سيات 133

[يارا]

السلام عليكم ورحمة الله وبركاتة

لو سمحتم انا فى حيرة كبيرة ومحتاجه رائيكم واستشاراتكم
دلوقتى انا قولت عاوزه اشترى سيات 133 لاقيت ناس بتقول ان هصرف عليها كل يوم وسخونة ووو وهلعن اليوم الى اشتريتها فية والكلام دة وناس تقول دى معانا وزى الفل وجميلة وبنحبها ومش بتعطل طيب الواحد يصدق مين ؟

واية الحاجات المهمة جدا فى ال 133 الى لازم الواحد يخلى بالة منها قبل الشراء
شكرا ليكم

[aboomar22]

بلاش سيات شوفى 127 احسن

[dr_radioooooo]

منصحش بالسيات للسيدات

[start_wow]

بلااش السيات شوفي حاجة تانية..

[يارا]

بلاش سيات شوفى 127 احسن

منصحش بالسيات للسيدات

بلااش السيات شوفي حاجة تانية..

جزاكم ربى الجنه

انا كنت ناويه اصلا على دايهاتسو شاريد بس مش دلوقتى لسا بحوشلها

بس اللى خلانى افكر فى السيات انى محتاجه عربيه الايام دى جدا

فلاقتها ارخص عربيه تتجاب بسرعه

وشوفت سيدات كتير ركبينها

[Silent~Dream]

ممكن اعرف حضرتك محتاجه ايه من العربيه و فى حدودو كام ؟ ( واسعه ولا مش هتفرق - موتور قوى ولا مش مهم - هاتشباك ولا سيدان عاديه - موفره فى البنزين ولا مش فارقه - طريق سفر و لا جوا المدينه - اعاده البيع مهمه ولا لا و الخ .... )

[hugan]

27 اختيار معقول
السيات دي عايزه قنبله تفجرها وتشيلها من الشوارع المصريه

[يارا]

ممكن اعرف حضرتك محتاجه ايه من العربيه و فى حدودو كام ؟ ( واسعه ولا مش هتفرق - موتور قوى ولا مش مهم - هاتشباك ولا سيدان عاديه - موفره فى البنزين ولا مش فارقه - طريق سفر و لا جوا المدينه - اعاده البيع مهمه ولا لا و الخ .... )

دا بخصوص الديهاتسو ؟؟

27 اختيار معقول
السيات دي عايزه قنبله تفجرها وتشيلها من الشوارع المصريه

اكيد لو تسمح بال 127 كنت جبتها

كلام حضرتك عن السيات بناء على تجربه؟

[يارا]

منصحش بالسيات للسيدات

ممكن اعرف ليه؟

[saddam]

صديقتنا المواطنة
خديها مني نصيحة وبلاش.تدخلي نفسك في متاهات لا طائل منها بلاش سيات لو حماتك حبت تعذبك في يوم حتديكي سيات هدية وكمان السيات دي حتكرهك في نفسك ومفيش يوم مش حتتعرضي فيه لموقف محرج وشباب يزقوكي وميكانيكي يجاملك وتشوفي شخصيات مش لذيذة
نصيحة تتبهدلي في المواصلات كل يوم أحسنلك من سيات واللي حيبعهالك وحيديكي فوق منها فلوس برضو مش تاخديها والستات اللي إنت شايفاهم سايقينها دول مش ستات دول مجاهدات من الجيل القديم وربنا إبتلاهم ونسأل الله لهم الصبر والسلوان في مصيبتهم
بالمناسبة السيات في مصر كلها بأربعة آلاف جنيه النظيفة والتعبانة ﻷن اﻹثنين مش مهم حالتهم وحتصرفي عليها زيارة لميكانيكي كل مشوار
أختي المواطنة عشان تشتري سيات وحده من إتنين يا إما جوزك أو أخوكي يكون ميكانيكي أو سواق ونش ويكونوا بيعزوكي أوي كمان عشان كل شوية حتكلميهم
ثم أساسا دركسيونها حيعوزك إنتي وأختك ووالدتك عشان يلفوه معاكي وكمان صوتها حتعوزي تركبي هيدفون عشان لا يصيبك الطرش غير إن برستيجك حيضيع وسط صحابك وأهلك مدى الحياة ولما تجيبي عربية غالية حيقلك الناس منيييين بعد مكانت سيات
أرجوكي أنا معرفكيش بس صدقيني سيات = مكنسة وتلمي برستجيك اللي حيقع منك كل شوية في اﻷرض
ودمتي للنضال

[Silent~Dream]

بخصوص العربيه الى حضرتك محتاجاها حاليا