تعارف

[amr zaid]

السلام عليكم
انا لسه مشترك فى المنتدى جديد بس كنت متابعه من فترة
وقلت لازم اعرفكم بنفسى
انا عمرو زايد لسه جايب سيات ابيزا 2001 من حوالى شهرين
خبرتى فى العربيات مش قد كده بس بحاول اتعلم
وارجوا انكم تفيدونى لو حصلت مشكلة معاى
معلش بقى طولت عليكم

[hossamalsadik]

اهل وسهلا بيك بين اعضاء قسم سيات نيل موتورز
مبروك عليك العربيه ربنا يبركلك فيها
بالتاكيد اى حد هنا هيسعدك ماتقلقش وهتكون بعد كده مع مرور الوقت خبره
واى حاجه ان شاء الله موجود انا معيا نفس موديلك

[SYD]

اهلا بيك في قسم سيات نايل موتورز
مبروك العربية
لو محتاج اي حاجة أتفضل اسأل وان شاء الله نقدر نساعدك
تحياتي

[saddam]

صديقي المواطن
حللت أهلا ونزلت سهلا وشرفت منتدانا وأنت مننا وعلينا من النهارده وأحب أقلك كل شعب جمهورية نايل موتورز العربية المتحدة حيوقف جنبك من أول الغفير على البوابة ولغاية رئيس جمهورية المنتدى مش بس أعضاء وقيادات قسم سيات إخواتك إحنه كلنا إخواتك وفي ظهرك
وبالتوفيق وإلى اﻷمام
ومن نصر إلى نصر
ودمتم للنضال

[ehab_mansour]

اهلا بيك و طبعا الاخوة فوق قالولك كل حاجه
مبروك عليك العربية و لو لك اي استفسار اتفضل اي وقت و ربنا يوفق الجميع

[Ahmed pico]

منور يا باشا والناس 100% وهتفيدك ان شاء الله

[warfighter2114]

منور منتدانا وقسم سيات

[amr zaid]

الله يبارك فيكم ياجماعة
وانا بجد متشكر جدا للتفاعل الجميل ده :)

[wolverine_egy]

اهلا و سهﻻ بيك يا باشا و ياريت تقولنا ايه اخبار العربيه معاك لحد دلوقتي و انطباعك عنها ايه

[amr zaid]

والله انا شايفها عربية ممتازة ..... بس هى مشكلتها الوحيدة ان قطع غيارها غاليه شوية ومش اى حد بيفهم فيها
الحمد لله العربية اللى معايا تعتبر جديدة ماشية حوالى 120 الف كيلو بس وحالتها ممتازة

[sala7]

اهلا بك في عالم سيات الاكثر من مشوق
و نتمنى لك الاستمتاع معنا في القسم
اذا شعرت باي خلل في السياره الخاصة بك اضغت على مفتاح التشغيل في جهاز الكمبيوتر الخاص بك ثم توجه مباشرة عبر متصفح الانترنت و من ثم اضغط على هذا الرابط www.nilemotors.com
و قم بالتوجه مباشرة الى قسم السيات .. ستجد فريق متخصص يساعدك على حل المشاكل باذن الله
لا تتردد في اي استفسار
شكرا لاشتراكك في
SEAT SERVICES