صوت طقة كوردوبا 2006

[abkarabkar78]

انا معايا كوردوبا 2006 وبسمع صوت طقة جامدة والعربية ماشية سواء يمين او شمال وهي واقفة مفيش صوت خالص والطقة دي مش تكتكة ورا بعض صوت طقتين ورا بعض مع اني غيرت طقم الكبالن يمين وشمال وداخلي وخارجي وغيرت بيضتين الطرف روحت لبتاع عفشة قالي ان جلب المقص الشمال بتتحرك من مكانها وبيض المقص تعبان برضو وقالي هات مقصات جديدة اريح،،انا والله تعبت ومش عارف السبب وموضوع الطقة ده تعبني نفسيا هل ممكن يكون فعلا صوت الطقة ده من المقصات برجاء الافادة

[hossamalsadik]

الموضوع ده اما الكبالن او الصليبه الداخلية للكبلن الداخلى
وممكن السبب من الجلب
طيب ما تجيب مقص إستيراد
اما عن الجلب فلازم تكون من افضل الأنواع

[abkarabkar78]

اولا بشكرك حضرتك علي الاهتمام والرد
ثانيا انا مغير الكبالن بالكامل ولا الصليبة الداخلية دي بتتباع لوحدها وهحاول اشتري المقصات استيراد من حسن النوبي

[hossamalsadik]

ده المكان المقصود يتشيك عليه


ديه الجلبة


لو تعرف تجيب محمله بدون فراغات زى ديه يكون افضل بتعيش

[Ahmed Mubarak]

ممكن توضح اكتر وهل الصوت بيظهر لما تلف الدركسيون يمين أو شمال
شوف مسمار القنطرة اللي تحت الدواسه الشمال أمام كرسي السائق الصاموله بتفك من جسم العربية أثناء تربيط العفشه وكل ما تلف يمين اوشمال يظهر صوت تزيق وأحيانا طقطقه
ربنا يوفقك

[abkarabkar78]

انا بشكركم علي اهتمامكم ...الطقة بتظهر وانا ماشي بالعربية اثناء الدورانات يمين وشمال ومش تزييق دي طقة واضحة انما وانا واقف بالعربية وبلف الدركسيون مش بتظهر حاجة خالص الطبيعي يعني....علي فكرة صوت الطقة من خارج العربية وبيظهر تحت الكاوتش كانك دوست علي ظلطة انما مفيش صوت من جوة

[Karim Ibiza]

على وصفك كده يبقى هتلاقى مسمار كوبلن مش راكب صح

[abkarabkar78]

كل مسامير الكوبلن تمام والمشكلة مش ف الكوبلن

[Karim Ibiza]

مشكلة العفشة انك لازم تخلى اللى هيشخصلك هو اللى يسمع الصوت بنفسه لأن عمرك ما هتقدر توصف الصوت

لازم تروح لبتاع عفشة او بتاع زوايا فاهم

[ehab_mansour]

جلب مقصات + تربيط عفشة

انا عندي صوت زي ده كان بيحصل و لكن طقة واحده فقط مع دوران العجل للأخر و الحركة اثناء الركن و كنت مكبر دماغي منها من يوم ما اشتريت العربية و اخيرا اتحلت مع تغيير جوز جلب المقصات و فك العفشة و تربيطها كما في هذا الموضوع

http://www.nilemotors.net/Nile/384066-2002.html

و بالتوفيق لك و للجميع

[ehab_mansour]

لو تعرف تجيب محمله بدون فراغات زى ديه يكون افضل بتعيش

هي دي جلب المقصات اللي انا ركبتها عندي بدلا من الجلب المهواه الثلاثية الاوريجينال و حاسس بتماسك العربية و اتزانها اكثر من قبل التركيب و طبعا بالتأكيد مع تغيير قاعدة الموتور و تربيط العفشة و التأكيد عليها

[abkarabkar78]

الف شكر يا بشمهندس ايهاب انا ان شاء الله هغير المقصات بالجلب وبيض المقصات وربنا ييسر الأمور وتروح الطقة

[ehab_mansour]

الف شكر يا بشمهندس ايهاب انا ان شاء الله هغير المقصات بالجلب وبيض المقصات وربنا ييسر الأمور وتروح الطقة

هتغير المقص ليه إلا لو كان فيه عيب يخليه مينفعش ؟؟؟؟؟

الطبيعي ان المقصات ماهي إلا هيكل من طبقتين صاج قوي جدا كبنيان وراكب فيه مجموعة جلب باشكال مختلفة للتبيث ولا يعيبه هو كمقص شيء غير انه يكون اتعوج او اخد خبطه بوظت تشكيله

اللي بيبوظ في القصة دي هي الجلب فقط سواء احدها او كلها و هي ثلاثة جلب في كل جنب

يبقي اخرك تفك و تشوف المقصات لو سليمة و تمام يبقي طقم جلب و مراجعة لأماكن التثبيت اللي بيتربط فيها المقص تكون سليمة و مافيهاش كسور او تفويت او اي شيء و هنا بعد تغير و كبس الجلب الجديدة هتقفل و تربط عفشة كاملة و توجيه و شكرا علي كده العربية هتبقي زي الفل ان شاء الله

اهم حاجه و انت بتفك تكتشف المشكلة فين يعني جلب ولا مكان تثبيت في جسم العربية ولا ولا .... المهم معرفة السبب و بالتالي حلة عشان متغيرش حاجه سليمة

و ابقي وافينا بالأخبار و لو لك استفسار قبل ما تعمل حاجه احنا في الخدمه و ربنا يوفقك

[abkarabkar78]

شكرا يا ايهاب بيه علي مساعدة حضرتك بس انا لما رحت لبتاع العفشة قالي ان الجلب تعبانة وبيض المقص تعبان وقالي بدل ما نغير بيض وجلب هات مقص كامل احسن ،،،،،،ايه راي حضرتك

[hossamalsadik]

معنى كده ان المقص سليم ولاكن الجلب بس هى الى بيظه
فمفيش داعى من تغيير المقص وهات الجلب الى قلتلك عليها فى الصورة

بالتوفيق ان شاء الله