ايه الاحسن الكاوتش التيوبلس ولا الشنبر

[nesr6060]

العربيه عندى كل يوم العجله بتتخرم واتخنقت الاجل قالى العجله بايظه وادانى علجله مستعمله علشان اروح بيها واشتريتها منه ودلوقتى انا روحت سالت عن الكاوتشات لاقيت الكاوتش عامل 350

بس اتلخبط لان العربيه عندى شنبر كاتوش جوا وبره
والجديد كلوا تيوبلس ولما سالت قالى دلوقتى هو كلوا واحد ممكن اخد الكاوتش اعمله تيوبلس عادى وممكن اجيبله كاوتش شنبر يبقى زى القديم

اللى عاوز اعرفه ايه رايكوا اخليه تيوبلس واركبله البلف الغريب اللى بيقولوا عليه علشان يبقى تيوبلس ولا اجيله شنبر ويبقى زى القديم

انا عاوز اعرف انهى الاحسن وانهى عمره اطول التيوبلس لما يبقى عادى ولا الكاوتش لما يبقى شنبر جوا وبره

[iBiZa]

الاحسن التيوبلس طبعا علشان لو انخرمت و انت ماشى على سرعه العجله مش بتفرقع.
المهم ان شفه الجنط عندك تبقى سليمه علشان متنامش كل شويه.
و لو الفرده اتقطعت و انت مش عايز تغيرها ابقى حطلها شمبر.

[Maged_Samy]

مفيش وجه للمقارنة التيوبلس مش بينام فجأة وانت ماشى ويعمل مشكله ذى العادى وكمان ممكن يتخرم وتزود العجله وتمشى بيها عادى وطبعاً امان اكتر بكتير .
بس لازم تكون الجنوط عندك كويسة مفيهاش خبطات ولا بارومه مكان فتحة البلف علشان ينفع يتركب تيوبلس .
انصحك طبعاً بالتيوبلس لو الجنوط عندك كويسة بس نصيحة لو عملت التيوبلس لو اتخرم اوعى تلحمة بخوابير الحمه لحام عادى .

[matrix012]

وانا قبل ما انصحك فى الكاوتش احب اقولك انك تركن العربيه بتاعتك بعيد عن المكان الى انتا متعود تركن فيه ( الى فيه مسامير ) انا اول ما جبت العربيه للاسف كان عندى نجار على اول الشارع الى بخرج منه وكل يومين كنت بلحم اى فرده من الاربعه والحمد لله الموضوع قل قوى من ساعة ما عزلت :]
وانا انصحك بالالتيوبلس انا كمان
وربنا يستر طريقى وطريكم

[dr.hazem]

كل الكاوتشات في العالم تيوبليس والشمبر بيركب كحل مؤقت للتيوبليس لما يبوظ!!

هو اسمه تيوبليس tubeless يعني اللي مفيهوش تيوب...

تحياتي

Sent from my Xperia Arc S using Forum Runner

[يارا]

يارب حد يفيدك

[وائل شويخ2]

طبعا التيوبلس هو الأساس
والشمبر حل مؤقت
أشترى بريدجستون
أو بريل وهانكوك
دول أفضل أنواع للكاوتش

[hossamalsadik]

التيوبلس هوا أختارك الاول زى ماتفضل الساده الأعضاء ونصحوك
وبالأضافه للانواع السابقه اضفلك نوع انا جربته لحد دلوقتى 11 الف كيلو ولسى الفرده كالجديده
دان لوب

[nesr6060]

اوك يا رجاله الف شكر انا كدا خلاص هعمل تيوبلس

[windofchange]

https://www.google.com.eg/search?q=k...hrome&ie=UTF-8

[amr011111]

انت بتشترى العجله تيوبلس ولما العجله بتقدم وتلاقى الاخرام بتاعتها زادت فبتعمل لها شمبر داخلى كحل اضافى علشان تمشيك بدل ما تغير علطول

[aw2100]

عن تجربة نفس فردة الكاوتش التيوبلس لما بتركب لها شمبر من الداخل بتنشف قوى وتدب فى المطبات بس تتاكد من الجنوط الأول ولو وحشين غيرهم مع الكاوتش تحياتى!!