نصايح ضروريه قبل الشراء هشتري بكره الحقوني

[ahmed.abdo]

السلام عليكم
حاليا انا كنت بدور علي ابيزا تكون سليمه المهم الحمد لله لقيت واحده شوفتها امبارح وهيه كلاتي
ابيزا ٩٨ لون اصفر فبريكا جوه وبره رشه حزام نضافه الكبوت والسقف والشنطه فبريكه
ماتور بتعها ١٠٠٠ تكييف ماشاء الله زي الفل والماتور حلته حلوه الدركسيون تقيل مش عارف ليه انا معايا ماذدا مو ٨٥ ومش باور واخف من كده بكتيييييير
العاكس ورا مكسور والمرايا الي عند السواق الفريم الي بره الي بلون العربيه مش موجود وفي حكه بسيطه عند الرفرف والباب الشمال
التبلوه ممتاز والفرش كويس
الشاسيه الله اكبر زي الفل مفهوش الهوا وحتي الكصدامات بالمصامير الفبريكه الي هيه السداسيه الشكل
طبعا السعر نفخ ٣٥ الف مرضيش ينزل ولا جنيه
وهيه الكاوتش بتعها سليم بس مش هيصمد كتير ومفهاش جنوط وفيها طقم صوت حلو
افيدوني افادكم الله هل من نصائح في الشرا انا هشتري بكره باذن الله
سوال اعمل توكيل ولا عقد بيع لاني مش قادر ادفع فلوس انا هفلس اساساً
وغير كده هوه لسه مجدد سنه وماشي بتصريح ٣ شهور عقبال ميجيب الرخصه الشهر الجي فيها اي حاجه دي ولا ايه الدنيا ؟؟
افيدوني انا سهران معاكوا للصبح :)

[Mahmoudelsayed]

بالتوفيق ان شاء الله

اولا صلى صلاة استخارة
ثانيا خلى بالك من التصريح ٣ شهور اسأل فيه كويس

[ahmed.abdo]

بالتوفيق ان شاء الله

اولا صلى صلاة استخارة
ثانيا خلى بالك من التصريح ٣ شهور اسأل فيه كويس

الموضوع ده قالقني وباذن الله هصلي قبل منام وربنا يوفق ياااااااارب

[Eng.Peter]

ربنا يوفقك و يرشدك للصالح لك

[hossamalsadik]

أهلا احمد بيه
الباور ممكن تكون طرمبة الباور مودعه وديه هتتغير أستيراد وممكن جديد ومش غاليه وممكن تمشى بيها كده عادى لحد لما ربنا ييسر الأحوال
المرايا أمر ها سهل والعاكس بتاع الشنطه فيه مشكله بسيطه ان صعب يتباع لوحد ولو اتباع بيبقى سعره قريب من انك تشترى شنطه على بعضها وتستفيد بباقى الشنطه من زجاج مساحه كده
القصه كده فى 1200 هتقل او يزيد بسيط
بالنسبه للتصريح الى معاه ده سببه ايه ؟ يعنى نقل لمرور تانى فلسى الملف بتاع العربيه مرحش مروره الجديد
عمتا انتا ممكن تعمل توكيل وتمشى بالسنه الى بقيالك وبعد كده تبيع لنفسك وتسجل
بس انا بفضل التسجيل الفورى
ومتنساش شهاده المخالفات والبيانات يجبهالك
وحاول تخليه ينزلك شويه الف ولاحاجه
بس العربيه حسب الوصف كويسه
بالتوفيق أن شاء الله

[mo7a_mo7a]

حضرتك الاول لازم تعرف ايه سبب التصريح ب 3 شهور؟؟
المفروض ده بيطلع لما يكون في مشكلة في الترخيص

[ahmed.abdo]

أهلا احمد بيه
الباور ممكن تكون طرمبة الباور مودعه وديه هتتغير أستيراد وممكن جديد ومش غاليه وممكن تمشى بيها كده عادى لحد لما ربنا ييسر الأحوال
المرايا أمر ها سهل والعاكس بتاع الشنطه فيه مشكله بسيطه ان صعب يتباع لوحد ولو اتباع بيبقى سعره قريب من انك تشترى شنطه على بعضها وتستفيد بباقى الشنطه من زجاج مساحه كده
القصه كده فى 1200 هتقل او يزيد بسيط
بالنسبه للتصريح الى معاه ده سببه ايه ؟ يعنى نقل لمرور تانى فلسى الملف بتاع العربيه مرحش مروره الجديد
عمتا انتا ممكن تعمل توكيل وتمشى بالسنه الى بقيالك وبعد كده تبيع لنفسك وتسجل
بس انا بفضل التسجيل الفورى
ومتنساش شهاده المخالفات والبيانات يجبهالك
وحاول تخليه ينزلك شويه الف ولاحاجه
بس العربيه حسب الوصف كويسه
بالتوفيق أن شاء الله

تسلم علي الرد ياباشا هوه كان بينقل الرخصه فعلا لمرور تاني ده الي قالهولي وباذن الله بكره هيجبلي شهاده المخلفات المهم انه كان بيقولي انها هاف بور عايز اعرف ازاي اعرف انها فيها بور ولا لا وغير كده انا مش عارف انزل فيها ولا مليم حولت بكل الطرق مش راضي خالص :(

[eng.salama93]

تسلم علي الرد ياباشا هوه كان بينقل الرخصه فعلا لمرور تاني ده الي قالهولي وباذن الله بكره هيجبلي شهاده المخلفات المهم انه كان بيقولي انها هاف بور عايز اعرف ازاي اعرف انها فيها بور ولا لا وغير كده انا مش عارف انزل فيها ولا مليم حولت بكل الطرق مش راضي خالص :(

في حاجة اسمها هاف باور .. الإسكترا بتبقي ناعمه شويه عن الإسكترا العادية
و دي مفيهاش طرمبه باور ولا اي زيوت ولا حاجة

[hossamalsadik]

فيه حاجه اسمها اسكترا عاده واسكترا باور

عمتا هى كده مفيهاش باور وبالتالى لايوجد طرمبة باور

أحساسك بثقل الدركسيون ده اما ناتج عن انك نازل من عربيه دركسيونها خفيف او العفشه عوزه شوية ظبط

وزى تعرف ان عربيه فيها باور لا لا؟

فى الحوض هتلاقى خزنة زيت الباور بجوار بطاريه علبه طويله كده
وبعدين هوا اصلا اختصر وقلك ان مامعناه لايوجد باور

بالتوفيق

[saddam]

صديقي المواطن
هو شافك مدلوق عليها فساق العوج وهي لا تساوي هكذا سعر وإرجع بالبيعة وبعد يومين أبعت أي حد غيرك حيبعهاله ب 33 أقل واجب وبرضو حتبقه كتير على إبيزا وبالتوفيق ودمتم للنضال

[sala7]

صديقي المواطن
هو شافك مدلوق عليها فساق العوج وهي لا تساوي هكذا سعر وإرجع بالبيعة وبعد يومين أبعت أي حد غيرك حيبعهاله ب 33 أقل واجب وبرضو حتبقه كتير على إبيزا وبالتوفيق ودمتم للنضال

ههههههه ياخي انا مش عجبني في كلامك غير (صديقي المواطن) و (دمتم للنضال)
انا شكلك كدا كنت بتخدم في الجيش
سيبك انت من العربيات و الكلام ده ما بيأكلش عيش، انا نصيحيتي ليك اشترك في منتدى ثقافي اجتماعي .. ده انت شكلك خبرة يا صحبي

[ahmed.abdo]

اولا انا اخدت بنصيحه الناس وصليت استخاره ودعيت والحمد لله مجبتش العربيه قدر الله وما شاء فعل
لقيت شويه حاجات قفلتني من العربيه اولهم اني لقيت التكييف مش فبريكه وتركب وكمان التبلوه الفريم الي في النص متكسر وانا عارف انه غالي ولقيت الهويات بتاعه التكييف عايزه تتغير وهيه مفهاش بور خالص ولا نص باور حتي وغير كل ده كمان الكاوتش عايز يتغير ومفهاش جنوط والسمعات بتزن
حاولت انزل مع الراجل ل 33 رفض وزعل وحس اني بقوله ادهاني ببلاش حاولت معاه كذا مره وقالي لا صريحه قولتله خلاص شكرا مع اني والله كونت رايح ومعايا الفلوس وقايل هخلص والله
بس قدر الله وما شاء فعل
وما زال البحث جاري :)

[hossamalsadik]

ديه ارزاق يا أحمد بيه واكيد ربنا كتبلك الخير والعربيات كتير متقلقش
وأن شاء الله ربنا يوفقك فى عربيه تانيه استعين بالله متعرفش الخير فين