إعـــــــلان

Collapse

.

,
See more
See less

سيات و فولكس .. لقد هرمنا من أجل هذه اللحظة

Collapse
X
 
  • Filter
  • الوقت
  • Show
Clear All
new posts

  • سيات و فولكس .. لقد هرمنا من أجل هذه اللحظة

    السلام عليكم ورحمة الله وبركاته
    تقريبا الموضوع بقاله مدة لكن انا لسه عارف النهاردة.
    بصراحة فرحت جدا لأن حكاية التوكيل القديم مع بورش كانت سخيفة أوي وكمان المشوار كان بعيد جدا.
    انما دلوقتي توكيل فولكس في العبور يعني 5 دقائق بالعربية.
    انا دخلت لقيتهم عارضين عربيات سيات فعلا .. كان معروض ألتيا و حبيبتي إبيزا فقولت أما ادخل أديها نظرة عن قرب .. كنت عاوز أعيط بصراحة .. العربية تحفة من جوه وعلي عكس ما كنت متوقع انها هتبقي ضيقة لقيت نفسي قاعد و مرحرح كمان.
    سألت لو عاوز أعمل كشف كامل علي العربية قالي هنشيك علي كل حاجة ونعمل مقايسة وهتتكلف 500 جنيه .
    خلاصة الكلام ان دي فعلا خطوة مميزة جدا وهتطلع سيات للنور لانها كانت مظلومة جدا المده اللي فاتت.
    والسلام ختام

  • #2
    كويس ان التوكيل بقى قريب و لو قلت لحد هشترى سيات يقولك لالالا بلاش ليه يا عم يقولك هتخليك مسخره للشارع و قطع غيار غاليه و .......يستمر مسلسل الفتى رغم ان سيات ليها عربيات محترمه كثير

    Comment


    • #3
      عربيات سيات هي الجوهرة المخفية فالسوق المصري
      مجرد رأي ..

      Comment


      • #4
        المشاركة الأصلية كتبت بواسطة silent~dream مشاهدة المشاركة
        كويس ان التوكيل بقى قريب و لو قلت لحد هشترى سيات يقولك لالالا بلاش ليه يا عم يقولك هتخليك مسخره للشارع و قطع غيار غاليه و .......يستمر مسلسل الفتى رغم ان سيات ليها عربيات محترمه كثير
        فعلا اللي ميعرفش يقول عدس .. انا عدي عليا ناس كتير جدا بتستخف بسيات وممكن يفضل عربية هيونداي ولا حتي جولييت .. لكن معذورين أصلهم مجربوش .. السوق عندنا ليه معايير غريبة أوي

        المشاركة الأصلية كتبت بواسطة s o p h o s مشاهدة المشاركة
        عربيات سيات هي الجوهرة المخفية فالسوق المصري
        مجرد رأي ..
        يا سلاااام .. تعبير سهل ممتنع ... هي فعلا جواهر

        Comment


        • #5
          صديقي المواطن
          معيار المواطن.المصري هو السعر الرخيص وملوش في أي حوارات تانية من قبيل اﻹعتمادية والخزعبلات التانية وأنا شايف إن خريطة السوق المصىي إبتدت تتغير فعلا بسبب السعر الخزعبلي للعربية الجديدة كورولا والذي أي شخص يعرف قيمة القرش أو تعبان فيه جدا مش ورث يعني أو عنده محل أو عيادة أو أي مصلحة تجيبله 3 أو 5'آلاف يوميا فجت الكورولا بسعر من 185 إالى 225 ويمكن أكثر جاء صدمة للناس ففي عربيات إبتدت تتنفس زي فلوانس والبيجو 301 واﻹليزيه اللي كانت ستروين بتبيع سيارة وربع في السنة في مصر دلوأتي إبتدينا نسمع إسمها مع كام واحد وكمان ساهم في ده تخفيض الجمارك البسيط السنوي ولكن أصل اﻹتجاه اسبارات جديدة هو الﻹرتفاع الجنوني لثلاث سيارات التي يقيس علبها الشعب المصري وهي كوروللا وسيراتو وإلانترا
          أعتذر عن اﻹطالة وبالتوفيق
          ودمتم.للنضال

          Comment


          • #6
            المشاركة الأصلية كتبت بواسطة saddam مشاهدة المشاركة
            صديقي المواطن
            معيار المواطن.المصري هو السعر الرخيص وملوش في أي حوارات تانية من قبيل اﻹعتمادية والخزعبلات التانية وأنا شايف إن خريطة السوق المصىي إبتدت تتغير فعلا بسبب السعر الخزعبلي للعربية الجديدة كورولا والذي أي شخص يعرف قيمة القرش أو تعبان فيه جدا مش ورث يعني أو عنده محل أو عيادة أو أي مصلحة تجيبله 3 أو 5'آلاف يوميا فجت الكورولا بسعر من 185 إالى 225 ويمكن أكثر جاء صدمة للناس ففي عربيات إبتدت تتنفس زي فلوانس والبيجو 301 واﻹليزيه اللي كانت ستروين بتبيع سيارة وربع في السنة في مصر دلوأتي إبتدينا نسمع إسمها مع كام واحد وكمان ساهم في ده تخفيض الجمارك البسيط السنوي ولكن أصل اﻹتجاه اسبارات جديدة هو الﻹرتفاع الجنوني لثلاث سيارات التي يقيس علبها الشعب المصري وهي كوروللا وسيراتو وإلانترا
            أعتذر عن اﻹطالة وبالتوفيق
            ودمتم.للنضال

            كلامك صح جداااا وفى نقطه كمان ان الناس الاول كانت بتشترى اليابانى لمتانه الخامات وجوده التقفيل لو جيت تقارنها دلوقتى بالاوربى اعتقد الاوربى يكسب لانه ارخص وكماليات اعلى وانضف من الكورى وخلاص كله بقى ورق من بره
            2- ان السيراتو وإلانترا بقى جشع مبالغ فيه من التجار فى العربيتين دول بالذات انك تاخدها فاضيه ب 135 الف وكورى
            اعتقد ان توكيلات ومراكز خدمه الاوربى المفروض تطور نفسها عشان تطمن الناس

            Comment


            • #7
              احنا شعب بنحب نركب كلنا عربيات شبه بعضها للشعور بالامان
              الامان في قطع الغيار - الامان لما هاجي ابيع مش هخسر كتير - الامان ان الشارع كله راكب زيي اهو ...الخ
              شعب نمطي و افكار سلبية

              و على رأي العضو صدام دمتم للنضال هههههههههههههه
              [FONT=Book Antiqua][SIZE=5][COLOR=red][COLOR=red]S[/COLOR][COLOR=slategray]EAT [/COLOR][COLOR=red]S[/COLOR][COLOR=slategray]ERVICES[/COLOR][/COLOR][/SIZE]
              [/FONT][shfaf2]http://nileup.com/up/uploads/nilemotors_13794850301.jpg[/shfaf2]

              Comment


              • #8
                احب اضيف ان فى نسبه جهل شائعه عند البعض و بيجيبو عربيات مجرد تقليد بس و ميعرفش دا ايه و دة ايه مثلا ابن خالتى نزل من السعوديه و عاوز يجيب عربيه و بيخيرنى الباسات و لا السيراتو .... هو مش بيتكلم فى فلوس هو اهم حاجه عندو الشكل قلتلو طيب هاتلك بى ام قالى شكلها عواجيز طيب فانتازيا او باسات طبعا حسيت انو قلقان من الكلام لقيتو بعدها بكام يوم جايب سيراتو كوبيه

                Comment

                Working...
                X