اسئله غريبة شويه معلش :(

[i1egypt]

زيت فتيس ابيزا 2000 ايه هوا ويتغير كل قد ايه
عايز اغير الجنوط من 14 ل 15 ممكن اعرف رقم ET بتاع الابيزا كام علشان اجيب الجنوط عليه وعايز اعرف افضل مقاس للجنط ال 15 كام
وايه رئيكم ف زيت شيل الترا مع الموتور ال 1000 cc
واحلى شكر يا رجاله

[saddam]

صديقي المواطن
زيت شيل مش حيقلك ﻷ حيشتغل لكنه من وجهة نظري زيت فاشل ولكنه.أقل فشلا من موبيل أما زيت الفتيس فلو مانوال تحط درجة 90 ولو أوتوماتيك تحط زيت جنك اﻷمريكي العظيم زيت جبار وعندهم نوع.فيه مواد ترميمية وزيت الفتيس الأوتوماتيك بيتغير على 50 ألف بالفلتر ولكن.غالبيتنا بيغير على 40 ألف وإعمل أي حاجة بس إياك تسترخص في زيت الفتيس واللتر المظبوط.أقل واجب يعمل 50 جنيه وبالتوفيق
ودمتم للنضال

[hossamalsadik]

زيت فتيس ابيزا 2000 ايه هوا ويتغير كل قد ايه
عايز اغير الجنوط من 14 ل 15 ممكن اعرف رقم ET بتاع الابيزا كام علشان اجيب الجنوط عليه وعايز اعرف افضل مقاس للجنط ال 15 كام
وايه رئيكم ف زيت شيل الترا مع الموتور ال 1000 cc
واحلى شكر يا رجاله

بالنسبه لزيت الفتيس بتاعنا هوا gl-4 75w-90
الكتالوج لم يذكر التغيير ، قال يتزود ولو انتا حابب تغيره يبقى كل 50الف كم
السعر ب 75ج للتر هتجيب 3لتر وكيل زيوت فلفولين عنده الزيت
ماتستخسر تحط الزيت عشان السعر لأنه الأفضل وخاصة لو فتيسك سليم ومافيش اى تسريب



بالنسبه لمقاس الجنط والكوتش
4X100 ET38
انا مركب جنط 195/50/15 زي الفل

بالنسبه لزيت شيل الترا مش وحش بس وممكن تقرا تجارب الأعضاء مع الزيوت
أتفضل

http://www.nilemotors.net/Nile/381327-a-2.html

http://www.nilemotors.net/Nile/341680-a.html

دمت بخير

[Karim Ibiza]

صديقي المواطن
زيت شيل مش حيقلك ﻷ حيشتغل لكنه من وجهة نظري زيت فاشل ولكنه.أقل فشلا من موبيل أما زيت الفتيس فلو مانوال تحط درجة 90 ولو أوتوماتيك تحط زيت جنك اﻷمريكي العظيم زيت جبار وعندهم نوع.فيه مواد ترميمية وزيت الفتيس الأوتوماتيك بيتغير على 50 ألف بالفلتر ولكن.غالبيتنا بيغير على 40 ألف وإعمل أي حاجة بس إياك تسترخص في زيت الفتيس واللتر المظبوط.أقل واجب يعمل 50 جنيه وبالتوفيق
ودمتم للنضال

صديقي المواطن

حضرتك بتقول للراجل صاحب الموضوع معلومات غلط

فتيس الفولكس مش بياخد زيت 90 لان ده يكسره

لو حضرتك عامل كده في عربيتك يبقي إلحق غيره بالزيت اللي أستاذ حسام قال عليه
إلا لو حضرتك أصلا معندكش عربية فولكس او سيات او سكودا او أودي

وشكرا

[i1egypt]

يا جماعه معلش الزيت اغيره فين واجيب ايه بالزبط انا تعبت بجد من حوار زيت الفتيس دا ومعلش اخليني في الشل ولا اغير فلفولين للموتور وياريت اقرب حد للمعادي في موضوع زيت الفتيس دا اجيبه بكام ومنين ونوعه ايه بالزبط علشان انا مش عارف حاجة يا رجاله واسف جدا علي الاسئله الكتير دي

[i1egypt]

وبالنسبة للجنوط انا بجد محتار جدا ومش عارف اعمل ايه عايز مقاس ميتعبش العفشة خالص ياريت تقولولى خلينى ف 14 زي ما انا ولا اغير لل15

[hossamalsadik]

بالنسبه لزيت الفتيس زى ماقلتلك سلفاً ووكيل زيت فلفولين رقمه 0121 000 0120
وصفحته على الفيس باسم Valvoline Egypt
وديه مواضيع عنه

http://www.nilemotors.net/Nile/287378-a.html

http://www.nilemotors.net/Nile/264732-a.html

بالنسبه لمقدار لزوجت الزيت الى يتماشى معاك تقولى عداد الكيلو متر كام عندك وحالة الماتور ايه متوسط ، جيد ، جيد جداً ، كبس الماتور ممتاز عشان اقدر افيدك اكتر
بالنسبه للجنوط
لو نفسك تغير لجنط 15 مافيش مشكله وقلتلك الكلام ده سلفاً ونا مركب عندى الجنط 15 وكوتش مركب 195/50/15 وزي الفل
لاكن اكبر من المقاس ده يفضل العفشه الكبيره بتاعت أبيزا كوبرا

وياريت حضرتك تقرا اللنكات الثقافه حلوه عشان تفيد نفسك وغيرك كمان
وبردو عشان لما تسمع جواب من حد يكون عندك مقاييس تعرض عليها الجواب لسؤالك أذا توافقت يبقى الجواب صحيح أن شاء الله وذا لم توافق تنتظر أجابات أخرى لنفس مشكلتك وهاكذا
واى استفسار رجالة قسم سيات نيل موتورز مش هيتأخرو عنك

دمت بخير وكل عام وجميع أعضاء قسم سيات نيل موتورز والأقسام الأخرى بخير بمناسبة قرب قدوم عيد الأضحى المبارك

[hossamalsadik]

ملحوظه مهمة
عند عرض مشكلة فى العربيه لاى حد يجب ان يكون اسم الموضوع ينم ويشير عن جوهر المشكلة عشان تاخد أكبر عدد من المشاركات من الأعضاء على مستوى المنتدى وده هيدى مساحة اكبر لحلها أن شاء الله
ومثلا موضوع حضرتك
اسئله غريبة شويه معلش
ممكن يكون باسم / اسئله غريبة شويه معلش فى ابيزا 2000
او ماهو زيت الماتور و الفتيس المناسب ومقاس الجنوط والكوتش لابيزا 2000
وكتابة موصفات العربيه زى مانبه مساعد منسق القسم أ / كريم ممكن زى منا عامل فى التوقيع كده

http://www.nilemotors.net/Nile/345200-a.html