة
وتعمل المعمر قبل الأستهلاكي (يعني تعمل العفشة قبل السمكرة والبوية)
وبكدة هتلاقي نفسك ان شاء الله بتصرف علي العربية بالهداوة والمصاريف مش هتحس بيها

تحياتي

[ehab_mansour]

السلام عليكم
مبروك عليك العربية و ربنا يباركلك فيها
و زي ما قلك ابو السيد فوق خليك في المهم ثم الأقل اهمية
انا بالنسبالي العربية كأساسيات محرك و عفشة و فرامل سليمة و مافيهاش اي مشكلة تبقي العربية سليمة و صالحة لأي شيء ..... الباقي سهل تظبطه طالما بعيد عن الاساسيات اللي ذكرتها في الأول

يبقي المهم انك تظبط الأساسيات دي و الباقي علي مهلك
انا من المنصورة اساسا و لكن عايش حاليا بالقاهرة و كل شغلي كنت بعمله في المنصورة
عايز تعمل عفشة عربيتك كاملة و لو عندك حاجه في الفرامل او الفتيس عندك ورشة لواحد اسمه هلال و ده اكتر واحد امين و بيفهم و حنين جدا في الماديات و ده يعتبر صديق لي لو عايز تروحله قلي و انا اكلمهولك و ده رقمي 01272001177
عندك اكتر من واحد بيبيع قطع غيار فولكس عموما و سيات و من ضمنهم مكاوي في الحسنية جنب شريط القطار و فيه بيت الجولف في شارع متفرع و فيه صديق لي من الحرفيين شغال استيراد في المنصورة و فاتح محل عندك لكن معرفش مكانه ... لكن عموما لو محتاج اي حاجه كلمني و هساعدك قدر المستطاع و ربنا يوفق الجميع لما يحب و يرضي

[ehab_mansour]

بعد السلام عليكم ورحمه الله وبركاته :-
طبعا كلنا عارفين العربيات لما تفتح في المصروفات وانا بجد مش عارف احل مشكلتى ازاى عايز اوفر على قد ما اقدر علشان كده بيتي هيخرب علشان كده انا عايز من حضراتكم تيدونى اتصرف ازاى علشان دي اول عربية ليا .
العربية مو 2000 و 1000cc
عايزه سمكره ودوكو كويس علشان مليانه معجون دول هيكلفو كام
بيختلف تقدير التكلفة علي حسب حالة العربية لما يشوفها ورشة التجديد
عايزه عفشة كامله بالمساعدين وعندي جنوط تيوانى نفسي اغيرهم المانى بس مش عارف اجيب ايه بالزبط وبكام
العفشة و المساعدين كما قلت لك سابقا هتروح لهلال و سيب القصة دي انا هخليه يظبطهالك بأقل تكلفة و شغل نضيف و لكن ملهوش علاقة بالجنوط طبعا
عايز طقم كراسي كامل امامي وخلفي
سيب ده بعدين لما نخلص الأساسيات الاول هقلك تعمل فيه ايه
وكمان جوز فوانيس امامي واكصدام وسربنتينه والفبراية بتاعت الراداتير
ده المهم فيه الفوانيس و هل ينفع نظبطها علي حالها مبدئيا ولا لأ هعرفه منك لما تكلمني و طقم التبريد (سربنتينه و رادياتير ) هتشتريه علي بعضه كامل مكمل افضل عشان تريح دماغك من العك و المشاكل و ده موجود استيراد و لكن غالي شويتين
ياريت لو حد يقولى الاقي اقل اسعار فين ونفسي اعرف المحترفين بتوعها فين ف المنصورة

منتظر تكلمني و الله المستعان

[egman]

الله ينور يا ايهاب باشا ، ممكن نعرف من صاحب الموضوع جاب العربية بكام لو ما فيهاش احراج ......

[i1egypt]

الف شكرا ليكم بس لحد دلوقتى انا مش عارف كل الشغل دا هيتكلف كام تقريبا علشان انا عايز اعمل كل حاجة مره واحده انا اصلا من سوهاج ومش عارف ابتدي منين وعند مين لان بجد تعبت من كتير التجارب عند الصناعية وهكلم سيادتك قريب يا بشمهندش بس البلد عندنا خربانه علشان الضروف السياسية

[saddam]

صديقي المواطن حتدخل في رنج 10 آلاف بالجنوط ومفيش داعي تغير الكراسي سروجي محترم وتصرف زيادة حيطلعها أحلى من الفبريكة جلد وعوازل وخلافه ومن غير الجنوط حتخش في 8000 جنيه وممكن تلاقي شغل تجاري أرخص بكتير وممكن تلاقي شغل متقلات غالي جدا ودمتم للنضال

[i1egypt]

انا اشتريت العربية دي من سنه تقريبا بس كانت حالتها افضل شويه ب 36000 من كونتكت

[i1egypt]

هكلمك قريب ان شاء الله يا بشمهنس ايهاب بس تكون ضروف البلد اتعدلت شوية علشان اعرف اسافر