Tweet
السلام عليكم احبابي اعضاء نايل موتورز و قسم سيات خاصة
بقالي فترة كبيرة بسمع صوت تصفير خفيف مع الفصل و التوصيل لطقم الدبرياج و كنت متأكد انه بلية دبرياج و لكن مكبر مخي و ده مع صوت خشونه موجود و ازداد اخيرا بخوشنة عالية و اكبر مع الضغط علي الدواسة
اشتريت بلية دبرياج بس و قلت اروح اركبها بما اني مش بشتكي من تفويت لبقية الطقم (الديسك و الاسطوانه )
رحلة الاصلاح مع ورشة الاسطي هلال :-
ذهبت للميكانيكي المفضل بالنسبة لي و هتعرفوا ليه لما اكمل بعد تحديد ميعاد معاه اني اجيلة بدري و هو في المنصورة بلدي الاصلي
فك الفتيس و هنا لقيت المفاجئة ان بلية الدبرياج نصفين و لم يتبقي ثابت منها سوي الهيكل الرئيسي بدون بلي و بقيتها واقع في ارضية الغرفة اللي فيها الطقم و كمان البلية بتتثبت علي فرش كده بيحركه الدراع اللي بيحركه سلك الدبرياج من بره و ليها زور كده (زي اكس مجوف ) بتتحرك عليها و بيحكم حركتها في اتجاه الطقم عشان تفصل و توصل و هنا لقيت الزور ده مقدمته مكسور منها اجزاء و هو اساسا متكسر من تثبيتته في جسم الفتيس !!!!!!!!!!!!!!!!!!!!!!!!!! قلبي وقع في رجليا و قلت كده الفتيس باظ لو ملقيتش الزور ده !!!
امال العربية دي كانت ماشية ازاي ؟؟؟ و رايحله بيها سفر ازاي ؟؟؟؟؟ للأمانه حتي الأن مش عارف ... لكن الحمد لله
قلي هنغير طقم كامل و نشتري الزور و قلي متقلقش موجود و بيتباع و قد كان رحنا لمكاوي في المنصورة و اشتريت طقم ساكس بيقال انه الماني و لكن اشك ب 700 جنيه و هلال الميكانيكي قعد يفعص فيه و قلي امتا الطقم يكون نضيف او تعبان و قلي علي بعض التفاصيل حول هذا الموضوع و اخيرا قلي الطقم ده نضيف فعلا
رجعنا ركب الطقم و كان حساس السرعه اتكسر منهم و هما بيفكو لما الفتيس وقع منهم و هما بيخرجوه و بيحطوه علي الارض فميل علي جنبه اتكسر الحساس بعت اشترالي حساس اخر و ركبناه و منفعش لأن كان فيه قطمه لجزء بداخل بقيته اللي جوه الفتيس
المهم اشتريت بقيته اللي جوه الفتيس كمان اللي هو اكس فبر طويل و مسنن من نهايته عشان يلف مع ترس تحت يديك السرعه علي الحساس
قلي عربيتك محتاجه قاعده موتور اماميه اشترالي قاعده جانبيه استيراد زي الزيرو و اخد منها اللي يركب للأمامية و ركبها لأنه ملقاش امامية نضيفه و هنا اكتضفت ان القاعدتين زي بعض بالضبط و لكن تزيد الجانية عن الامامية بجزء حديد اضافي
و كمان قلي جلب مقصاتك عايزه تتغير و ركبلي جوز من عنده و فعلا لما فك المقص لقيتها متشرخه و علي وشك القطع و هنا فيه جديد و هو ان جلب مقصات عربياتنا اساسا جلب مهواه يعني طوق حديد خارجي و قلب حديد داخلي و بينهم كاوتش او ربر علي شكل ثلاث قطع .... قلي النوع ده من الجلب عمره قصير و انا عامل جلب مصمته لأن التصميم ده اتغير في الجديد كله و بقت مصمته عشان عمرها و قلي هتعجبك جدا جدا و هتحس براحتها و اتحداك لو باظت ولو بعد 5 سنوات !!!!!!!!!!!!!!! قلت ماشي غير و ركبهالي
فكلي الفرامل الخلفية كمان اللي مفكيتهاش من يوم ما اشتريت العربية لقيناها التيل زي الفل و كل تماما نظف الدنيا و شيك علي بلي العجل كله تمام ... الحمد لله
قلي محتاج طنابير امامية و تيل قلتله كفايه كده دلوقتي هبقي اجيبهم و اركبهم بعدين استيراد ان شاء الله
تفاصيل الاسعار و دي المفاجاة :-
1- طقم ديسك و اسطوانه و بلية ساكس .. 700 جنيها
2- زور للفتيس بيتثبت داخلة .... 75 جنيها
3- قاعده موتور جانبية + حساس السرعه استيراد .... 150 جنيها و دي هو اللي اشترهالي من حبابيبه اللي شغالين استيراد في المنصورة هناك
4- جوز جلب مقصات المدورين .... 100 جنيها
5- صباع فبر مسنن لتحريك حساس السرعه .... كان محل قطع الغيار بيقلي 70 جنيها اديت هلال 20 جنيها و هو قلي مخلص انا معاه الموضوع
6- مصنعية و هنا المفاجاة .... 100 جنيها مصنعية و 5 جنيه للفني اللي كان شغال في العربية
اجمالي مصنعية تغيير طقم دبرياج و فك مقصات و تغغير الجلب و فك الفرامل الخلفية و التأكيد علي بلي العجل الخلفي و الامامي و تركيب قاعدة موتور امامية كل ده ب 100 جنيها و للامانه هو الراجل اساسا حبيبنا و كلنا بنعمل انا و اخواتي شغلنا عنده و لكن هو فعلا امين جدا و حنين قوي في المصنعية
اجمالي المصاريف 1150 جنيها بفضل الله
العربية ما شاء الله بعد تغغير الطقم و الجلب و قاعدة الموتور و التأكيد مرتين علي تربيط العفشة السحب افضل و اهتزاز المحرك و عصاية الفتيس انتهت و هزة السحب انتهت و العربية اكثر تماسكا و نعومه بكثير و الحمد لله
ملحوظة : دي اول تغيير لطقم الدبرياج و الجلب و القاعده منذ تصنيع السيارة في 2002 حتي الان و بعد 160 الف كيلومتر منهم 60 الف معايا وحدي و الحمد لله علي نعمته و فضله علينا
الطقم القديم خارج مختوم عليه فاليو و البلية skf فرنساوي و دول الاصليين
كل مسامير الفتيس و القاعده مفكوكه لاول مرة و عليها دهانها لسه و الجلب عليها علامات فولكس و سيات و اول مرة تتغير
للأمانه كان فيه فرص اصور و افعلكم كل حاجه لكن نسيت و كان يوم مرهق جدا من خروجي من اكتوبر بعد الفجر لوصولي المنصورة قبل وصوله بساعتين لتحركي بعد انتهاء كل شيء قبل العشاء بقليل و كنت صايم و ...... الله المستعان ... الحمد لله بس معلش تتعوض ان شاء الله و اللي عايز يشوف صور او عايز تفاصيل عن اي شيء فيما قلت يقلي و انا هصورله اللي عندي
و بالتوفيق للجميع و كل عام انتم بخير
بقالي فترة كبيرة بسمع صوت تصفير خفيف مع الفصل و التوصيل لطقم الدبرياج و كنت متأكد انه بلية دبرياج و لكن مكبر مخي و ده مع صوت خشونه موجود و ازداد اخيرا بخوشنة عالية و اكبر مع الضغط علي الدواسة
اشتريت بلية دبرياج بس و قلت اروح اركبها بما اني مش بشتكي من تفويت لبقية الطقم (الديسك و الاسطوانه )
رحلة الاصلاح مع ورشة الاسطي هلال :-
ذهبت للميكانيكي المفضل بالنسبة لي و هتعرفوا ليه لما اكمل بعد تحديد ميعاد معاه اني اجيلة بدري و هو في المنصورة بلدي الاصلي
فك الفتيس و هنا لقيت المفاجئة ان بلية الدبرياج نصفين و لم يتبقي ثابت منها سوي الهيكل الرئيسي بدون بلي و بقيتها واقع في ارضية الغرفة اللي فيها الطقم و كمان البلية بتتثبت علي فرش كده بيحركه الدراع اللي بيحركه سلك الدبرياج من بره و ليها زور كده (زي اكس مجوف ) بتتحرك عليها و بيحكم حركتها في اتجاه الطقم عشان تفصل و توصل و هنا لقيت الزور ده مقدمته مكسور منها اجزاء و هو اساسا متكسر من تثبيتته في جسم الفتيس !!!!!!!!!!!!!!!!!!!!!!!!!! قلبي وقع في رجليا و قلت كده الفتيس باظ لو ملقيتش الزور ده !!!
امال العربية دي كانت ماشية ازاي ؟؟؟ و رايحله بيها سفر ازاي ؟؟؟؟؟ للأمانه حتي الأن مش عارف ... لكن الحمد لله
قلي هنغير طقم كامل و نشتري الزور و قلي متقلقش موجود و بيتباع و قد كان رحنا لمكاوي في المنصورة و اشتريت طقم ساكس بيقال انه الماني و لكن اشك ب 700 جنيه و هلال الميكانيكي قعد يفعص فيه و قلي امتا الطقم يكون نضيف او تعبان و قلي علي بعض التفاصيل حول هذا الموضوع و اخيرا قلي الطقم ده نضيف فعلا
رجعنا ركب الطقم و كان حساس السرعه اتكسر منهم و هما بيفكو لما الفتيس وقع منهم و هما بيخرجوه و بيحطوه علي الارض فميل علي جنبه اتكسر الحساس بعت اشترالي حساس اخر و ركبناه و منفعش لأن كان فيه قطمه لجزء بداخل بقيته اللي جوه الفتيس
المهم اشتريت بقيته اللي جوه الفتيس كمان اللي هو اكس فبر طويل و مسنن من نهايته عشان يلف مع ترس تحت يديك السرعه علي الحساس
قلي عربيتك محتاجه قاعده موتور اماميه اشترالي قاعده جانبيه استيراد زي الزيرو و اخد منها اللي يركب للأمامية و ركبها لأنه ملقاش امامية نضيفه و هنا اكتضفت ان القاعدتين زي بعض بالضبط و لكن تزيد الجانية عن الامامية بجزء حديد اضافي
و كمان قلي جلب مقصاتك عايزه تتغير و ركبلي جوز من عنده و فعلا لما فك المقص لقيتها متشرخه و علي وشك القطع و هنا فيه جديد و هو ان جلب مقصات عربياتنا اساسا جلب مهواه يعني طوق حديد خارجي و قلب حديد داخلي و بينهم كاوتش او ربر علي شكل ثلاث قطع .... قلي النوع ده من الجلب عمره قصير و انا عامل جلب مصمته لأن التصميم ده اتغير في الجديد كله و بقت مصمته عشان عمرها و قلي هتعجبك جدا جدا و هتحس براحتها و اتحداك لو باظت ولو بعد 5 سنوات !!!!!!!!!!!!!!! قلت ماشي غير و ركبهالي
فكلي الفرامل الخلفية كمان اللي مفكيتهاش من يوم ما اشتريت العربية لقيناها التيل زي الفل و كل تماما نظف الدنيا و شيك علي بلي العجل كله تمام ... الحمد لله
قلي محتاج طنابير امامية و تيل قلتله كفايه كده دلوقتي هبقي اجيبهم و اركبهم بعدين استيراد ان شاء الله
تفاصيل الاسعار و دي المفاجاة :-
1- طقم ديسك و اسطوانه و بلية ساكس .. 700 جنيها
2- زور للفتيس بيتثبت داخلة .... 75 جنيها
3- قاعده موتور جانبية + حساس السرعه استيراد .... 150 جنيها و دي هو اللي اشترهالي من حبابيبه اللي شغالين استيراد في المنصورة هناك
4- جوز جلب مقصات المدورين .... 100 جنيها
5- صباع فبر مسنن لتحريك حساس السرعه .... كان محل قطع الغيار بيقلي 70 جنيها اديت هلال 20 جنيها و هو قلي مخلص انا معاه الموضوع
6- مصنعية و هنا المفاجاة .... 100 جنيها مصنعية و 5 جنيه للفني اللي كان شغال في العربية
اجمالي مصنعية تغيير طقم دبرياج و فك مقصات و تغغير الجلب و فك الفرامل الخلفية و التأكيد علي بلي العجل الخلفي و الامامي و تركيب قاعدة موتور امامية كل ده ب 100 جنيها و للامانه هو الراجل اساسا حبيبنا و كلنا بنعمل انا و اخواتي شغلنا عنده و لكن هو فعلا امين جدا و حنين قوي في المصنعية
اجمالي المصاريف 1150 جنيها بفضل الله
العربية ما شاء الله بعد تغغير الطقم و الجلب و قاعدة الموتور و التأكيد مرتين علي تربيط العفشة السحب افضل و اهتزاز المحرك و عصاية الفتيس انتهت و هزة السحب انتهت و العربية اكثر تماسكا و نعومه بكثير و الحمد لله
ملحوظة : دي اول تغيير لطقم الدبرياج و الجلب و القاعده منذ تصنيع السيارة في 2002 حتي الان و بعد 160 الف كيلومتر منهم 60 الف معايا وحدي و الحمد لله علي نعمته و فضله علينا
الطقم القديم خارج مختوم عليه فاليو و البلية skf فرنساوي و دول الاصليين
كل مسامير الفتيس و القاعده مفكوكه لاول مرة و عليها دهانها لسه و الجلب عليها علامات فولكس و سيات و اول مرة تتغير
للأمانه كان فيه فرص اصور و افعلكم كل حاجه لكن نسيت و كان يوم مرهق جدا من خروجي من اكتوبر بعد الفجر لوصولي المنصورة قبل وصوله بساعتين لتحركي بعد انتهاء كل شيء قبل العشاء بقليل و كنت صايم و ...... الله المستعان ... الحمد لله بس معلش تتعوض ان شاء الله و اللي عايز يشوف صور او عايز تفاصيل عن اي شيء فيما قلت يقلي و انا هصورله اللي عندي
و بالتوفيق للجميع و كل عام انتم بخير
Comment