يارجاله المكنه ال 1600 ال 101 حصان اسمها ايه ؟؟؟

[nesr6060]

يا رجاله انا لسه جاى من الحرفين حالا كنت بسال عن المكنه ال 1600 ال 101 حصان وكودها apf

المهم انا روحت اسال عليها ولاقيت اللى هناك بيقولولى اسمها ايه اقولهم الكود يقولو لا الاسم وفى اللى قالى ان اسمها المكنه البيضه وفى اللى قالى دى المكنه السوده وفى اللى قالها دى مكنه الفهد البيضه

ياترى اسم المكنه ايه علشان اسال على تمنها بالظبط هى المفروض انها مكنه ال جولف 3 ال 1600 و مكنه البولو كلاسك 99-01

[nesr6060]

معلشى يا رجاله هى ايه المكنه اللى كودها aft ياريت لو حد يبعتلى اى معلومات عنها زى الباور هورس و العزم والمكنه دى كانت فى عربيه نوعها ايه وموديل ايه اللى عنده معلومات ياريت يفيدى وياترى هى المكنه دى اسمها الفهد الابيض صح ولا غلط؟؟؟

[hossamalsadik]

[hossamalsadik]

[مهند-النجار]

معلش مش هقدر افيدك بس انت الصراحة افدتني
عجايب مكنة الفهد البيضا ههههههه حد يقولنا الكلام دة بجد ولا الراجل بتاع المواتير دة بيهزر

[nesr6060]

الف شكر يا باشا انا عارف اكواد المواتير دى بس المشكله ان الراجل صاحب المحل مش عارف الاكواد وبيسالنى عن اسم المكنه يعنى اللى فهمته ان ال AFT اسمها الفهد الابيض و ال Bp اسمها المكنه السوده
المشكله دلوقتى بقى المكنه ال ِAPF دى اسمها ايه فى السوق و ال ِAEH و AKL علشان انا دوخت ومعرفتش اساميهم

[sala7]

يا عم الحج فهد ابيض ايه و الحمامة الطائرة ايه بس ... المكن ده على ما اظن تلاقيه في حديقة الحيوانات
كلام عجيب غريب والله .. احلى كلام

كل ماكينة ليها كود و كل جيربوكس له كود و بتلاقي الاكواد دي مطبوعة على جسم الماكينه او الجير و بالظبط مقابل مروحة الراديتر او الى اسفل قليلا من الداخل

[hossamalsadik]

بالظبط كده زى مقلك أ/ صلاح انتا تروح تسأل محلات إستيراد مواتير الفولكس تقله عندك مواتير كود كذا لو قلك اسمه ايه قله المواتير 1600cc الى عندك فين ونا هشوف وبص على الكود هوا الى انتا بدور عليه ولا لا
وكان أ/ كريم قال ان الماتور الى كوده AFT اسمه المنافولد المقلوب

http://www.nilemotors.net/Nile/3874799766-post1.html

ا

الموتور: 1600 سى سى 8 صباب 101 حصان عند 5800 RPM وعزم 140 نيوتن عند 3500 RPM 74 كيلو وات
ملحوظة: الموتور ده الكود بتاعه AFT وده بينزل فى الابيزا والكوردوبا والتوليدو والبولو الكلاسيك (مش بينزل فى البولو العادية) والجولف 3 والفينتو والباسات وبس
وبتوع قطع الاستيراد معروف عندهم بأسم المنافولد المقلوب
الموتور ده هو النسخة اللى قبل ال SR اللى بينزل فى الجولف 4 والاسكودا A4 طبعا مع اختلاف وش الموتور وأن البوابة فتحتها من الشمال بعكس ال SR فتحته من اليمين

ملحوظة: يوجد اربع انواع من الموتور ال 1600 بيركبو فى الابيزا من موديل 94 الى 99





[url=http://nileup.com/up/][/ur

وطبعا صورته عندك فوق وده هيسهل المهمه عليك لو كنت ناوى تجيب زيه

[nesr6060]

يا عم الحج فهد ابيض ايه و الحمامة الطائرة ايه بس ... المكن ده على ما اظن تلاقيه في حديقة الحيوانات
كلام عجيب غريب والله .. احلى كلام

كل ماكينة ليها كود و كل جيربوكس له كود و بتلاقي الاكواد دي مطبوعة على جسم الماكينه او الجير و بالظبط مقابل مروحة الراديتر او الى اسفل قليلا من الداخل

,والله مش زنبى يا باشا انا روحت للحرفين االهم عن الاكواد لاقيتهم مش عرفنها ولاقيته بيقولى انا عندى مكنه امها المكنه الوده ودى 1800 ىى هاف انجيكشن ولما شوفت الكود بتاعها لاقيته Bp
وعنده مكنه امها المكنه البيضه ودى هى ال 2e
ومكنه امها الفهد الابيض ودى معرفتش كودها الصراحه ودى كانت 1600

ب كوي ان عرفت ام المكنه ال AFT ان امها المنافولد المقلوب

ممكن بقى حد يقولى يعنى ايه انجيكشن بوابه ويعنى ايه انجيكشن مسطره لان بقوله انجيكشن قالى انا عندى انجيكشن بوابه بقوله يعنى اربع رشاشات قالى انت تقسط مسطره مفهمتش يعنى ايه

[hossamalsadik]

انجيكشن بوابه = المحركات ذات نقطة الحقن الواحده = الهاف إنجكشن Single Port Fuel Injection = رشاش واحد فقط فى مدخل الكربراتير

انجيكشن مسطره = الحقن ذو النقاط المتعدده Multi Port Fuel Injection الذى يعمل برشاش لكل بستن ( اسطوانة محرك ) اى رشاش لكل غرفه من غرف المحرك أ ى اربع رشاشات على مسطره واحده

[nesr6060]

شكراا ليكم كلكم يا رجاله انشاء الله الاسبوع اللى جاى فى اجازتى هنزل تانى الحرفين والمرادى هبقى اعرف ارد على البياعين الحمد الله لان اول امبارح كنت عامل هندى قدام كلامه

[beshox]

مساء الفل عليك انا كمان ناوي اسقط مكنه فى الابيزا بتاعتي لو ممكن تديني رقمك وننزل سوا ندور على المواتير

انا شغلي فى التجمع قريب من الحرفين

ظبت كده وانا معاك

:b4_564:

[nesr6060]

انا رقمى 01144645241
وانشاء الله ناوى اسقط المكنه اخر الشهر ده يامنا الشهر اللى جاى لان مكنتى بدات تدخن دخان ابيض بيجى ويروح

[twamer]

ana lesa msa2at makna 1600 CC AEA, besra7a gamela gedan . w kanet 3amla 3200 kamla

[twamer]

ah da rakmy law 7ad 7abeb ys2al 3ala 7aga 01220017082