التقرير المبدئى لاستخدام زيت ماتور زادو xado، ابيزا 94

[mohammad isdf]

الله يبارك فيكم يا حبيايبى

تقرير الألف و مائة كيلو 1100

بعد مرور تقريباً اسبوعين إلا يوم، والسرعه اللى بمشى عليها لا تتعدى الـ 120 بسبب ظروف الزحمه عشان المدارس، والحركة الديناميكية أصبحت أكثر !!

- عن اللزوجة: الزيت زى ما هى ما شاء الله، وفى شئ عجيب جدا، الزيت عدى المؤشر، يعنى زاد عن المؤشر منقصش، ولا عشان اسمه زادو !! بييت العربية بعد العشاء لحد الصبح الساعة سبعه وكشفت عليه لاقيته فوق المؤشر بـ 1.5سم

انزل منه حبه ولا اخليه يمكن ينقص ؟


- أما عن الأداء: ما شاء الله تمام، ولما العربية تسخن وتبقى حلوة الصوت بتاع الماتور مش بيبقى عالى زى ما كنت حاطط شل الــ 5000 ..

* أشيروا عليا أيها الناس *

[lanos2004]

الله يبارك فيكم يا حبيايبى

تقرير الألف و مائة كيلو 1100

بعد مرور تقريباً اسبوعين إلا يوم، والسرعه اللى بمشى عليها لا تتعدى الـ 120 بسبب ظروف الزحمه عشان المدارس، والحركة الديناميكية أصبحت أكثر !!

- عن اللزوجة: الزيت زى ما هى ما شاء الله، وفى شئ عجيب جدا، الزيت عدى المؤشر، يعنى زاد عن المؤشر منقصش، ولا عشان اسمه زادو !! بييت العربية بعد العشاء لحد الصبح الساعة سبعه وكشفت عليه لاقيته فوق المؤشر بـ 1.5سم

انزل منه حبه ولا اخليه يمكن ينقص ؟


- أما عن الأداء: ما شاء الله تمام، ولما العربية تسخن وتبقى حلوة الصوت بتاع الماتور مش بيبقى عالى زى ما كنت حاطط شل الــ 5000 ..

* أشيروا عليا أيها الناس *

لازم وانته بتشوف مقاس الزيت تكون العربيه في مكان مستوي تماما لان لو مايل ممكن تلاقي الزيت زاد او نقص في تدريج المقاس

[hossamalsadik]

الأول العربيه تكون فى مكان على أرض مستويه وليست مائله فى أى أتجاه
الزيت الزياده المفروض تنزله ليه عشان الجوانات والأويلسيهات بيحصل عليه ضغط فممكن تضرب
بس خد الأول المقاس الصح وتأكد منه
فى رأى أخر بيقول ان الزيت الزياده عن المطلوب للماتور بيتبخل من طلقاء نفسه
رى الشخصى أنزل الزياده

[SYD]

متابع

[docfleed1983]

متابع

[mohammad isdf]

وبعد 3600 كيلو يثبت زادو حتى الآن أنه صاحب منافسه قوية فى عالم الزيوت

التقرير الثالث 3600 ك

كان الزيت عندى فى التقرير التانى 1100 كيلو ان الزيت كان لزوجته كويسه وكميته زايده بقيمة 1سم ونص تقريباً، وان الأداء كويس والصوت لما العربية تسخن بيهدى


انهاردة وبعد 3600 كيلوا فيها سفر الاسكندرية ، والجرى كان على 140 و 150 ويوم ما انزل كان يبقى 120 وكمان مشغل تكييف فى أغلب الأوقات ، قطعت 220 كيلوا رايح وزيهم جاى .. على السرعات دى


لزوجة الزيت: ما تأثرتش

الكمية : الزيادة اللى كانت عندى راحت وبقى ع المؤشر مظبوط معنى كده انه نزل قيمة واحد سم تقريباً

الأداء : أفضل بكتير لأن الظاهر انى كان لازم انزل الزيادة ، الماتور صوته بقى انعم وبيسخن أسرع وبيجرى بسهولة مش في ثقل، واشيل رجلى من ع البنزين تفضل العربية ماشية من غير الهته اللى كانت بتحصل تحس العربية بطأت ، لكن دلوقتى تفضل واخده سرعتها عادى ..

ومتنسوش انى يوميا بعمل 100 كيلو غير أيام السفر اللى قلت عليها مع تقلبات الجو بارد وسخن ..

وتقبلوا احترامى وتقديرى

[Ahmed pico]

prince

[lanos2004]

فى مشوار واحد ينزل سم ونص كتير اكيد عربيتك ماشيه كتير

[hossamalsadik]

تسلم على التقرير الثالث
ولى بعديه هو الاهم والفيصل
بس ماتورك بتقول ماشى 213 الف كيلو فده كتير على النصف تخليقى عمتا التجربه هى الفيصل

[hossam eldeen]

السلام عليكم ورحمة الله وبركاته
كيف الحال يا ابيزاوية

كنت بستخدم زيت معدنى شيل الأصفر 50/15 زى كتير من الناس ماشى بالكيلوات مش بما يناسب الماتور، ومكنتش عارف الفرق، لكن بفضل الله ثم جهودكم الواحد بدأ يفهم ...

- كنت بسمع صوت التاكيهات فى بداية التدوير، وكمان بعد مشوار طويل صوت كتير ورا بعضه، تكتكتكتكتكت

- عرفت ان زادو زيت هولندى، وفيه امكانيات كتير حلوة زى المرمم الذرى والحفاظ ع الماتور، وكمان انه عجب ناس كتير ف المنتدى.

- قررت انى اجيب زيت نصف تخليقى خوفا من ان الزيت ينقص لو استخدمت التخليقى بعد المعدنى، لأنى معرفش اللى قبلى كان بيستخدم ايه، ربما معدنى وبكده يبقى لازم اكمل معدنى.

- اتصلت على زادوا (أ.هيثم) وجابولى الزيت دليفرى مجانا تانى يوم وعملولى خصم عشان انا من نايل موتورز !!

- وبعد ما وصفتله حالة العربية قالى كمل معدنى لأنه خاف ان اللى اخدت منه العربية كان بيستخدم معدنى وانا فاكر ان اللى قبلى كان بيستخدم تخليقى بس مش متأكد ، وانا وراسى والف سيف عايز نص تخليقى ، تركيز 10/40 لانى حاسس ان المعدنى تقيل ع العربية ، ولو تمام هجرب التخليقى لان انا عربيتى عامل 213 الف كيلو، المهم قالى انت حر بس تشيك ع الزيت كل اسبوع لو نقص تزوده.

المهم انا دوشتكم :

- بعد التركيب، ما شاء الله صوت التاكيهات رااااااااااح بفضل الله، والماتور انعم والسحب حاسس انه بقى اقوى..

- كشف ع الزيت انهاردة بعد تقريبا اسبوع، وبعد ما استخدمته حوالى 500 كم، والحمد لله زى ما هو


ده الزيت واسمه انرجى درايف وبيعمل من 8 الى 10 الاف كيلو ، النص تخليقى اسمه كده، والتخليقى ليه اسم تانى والمعدنى كذلك ..

الف مبروك عالزيت ,, بس ما قولتش سعره كام ,, ومكان الشركه فين ؟؟ وياتري للناس اللي جربت وعرفت الفرق ., هو احسن ولا زيوت وولف من حيث الجوده والاسعار ؟؟ افيدونا يا اهل الخبره اثابكم اللــــــــــــــــــــــــــــــــــــــه

[mohammad isdf]

شكراً جزيلاً على مروركم كتير
الزيت بـ 190 وخصم 10% لأعضاء نايل موتورز اخدته ب 170 للتواصل اكتب زيوت زادو مصر فى جوجل وهتلاقى ارقام موبايل

قبل ما اسافر كان الزيت تقريباً واحد سم الجرى كان على 140/150 ومحمل كل العربية وشنط كمان، وكنت جايب اخر العربية الدواسة أعلى الأرض تقريباً بواحد سم !! مع العلم ان قبل ما احرق كده على العربية الزيادة اللى كانت عندى مبتنزلش الا بالعافية يعنى بعد اكتر من 2500 ك بدأت تنزل واتظبطت ع المقياس بعد 3000 كيلو

العربية دلوقتى عاملة 217 الف

[mohammad isdf]

تقرير 5000 كيلو من استخدام زيت زادو 10/40 اللى من 8 إلى 10 ألالاف كيلو

المقياس : الزيت على أول شرطة الــ mini

اللزوجة : خفت شوية ولكن لسه متماسك

اللون : اغمق شوية ولكن ما اسودش

ملاحظات :

- لاحظت تنشيع زيت تحت طرمبة البنزيين اللى كنت مغيرها ، ومش عارف هل ده جديد ولا هو هو القديم، ولكن اعتقد انه جديد لانه طالع فوق على وش السليندر من مكان الجوان !!

- السرعة بتاعتى كانت تتفاوت ، اقصاها 120 -130 ومكنتش لمسافات طويلة .

- انهاردة زودت مياه فى الأربه بعد ما لاقيتها فااااااضية، زودت لتر تقريبا بعد عدم متابعة لمدة أكثر من اسبوعين أو 3 أسابيع تقريباً، والحرارة لا تزيد عن الشرطة الأولى يعنى الحرارة عندى مبتوصلش للنص وده لانى معنديش ترموستات كوعه

[hossamalsadik]

تسلم على التقرير الرابع يامحمد بيه

بس موضوع مياه القربه ده مش مريحنى
ايه نوع مياده التبريد عندك ونسبتها ؟
ايه اخبار التشتيت الحرارى الخاص بالزيت طيب كنت بتحس ان المراوح بتشتغل كتير ؟
تسريب الزيت = جوان وبسببه مش عرفين هل نقصان الزيت بسبب التسريب ده ام ده المعدل الخاص بالزيت
صوت الماتور اخباره ايه بعد 5000ك ؟

[mohammad isdf]

تسلم على التقرير الرابع يامحمد بيه

بس موضوع مياه القربه ده مش مريحنى
ايه نوع مياده التبريد عندك ونسبتها ؟
ايه اخبار التشتيت الحرارى الخاص بالزيت طيب كنت بتحس ان المراوح بتشتغل كتير ؟
تسريب الزيت = جوان وبسببه مش عرفين هل نقصان الزيت بسبب التسريب ده ام ده المعدل الخاص بالزيت
صوت الماتور اخباره ايه بعد 5000ك ؟

أشكرك يا مهندس حسام على إهتمامك ربنا يخليك

الأسئلة اللى سألتها دى مهمه

المياه عندى مياه مقطره من فايظ تكييف .. بمعنى ان الماية اللى نازله من خرطوم التكييفات العادية بتاعتنا بملاها فى ازازه واحطها ( كلام عصام ميكانيكى ) ..

التشتيط الحرارى ولو انى مش فاهمها اوى .. بس لو انا ماشى فى طريق بطيئ المروحه بتشتغل كتير ومجرد ما ادوس ع الدواسة واجرى الحرارة بتنزل بسرعه جدا، لكن لو واقف مثلاً وماشى متر متر .. المروحه تشتغل وتبرد ودقائق وتسخن العربية تانى وتبرد .. وكذلك .. مع العلم ان الآر بى ام عندى عدى العشرة بملى ..

بخصوص تنشيع الزيت يبقى ان شاء الله زيارة قريباً لعصام وامرنا الى الله

صوت الماتور هو هو ولما بجرى بيه بيبقى ناعم اكتر كمان الحمد لله .. مع العلم انى لما اخدت العربية من صاحبها كان صوتها ناعم اكتر من كده بكتير وتقريبا كان بيستعمل موبيل 1 واعتقد كان تخليقى ..

ربنا يوفقنا كلنا يا رب

[mohammad isdf]

دى صورة المقياس