شباب عاوز رايكم فى تغيير الكاوتش

[egman]

السلام عليكم ورحمة الله وبركاته

انا مركب عندى كاوتش جي تى اندونسي كنت جايبة تقريبا 4/2011 المهم اول ما اشتريته ومشيت بيه على الارض بعدها بكام يوم دوست على زجاجة قطعت فردة منهم والراجل صلحلها بتركيب عدد اتنين بادج عليها من الداخل والحال كان تمام الحمد لله لحد اول امبارح الفرده وقعت خالص على الارض فكتها وبرفعها بالمنفاخ ولا الهوا الهوا كله خارج من مكان القطع القديم .

قلت اتوكل على الله واغير اية رايكم اغير الى 4 فرد ولا اجيب 2 بس هو كده قعدت حوالى سنتين ونص عملت ممكن نقول كيلو متر 50 الف اية رايكم اجيب الــ 4 فرد ولا اجيب اتنين اركبهم قدام وارجع الى قدام دول ورا وخلاص واوفر ؟

هو الكاوتش المفروض يقعد قد ايه سنين او كيلوا مترات ؟


تحياتي للجميع ،،

[ehab_mansour]

ازيك يا حسين بيه
كل عام انت بخير و الاسره
اعتقد انه المفروض علي 50 الي 60 الف و تغيره او عمر 5 سنوات او يزيد برده تغيره لكن طبعا احنا عندنا بنغير لما يقع و ده افضل
انا اشتريت عربيتي اللي معاي بكاوتش فيها معرفش مستعمل قد ايه و مشيت بيها سنتين و نصف و 50 الف كيلومتر و بعدين غيرته و تخيل اني منزلتش استبن ابدا طول الفترة دي و غيرته متهالك تماما

المهم انصحك تغير الطقم كله عشان كل فترة مثلا تعمله روتيشن و عشان تستمتع بيه و براحته و تظبيطه فتغيره مره واحده احسن و ربنا يعينك عشان انا شاري كاوتش قريبا 4 فرد الماني ب 1700 جنيها و هتلاقي التفاصيل في موضوعاتي
و ربنا يوفقك و يعينك

[egman]

وحضرتك طيب يا صديقي ، ربنا يسهل ان شاء الله رايك مقنع بس المفاجاءة بتاع الكاوتش مش لطيفة والواحد ما كنش محضر نفسه ليها وده الى ممكن يطرنى اجيب اتنين مش عارف والله هفكر برده .

[mohamedbook]

غير الاربع فرد احسن بما انك مشيت بيه 50 الف كيلوا كفاية علية كده في شوارع مصر الجميلة

[Karim Ibiza]

بتختفى انت وبتظهر فجأة
كل سنة وانت طيب يا حسين وطمنا عليك ومتقطعش كتير كده

زى ما قال ايهاب هات 4 فرد طالما الفردتين التانين ماشيين فوق الـ 50 ألف واستمتع بالفلوس اللى هتدفعها
معلش هى تعويرة بس تستاهل

[eraser]

كل سنة وانت طيب يا حسين باشا وحشنا
انا مع الرأى انك تجيب اربع فرد معلش وتبقا ريحت دماغك وتجيب كاوتش اوربى او يابانى هتحس بفرق جامد
انا عن نفسي مجرب pirelli cinturato P1 ومبسوط منه ودا مكانش غالى

[saddam]

صديقي المواطن
ال جي تي معروف من أسوأ إطارات العالم وأنا لو كنت تاجر أستحرم أشتغل بيه عن تجارب
الصحيح
تركب يوكوهاما الياباني
ثم أي كاوتش صناعة ماليزية
ثم لاسسا التركي طري وحمال أسية
إياك تركب كوري نهائيا ولا أندونيسي ولا فيتنامي وبلاش دنلوب وبلاش تويو

وبالتوفيق وإلى اﻷمام ومن نصر إلى نصر
ودمتم للنضال

[hossamalsadik]

ازيك ياصديقى العزيز
كل عام وأنت واسرتك بخير
انا بردو من رأى انك تغير الاربع فرد لان 50الف تمام أوى كده عليهم

yokohama يابانى أو الميشلان او كونتننتل conti sport 2 ( aa ) Continental أو ACHILLES platinum أندونيسى
اليابانيين شطار فى صناعة الكوتش لأى حاجه

بالتوفيق أن شاء الله

[egman]

غير الاربع فرد احسن بما انك مشيت بيه 50 الف كيلوا كفاية علية كده في شوارع مصر الجميلة

فعلا يا باشا والله عندك حق انا برده كنت بقول كده بس كنت بتلكك عايز اى حد يقولى غير اتنين بس دلوقتى ههههههههه تعويرة لا على البال ولا الخاطر لكن الحمد لله على كل شيء .

[egman]

بتختفى انت وبتظهر فجأة
كل سنة وانت طيب يا حسين وطمنا عليك ومتقطعش كتير كده

زى ما قال ايهاب هات 4 فرد طالما الفردتين التانين ماشيين فوق الـ 50 ألف واستمتع بالفلوس اللى هتدفعها
معلش هى تعويرة بس تستاهل

كيمو حبيبي كل سنة وانت طيب والاسرة كلها بخير يا باشا ، والله يا باشا بيبقى غصب عنى الانقطاع ده .

وفعلا هى تعويرة وخاصا مفجاءة بس الحمد لله على كل شيء .

[egman]

كل سنة وانت طيب يا حسين باشا وحشنا
انا مع الرأى انك تجيب اربع فرد معلش وتبقا ريحت دماغك وتجيب كاوتش اوربى او يابانى هتحس بفرق جامد
انا عن نفسي مجرب pirelli cinturato p1 ومبسوط منه ودا مكانش غالى

شريف باشا ازى حضرتك وكل سنة وانت طيب وبخير يا باشا .

انا فعلا كنت مركب بيريلى فى الاول خالص كانت العربية جاية بيه وانا جربت الجي تى اهوه حوالى سنتين ونص اكتر من 50 الف كيلو الحمد لله ما نزلتش الاستبن من العربية هو بس حته الزجاج الى دوست عليها وانا ماشي اول ما اشتريته وصلحتها وقعدت اهى زيها زي باقى فردات الكاوتش وعدت الـ 50 الف فانا قلت اجيب الى مجربة بنفسي .

[egman]

صديقي المواطن
ال جي تي معروف من أسوأ إطارات العالم وأنا لو كنت تاجر أستحرم أشتغل بيه عن تجارب
الصحيح
تركب يوكوهاما الياباني
ثم أي كاوتش صناعة ماليزية
ثم لاسسا التركي طري وحمال أسية
إياك تركب كوري نهائيا ولا أندونيسي ولا فيتنامي وبلاش دنلوب وبلاش تويو

وبالتوفيق وإلى اﻷمام ومن نصر إلى نصر
ودمتم للنضال

الف شكر على النصحية يا باشا بس الفلوس هى الى بتحكم انا من الفئة ده من المجتمع

[egman]

ازيك ياصديقى العزيز
كل عام وأنت واسرتك بخير
انا بردو من رأى انك تغير الاربع فرد لان 50الف تمام أوى كده عليهم

yokohama يابانى أو الميشلان او كونتننتل conti sport 2 ( aa ) continental أو achilles platinum أندونيسى
اليابانيين شطار فى صناعة الكوتش لأى حاجه

بالتوفيق أن شاء الله

حسام باشا صديقي وحضرتك طيب يا باشا ربنا يطمنا على حضرتك ، انا مقتنع جدا بكلامك يا باشا بس الموضوع فى المفجاءة وما كنتش عامل حسابي عليها وانا عارف ان الماركات ده هتبقى غالية .

ربنا يخليك يا باشا ويكرمك على اهتمامك .

[egman]

شباب انا هقولكم على التفاصيل :

انا نزلت امبارح بعد الشغل وطلعت على الحي السادس فى مدينة نصر قدام المدينة الجامعيه ، وسالت على الجي تي زي الى كان راكب لقيته انتاج اول سنة 2013 واشتريت الــ 4 فرد كاوتش زي ما حضراتكم كلكم قولتولى على 1650 بعد الفصال طبعا بالترصيص والنيتروجين ، والحمد لله على كل شيء والف شكر ليكم يا شباب على الاهتمام البالغ .

[eraser]

الف مبروك