تقرير عن كارت الدعم الحكومى للبنزين

[matrix012]

حبايبى الايبيزاويه
انهاردا والحمد لله روحت استلمت كارت الدعم الحكومى للبنزين وطبعا الفضل لمنتدى نايل موتورز علشان هوا الى وجهنى
والحكايه كالاتى
من فتره كده كنت فاتح الفيس ولقيت موضوع الكارت وفتحته وقولت اشوف الدنيا ماشيه اذاى
اللينك اهو تسجيل بيانات السيارة للحصول على كارت البنزين الذكي

المهم انا قولت انا مش خسران حاجه سجل يا واد يمكن الموضوع يبقى زحمه بعد كده ولو اتطبق يبقى معايا الكارت
سجلت على الموقع ده تقريبا https://www.esp.gov.eg/CarRegisterat...quiryPage.aspx
وبعديها بكام يوم كده جالى تليفون من رقم ارضى
احنا شركة مش عارف ايه وحضرتك اشتركت معانا فى تفعيل الكارت على البنزين وده الرقم الخاص بيك مش كده
طبعا انا كنت سايق واكيد مش فاكر الرقم بس هيا بصراحه حست انى مش مركز راحت قيلالى رقم العربيه - - - - قولتلها ايوه هوا وربنا هوا
المهم علشان مطولش عليكم قالتلى هنتصل فى وقت تانى علشان تدينى رقم التسجيل الى هوا طلع على الموقع لما انا سجلت اساسا
بعديها بفتره كده مش فاكر اد ايه بس هيا طولت لدرجه انى نسيت
رقم ارضى تانى بيتصل بيا رديت حضرتك سجلت معانا فى الدعم
قولت ايوه
حضرتك ممكن تيجى تستلم الكارت او ممكن يتبعتلك على العنوان الى حضرتك فيه
قولت لا انا اروح استلمه وفرحت طبعا
طب الفروع فين
كذا و كذا وكذا ومساكن شيراتون وعمارات العبور صلاح سالم
انا قولت ماشى صلاح سالم على الاقل قريب من الشغل خصوصا انها قالتلى المواعيد من 9 لحد 5 واجازه جمعه وسبت
المهم اخدت رقم الفرع بتاع عمارات العبور صلاح سالم وكلمتهم انهاردا واخدت وصف بالتليفون وطلع غلط وانتو عارفين بقى السواقه فى صلاح سالم ساعه الزروه
المهم قعدت اسئل لحد ما وصلت
والحمد لله استلمت الكارت
وديه صورة الكارت


وده الضهر بتاعه


ملحوظه فى رقم مطبوع على ورقه جايه مع الكارت فيها رقم التعريف تقريبا يعنى Password
يا رب اكون قدمت معلومه جديده للناس الى معملوش الكارت ده
وربنا يستر طريقى وطريكم

[warfighter2114]

شكرا للافاده

[nesr6060]

انا اتصلوا بيا من اسبوع وقالولى الكارت هيكون وصل يوم التلات اللى فات ولسه مروحتش استلمته مش لاقى وقت فاضى استلمه فيه مش عارف اعمل ايه

[abosharbat]

عمارات العبور صلاح سالم
انا قولت ماشى صلاح سالم على الاقل قريب من الشغل خصوصا انها قالتلى المواعيد من 9 لحد 5 واجازه جمعه وسبت
المهم اخدت رقم الفرع بتاع عمارات العبور صلاح سالم وكلمتهم انهاردا واخدت وصف بالتليفون وطلع غلط وانتو عارفين بقى السواقه فى صلاح سالم ساعه الزروه
المهم قعدت اسئل لحد ما وصلت
والحمد لله استلمت الكارت

ايوة فين بقى فى صلاح سالم علشان هاروح بعد بكرة استلم الكارت مش هى شركة فيدكس برضوا
والمهم هنعمل اية بعد كدة وهيشتغل ازاى الكارت وفين

[matrix012]

ايوة فين بقى فى صلاح سالم علشان هاروح بعد بكرة استلم الكارت مش هى شركة فيدكس برضوا
والمهم هنعمل اية بعد كدة وهيشتغل ازاى الكارت وفين

بص يا باشا حضرتك عارف بنك عوده 17 عمارات العبور
لو مش عارفه اقولك انتا هتمشى فى الصب واى الى على اليمين من بعد جى ام سى وتفضل ماشى لحد ما توصل للتقاطع بنك عوده واخد ناصيه هوا الناصيه التانيه هوا محل على فكره مش مكتب قوى علشان متدورش على حاجه فخمه يعنى :] وجمبه على طول فى حاجه تحت الانشاء
المهم انك مش هتلاقى اى راكنه جمبه ولا قبله ولا بعده والحمد لله انا دخلت فى الشارع الى على ناصيته بنك عوده علشان انا لو كملت كان اليو تيرن بعيد عليا شويه
ادخل انتا كمان جمب البنك وخليك يمين علشان هتدخل فى الشارع الصغير اليمين الى جمب البنك على طول وربنا يكرم وتلاقى فيه راكنه زى ما انا ركنت فيه وهوا للعلم فى اماكن كتير
والله المستعان
نصيحه متتصلش بالرقم وتسئل عن الوصف علشان الصراحه الاموره الى كلمتنى توهتنى وقالتلى ان الفرع جمب gmc وطبعا ركنت ومشيت حته كتبيره وسئلت ورجعت اخدت العربيه وكملت
ياله مش هنجيب فى سيرة الناس
توصل بالسلامه يا باشا ان شاء الله

[matrix012]

انا اتصلوا بيا من اسبوع وقالولى الكارت هيكون وصل يوم التلات اللى فات ولسه مروحتش استلمته مش لاقى وقت فاضى استلمه فيه مش عارف اعمل ايه

المواعيد بتاعتهم واجازتهم مش مناسبه فعلا بس انتا ممكن تتصل بيهم وتحول الاستلام عن طريق مندوب يجيلك البيت واى حد ممكن يستلمه مكانك بس برده للاسف مفيش معاد معين ممكن ييجو فيه يعنى حسب الظروف

[SYD]

شكراً لنقل التجربة يا صديقي
بس هل في اي مصاريف ولا الاصدار مجاني ولا ايه؟

تسلم ايدك

[matrix012]

شكراً لنقل التجربة يا صديقي
بس هل في اي مصاريف ولا الاصدار مجاني ولا ايه؟

تسلم ايدك

مفيش اى مصاريف خالص الا فى حالة توصيل الكارت للبيت ماصريف الشحن 20 جنيه

[Haitham Basha]

مبروك يا باشا على الكارت بس أنا رضو مش هاعملو إلا لما ألاقي بيان في الأهرام بيه و تحزير و حد أقصى للتسجيل ههههههههههههههههه :)))

[hossamalsadik]

شكرا على نقلك للتجربه
جزاك الله خيرا

[mohammad isdf]

كلمونى بعد ما نقلت لمرورى وطبعا كان رقم العربية اللى سجلت بيه كان اتغير، وعملت تسجيل من جديد

[Ahmed Mubarak]

مبروك على الكارت يا عم مصطفى وشكرا على نقل التجربة

[Karim Ibiza]

مبروك يادرش على الكارت

بس انا عايز اعرف ايه الهدف منه

انا سجلت وكلمونى بس لسه مجاش

[matrix012]

مبروك يا باشا على الكارت بس أنا رضو مش هاعملو إلا لما ألاقي بيان في الأهرام بيه و تحزير و حد أقصى للتسجيل ههههههههههههههههه :)))

الله يبارك فيك يا باشا
والله انا كنت بقول كده برده بس قولت هتبقى زحمه وممكن الوقت ميكونش مناسب طب ما اعمله فى الروقان زى دلوقتى ولو اطبق خير وبركه ولو مطبقش اهو مرمى فى الدرج :]

[matrix012]

شكرا على نقلك للتجربه
جزاك الله خيرا

العفو يا باشا