العربية بتنتش مني وبهدلتني

[singary]

عندي مشكلة بدأت من يوم الوقفة المشكلة عبارة عن أن العربية بتنتش مني وانا ماشي بمعنى أن "مرة واحدة بحس كأني شيلت رجلي من على دواسة البنزين ودوست تاني جامد" فالعربية بتنط كدة، أمبارح العربية كانت بتبطل مني على السلانسية كل 3 ثواني مثلاً مش عارف ليه فتحت الكبوت وبصيت على الدنيا، طبا مش فاهم حاجه بس لقيت الاسبراتير في حاجه مش مظبوطة في سلكة خارجه منه كدة، ومن خلال قرأتي في المنتدى عرفت ان سبب المشكلة ممكن يكون حاجه من تلاتة:
1- فلتر بنزين أو طرمبة بنزين حسب ما أ-سيد قالي، وغيرت الفلتر والأداء تحسن شوية وبعدين حصل اللي حصل
2- بوجيهات ودي لسه مغيرها من 6 شهور
3- أبلاتين وكوندنسير وده مش عارف هواللي موجود في الاسبراتير ولا ايه

[ra3d]

دي كدة طرمبة بنزين 100%

[ehab_mansour]

عندي مشكلة بدأت من يوم الوقفة المشكلة عبارة عن أن العربية بتنتش مني وانا ماشي بمعنى أن "مرة واحدة بحس كأني شيلت رجلي من على دواسة البنزين ودوست تاني جامد" فالعربية بتنط كدة، أمبارح العربية كانت بتبطل مني على السلانسية كل 3 ثواني مثلاً مش عارف ليه فتحت الكبوت وبصيت على الدنيا، طبا مش فاهم حاجه بس لقيت الاسبراتير في حاجه مش مظبوطة في سلكة خارجه منه كدة، ومن خلال قرأتي في المنتدى عرفت ان سبب المشكلة ممكن يكون حاجه من تلاتة:
1- فلتر بنزين أو طرمبة بنزين حسب ما أ-سيد قالي، وغيرت الفلتر والأداء تحسن شوية وبعدين حصل اللي حصل
2- بوجيهات ودي لسه مغيرها من 6 شهور
3- أبلاتين وكوندنسير وده مش عارف هواللي موجود في الاسبراتير ولا ايه

السؤال اللي بيطرح نفسه ... هو عربية حضرتك نوعها ايه و موديل كام و المحرك اللي فيه مواصفاته ايه و انجيكشن ولا كاربيراتير ؟؟؟؟ رجاء موافاتنا بالتفاصيل لأني انا من فترة كان عندي حاجات شبه كده و حليتها و الحمد لله

[singary]

السؤال اللي بيطرح نفسه ... هو عربية حضرتك نوعها ايه و موديل كام و المحرك اللي فيه مواصفاته ايه و انجيكشن ولا كاربيراتير ؟؟؟؟ رجاء موافاتنا بالتفاصيل لأني انا من فترة كان عندي حاجات شبه كده و حليتها و الحمد لله

هي العربية ابيزا 94 موتورها 1300 الفابريكة بتاعها اعتقد كاربرتير

[ehab_mansour]

هي العربية ابيزا 94 موتورها 1300 الفابريكة بتاعها اعتقد كاربرتير

لو عندك طرمبة بنزبن في التانك يبقي عربيتك نصف انجيكشن و مش كاربيراتير يعني برشاش واحد

عموما انا شايف ان حلك في مراجعة كل خراطيم الفاكيوم اللي خارجه من تحت البوابة و التأكد انها سليمة و مافيهاش قطع و انك تفك الاسبراتير تشوف مدي تاكل الوش و الشاكوش و ياريت لو تغير الاتنين و ان شاء الله مشكلتك هتتحل

[أحمد جودة]

أكتر من سبب وهسهلها عليك لو العرية بتنتش وتفقد السحب بتاعها لو ركنت وهيا سخنة وجيت تدورها مش عاوزة تدور غير لما تبرد كدة يبقي مبينه ........ لو التنتيش منتظم والعربية مش بتبطل يبقي طلمبة البنزين او فلتر البنزين ........ وعموما راجع على منظومة الاشعال بالكامل ((( موبينة ... مشط الكتروني .... اسبراتير ...... بوجيهات ....سلك بوجيهات )) تحياتي

[hossamalsadik]

أكتر من سبب وهسهلها عليك لو العرية بتنتش وتفقد السحب بتاعها لو ركنت وهيا سخنة وجيت تدورها مش عاوزة تدور غير لما تبرد كدة يبقي مبينه ........ لو التنتيش منتظم والعربية مش بتبطل يبقي طلمبة البنزين او فلتر البنزين ........ وعموما راجع على منظومة الاشعال بالكامل ((( موبينة ... مشط الكتروني .... اسبراتير ...... بوجيهات ....سلك بوجيهات )) تحياتي

[singary]

لو عندك طرمبة بنزبن في التانك يبقي عربيتك نصف انجيكشن و مش كاربيراتير يعني برشاش واحد

عموما انا شايف ان حلك في مراجعة كل خراطيم الفاكيوم اللي خارجه من تحت البوابة و التأكد انها سليمة و مافيهاش قطع و انك تفك الاسبراتير تشوف مدي تاكل الوش و الشاكوش و ياريت لو تغير الاتنين و ان شاء الله مشكلتك هتتحل

لا انا طرمبة البنزين متهيقالي مش جنب التانك، يا مسهل انا بس كنت عايز اتأكد هي مشكلة ميكانيكا ولا كهربا؟، لان العربية بتبطل مني وبعد كدة ادورها تدور اوقات بتزويد بنزين "بدوس جامد جدا بنزبن وارفع رجلي شوية من على الدبرياج" واوقات عادي من غير ما ادوس بنزين

[singary]

أكتر من سبب وهسهلها عليك لو العرية بتنتش وتفقد السحب بتاعها لو ركنت وهيا سخنة وجيت تدورها مش عاوزة تدور غير لما تبرد كدة يبقي مبينه ........ لو التنتيش منتظم والعربية مش بتبطل يبقي طلمبة البنزين او فلتر البنزين ........ وعموما راجع على منظومة الاشعال بالكامل ((( موبينة ... مشط الكتروني .... اسبراتير ...... بوجيهات ....سلك بوجيهات )) تحياتي

هو التنتيش مش منتظم بس بيزيد بعد مطبات الهوا وفي الملفات، وده اللي محيرني والعربية مبتغبش في الدوارة

[أبو_يوسف]

ممكن تتأكد ان مفيش تسريب في مياه التبريد وتشوف مستواها..

[grumby78]

العربيه دي فيها طلمبه في التانك فعلا وهيا مش كهرباء . وغالبا مش بتبوظ وعمرها طويل جدا . المشكله دي بوجيهات في تقديري عاوزه تتغير او اسبراتير عاوز يتظبط .

[singary]

يا جماعة النهاردة أول لما روحت من الشغل دروت العربية دارت ولاحظت الأتي

1- دارت بعد مكاركة بنزين على الرغم ان كنت لسه سايبه امبارح الساعى 12 بليل
2- دواسة البنزين حسيت ان فيها هوا في الاول وبعد كده تيجي مقاومة بسيطة جداً
3 كل ما اشيل رجلي من على دواسة البنزين العربية تتترعش اوي وتبطل

المشكلة ان الميكانيكي بتاعي في المعادي وانا في حلوان ومش عارف هقدر اروحله كدة ولا إية؟

لو في حد يقدر يفدني في الموضوع ده ياريت يقولي على حاجه اقدر أحل بيها المشكلة دي.

[hossamalsadik]

انا كده شيفه طرمبه
ممكن تسعف نفسك بطرمبة خارجية كهرباء وتركبها

[singary]

طيب هي طرمبة البنزين دي في منها جديد ولا بتتباع استيراد بس ؟

[singary]

يا مسهل

يا مسهل انا كلمت الزعيم واتفقت يجي يشوفها ويعملها ادعو لي يا شباب