كوبلن كوردوبا 94

[the magice]

السلام عليكم جميعا و رحمه الله و بركاته.
انا لسه جديد في العربيات عموما و في السيات بالذات. عندي مشكلة في كوبلن العربية اليمين
باسمع طقطقه في الدوارانات ولما سالت عليه قالولي عاوزه برا ولا جوا وانا بصراحة مش فاهم يعني ايه
بعد اذنكم حد يقولي يعني ايه واجيبهم منين وبكام والافضل جديد ولا استيراد.

[the magice]

ايه الصحرا دي

[sala7]

شوف يا حبيب قلبي
انت كدا محتاج بره بس طلاما الصوت طقطقه
ما تجبش غير استيراد

[the magice]

الف شكر يا باشا يا ريت حد يقولي في حدود كام واجيبه منين

[ehab_mansour]

الطقم كامل يمين و شمال ... رأس داخلية و خارجية للجنبين لا تتعدي ال 400 الي 500 جنيه تقريبا
انا ركبت قبل كده لعربيتي القديمة الابيزا كوبلن خارجي استيراد ب 70 جنيها

عموما محتاج تاخد لفة في الحرفيين و تشتري من هناك و هتلاقي كل حاجه بس المهم يكون كويس و استعماله نضيف

[the magice]

شكرا ع المرور. رايكم اشترى على كده ولا اروح للميكانيكي الاول. انا عارف اني بتقل عليكم بس ده من عشمي
عاوز ميكانيكي يكون كويس في [overline][/overline]الحرفيين مع العلم انا من السويس

[the magice]

انا سالت ع الكوبلن لقيته جديد ب 200 جنيه و استيراد ب 150. ولما رحت للميكانيكي بعتني لواحد بتاع كبالن قالي حل القديم وهاته اجيبلك زيه ولو مكانش موجود نوفق لها واحد وانا بصراحة قلقت جدا من الكلام ده وفي نفس الوقت مستغلي سعر الكوبلن و طالب نصيحة اعضاء المنتدى الكرام

[the magice]

متابع وارجو التفاعل للاهميه

[ehab_mansour]

انا سالت ع الكوبلن لقيته جديد ب 200 جنيه و استيراد ب 150. ولما رحت للميكانيكي بعتني لواحد بتاع كبالن قالي حل القديم وهاته اجيبلك زيه ولو مكانش موجود نوفق لها واحد وانا بصراحة قلقت جدا من الكلام ده وفي نفس الوقت مستغلي سعر الكوبلن و طالب نصيحة اعضاء المنتدى الكرام

الجديد = كله صيني و سيبك منه
الاستيراد سعره غالي جدا و انا مش عارف ان سألت فين و مين ... المفروض سعر الجوز 150 لكن الواحد ب 150 يبقي كتير قوي ... طقم المساعدين الجوز داخلي و خارجي ب 300
انصحك تنزل الحرفيين تاخدلك لفة كبيرة و تشتري جوز نضاف بسعر كويس
سيبك من بتاع الكبالن و القصص دي و التوفيق و التباديل .. ده عك و ممكن يسببلك مصيبة انصحك تشتري حاجتها الاصلية و تظبطها

[the magice]

سالت عندنا في السويس والاسعار خياليه كلها زي كده وبصراحة الحرفيين انا معرفش اروحها ازاي

[hossamalsadik]

ماحاجة من اتنين لاما تجبها من عندك غاليه شويه مش مشكله بس اهم حاجة يركبها ويشفها ميكانيكى بيفهم وعند مخ
او تنزل الحرافيين تشتريهم وتركبهم والموضوع هيكون فيه توفير 75 جنيه بس والحرافيين ملاينه صنيعيه روح هناك شارع المرسيدس واسأل عن ميكانيكى فولكس بالنسبه لمحلات قطع الغيار فيه موضوع مثبت بالقسم أقراه هتلاقى فيه محلات لقطع الغيار هناك
بالتوفيق

[the magice]

اولا شكرا ع المتابعة يا حسام بيه
ثانيا الصورة بتاعتك دي توهتني زيادة اكتر ما انا تايه دلوقتي انا طلعت الداءري (معلش اصله من الموبايل وفي حروف ناقصه ) ووصلت نفق السلام بعده همشي قد ايه وهنزل نزله اسمها ايه

[ehab_mansour]

اولا شكرا ع المتابعة يا حسام بيه
ثانيا الصورة بتاعتك دي توهتني زيادة اكتر ما انا تايه دلوقتي انا طلعت الداءري (معلش اصله من الموبايل وفي حروف ناقصه ) ووصلت نفق السلام بعده همشي قد ايه وهنزل نزله اسمها ايه

طالما الصورة توهتك يبقي نكتبلك وصف احسن
طريق السويس القاهرة حتي تصل للدائري ثم تطلع الدائري اتجاه نفق السلام و موقف العاشر .... هتمشي لحد ما تعدي من النفق بعدها ب 100 الي 200 متر هتلاقي نزلة السلام يمينك هتنزل يمين الدائري هتمشي 200 الي 300 متر هتلاقي تقاطع و قدامك يمين و شمال من تحت الدائري ... هتخش شمال من تحت الدائري و تمشي علطول هتلاقيك بعد حوالي 400 متر حواليك يمين و شمال محلات قطع الغيار و انت كده في الحرفيين هتسأل علي شارع المرسيدس و نزلة الريحاني هما فيهم اكتر ناس بيبيعوا قطع غيار فولكس و عندك محلات في كل مكان في الحرفيين بتبيع قطع غيار فولكس جديد و استيراد

نزلة الريحاني فيها واحد اسمه ابو شهد راجل محترم جدا و اسعاره كويسه و عنده قطع غيار سيات كتير و في شارع المرسيدي عندك كتييييييييير منهم صديقي الشيخ علي في محل اسمه البورسعيدية
و بالتوفيق يا باشا

[hossamalsadik]

بالظبط زى ماقلك إيهاب بيه
بالتوفيق ان شاء الله

[the magice]

الحمدلله تم شراء الكبالن طبعا بالسعر الغالي لاني سالت بالتليفون على الاسعار في الحرفيين و ده من خلال الموضوع بتاع اسعار قطع الغيار. وبالمناسبه ابوشهد ما رضيش يقول على الاسعار في التليفون ما علينا المهم لقيت فرق السعر بسيط يعني ما بين 50 و75 جنيه ولسه هخصم منها 50 بنزين العربية عشان المشوار بصراحة لقيتها مش فارقه كتير اشتريت منعندي في السويس . وتم التركيب والحمد لله