صور سيات ليون الجديدة اللي حتنزل مصر في خلال فترة قصيرة (شئ إبداعي)

[برنس الليالي]

السلام عليكم ورحمة الله وبركاته

طبعاً كله عرف خلاص صور سيات ليون الجديدة اللي نزلت برا مصر من اكتر من سنة

بس انا حابب افيد اللي مش على علم بيها لسا

اتأكدت من توكيل سيات ان العربية حتنزل بتكنولوجيا الـFull LED

مش زي ما عملت اوبل استخصرت تنزلنا الاسترا بالتكنولوجيا البسيطة دي :(

بس بجد الجيل دا من سيات يعتبر هدية قيمة للشباب محبي السيات بالشكل والتجهيزات في نفس الوقت

اسيبكو مع الصور :

















العربية إن شاء الله حتيجي مصر بالسلامة في الفترة بين شهر 10 وشهر 1 في السنة الجديدة

يعني ممكن تيجي بعد شهر وممكن بعد 3 شهور

والحمد لله العربية وخدة اعلى تقييمات من مواقع التجارب العالمية والخبراء :

SEAT Leon hatchback review | CarBuyer

Seat Leon Hatchback Review | What Car?

بإنتظار ارائكم .. في امان الله

[sayco100]

اووووووف اوووووووووف اوووووووووووووف يابووووى
كفاية كدة انا ايه اللى خلانى اتعقد ماكنت فقسم الصينى وراضى بحالى

[برنس الليالي]

يا برنس ربنا يرزقك بأحسن منها إن شاء الله :)

[Haitham Basha]

بسم الله ما شاء الله و لا حول ولا قوة إلا بالله ... العربية فعلن تحفه و تهبل بس يا ريت سعرها بقه ميبقاش في السماء هي كمان و يرحمونا بقى من الهرتله بتاعت الأسعار الي احنا فيها دي ...

[برنس الليالي]

على الله كل شئ إن شاء الله متوصلش للسعر المبالغ فيه

[snakeson2]

أكيد السعر هايكون نار ، أنا رحت التوكيل عشان أغير الفانوس الصغير الي في الرفرف الخلفي من سنه كان ب٤٢٠دلوقتي ب٧٢٠

[monamize4]

موضوع جميل تسلم ايديك
بس انا لسه مصر على رأي

تقرير ممتازة لعربية هايلة اتظلمت جامد ف مصر

عامة انا بحب الشكل الحالى اوى لانه فعلا روعة و رغم ان بقاله اكتر من 5 سنين الا انه فعلا متحسش انه قديم
تحس ان walter de silva ابدع فيه و دا الطبيعى من واحد مصمم ال scirocco , passat , TT , Golf و طبعا اهم من دا كله ال R8

للاسف الشكل الحالى حاسس انه افضل من ناحيه التصميم , انما الشكل الجديد دا مفرقش كتير عن ال ibiza الحاليه (اللى هى اساسا مش اجمل من الليون الحاليه) بس هى دى سياسا الشركات انها تعمل uniform look
زى ما ال bmw بتعمل ال kidney grill من زمان
و زى ما كيا بتعمل ال tiger nose دلؤقتى

تسلم على المجهود الرائع دا
------------------------------- farewell ----------------------------

http://www.nilemotors.net/Nile/351300-2013.html#post3874946926

[برنس الليالي]

أكيد السعر هايكون نار ، أنا رحت التوكيل عشان أغير الفانوس الصغير الي في الرفرف الخلفي من سنه كان ب٤٢٠دلوقتي ب٧٢٠

ماهو دا الطبيعي لازم يمصو دمنا الله يحرق دمهم ولا يهنيهم بالفلوس الزيادة اللي بيلهطوها

موضوع جميل تسلم ايديك 
بس انا لسه مصر على رأي

ايوة طبعاً يا باشا عبر براحتك عن الرأي لازم يكون في اختلافات بين شخص للتاني طبعاً

بس فعلاً زي ما قال الخبير Mat Watson ان العربية فعلاً Head-Turning look يعني بجد منظر ممتاز

بص كدا ع العربية :





الشكل دا تحس انه فيه شئ من الشراسة ..

على عكس الشكل القديم مع كل الاحترام للعربية ولحضرات المُلاك ..



شكل جميل طبعاً بس فيه شئ من البساطة مش الإحتراف في التصميم

ولكن الامر عائد للآراء طبعاً وفعلاً سيات ليون لما تشوفها في المعرض بإذن الله حتشوف فيها الشكل على حقيقته

[egman]

عربية جميلة فعلا شكلا وموضوعا ، والموضوع اجمل منها كمان .

المشكلة كلها فى السعر ، وغير كده يا ترى اخبار الفتيس بتعها اية نوعه اية ، وانواع المواتير أو فئات السيارة .

لو يعملوا معايا واجب وياخدوا عربيتى الإيبيزا الــ 94 ويدونى واحده من ده زيرو واديهم يا سيدى فى الشهر 500 جنية يبقوا عملوا معايا واجب جامد جدا جدا جدا ههههههههههههههههههههههه .

[SYD]

في الأول بشكرك علي تقريرك الجميل
بس هل الخبر مؤكد ؟؟؟!!!
وانهي وكيل دة اللي حضرتك روحته في اسكندرية رغم ان مفيش حتي اي صالات عرض في اليكس ؟؟
ولا تقصد موزع ؟؟؟

برجاء تأكيد الخبر

تحياتي

[برنس الليالي]

حضرتك ادخل على الموقع دا واطلب رقم تليفونهم حيدوك رقم التوكيل
.....................

انا بكلمهم دايماً على الفيسبوك
وكل توكيل وليه صفحته على الفيسلوك فعلاً

ممنوع استخدام روابط خارجية
م11ب

[SYD]

متشكر
بس اعتقد ممنوع وضع لينكات خارجية

تحياتي

[mohaismail]

الفتيس dsg?

[برنس الليالي]

طبعاً dsg :(
بس كله يهون في عربية ذي دي بس اعتقد انهم حلو الموضوع دا والله اعلم

[برنس الليالي]

متشكر
بس اعتقد ممنوع وضع لينكات خارجية

تحياتي

لا شكر على واجب ويا برنس دا رابط للتوكيل مش لموقع تاني مش دعايا يعني :)