تركيب شبكة مكان الهوايات الأمامية بين الفانوسين .. ابيزا94

[mohammad isdf]

السلام عليكم ورحمة الله وبركاته

ازيكم يا سيتاوية يا حلويين يا رب دايما تكونوا وعربياتكم وأهلكم بكل خير ..

كنت عملت موضوع قبل كده ان كان فى واحد ابن حلال كسرلى الهواية الأمامية واخدها

فكل ما ادور عليها مش لاقيها وفى ناس قالولى بالاكصدام وكلام عجيب كده، وانا كمان مدورتش عدل

وفى يوم من الأيام وانا كنت عند عمنا عصام الميكانيكى فى آخر الهرم، لاقيت جنبه واحد بتاع فايبر اسمه محمد وعنده عربيات موديلات يعنى، المهم سألته تعملى واحد بدل اللى اتكسرت فقالى مش هتبقى بنفس الأصلية ولكن أشار عليا انه يركبلى شبكه عباره عن سلك المونيا، قالى اسمه لكن للأسف نسيته .. , والتكلفة 40 جنيه، وطبعا السلك ملحوم من جوة يعنى مش متعلق كده ..

والسلك ده - حسب كلامه - مش بيصدى .. انا جربته وحتى الآن تمام ولكن ربما تكون الهواية الأصليه افضل بكتير فى موضوع التبريد يا جماعه، خصوصا مع التكييف لأنى لما اخدت بقى الجزء الباقى منها لاقيتها مسحوبة بطريقة زى ريش المروحه بحيث لما الهوا يخبط فيها يدخل على السربنتينه ..

هل ده اثر معايا فى الحرارة .. لاء ابسلوتلى محصلش اى حاجه خالص الااااااا مع التكييف لما سافرت وجريت جامد، كان فى العادى الحرارة تنزل جامد جدا لكن للأسف المرة دى عليت شوية عن المعدل الطبيعى ، ومش عارف هل ده السبب ام لا

طولت عليكم انا عارف بس وحشتونى واليكم الصور ..

[Karim Ibiza]

مبروك الشبكة

كده شكلها مميز اكتر

[hossamalsadik]

مبروك عليك الشبكه
وشكلها لايق تمام وممكن تحطلها علامة زىGTI او FR

[SYD]

الف مبروك يا باشا

متهيألي والله اعلم ان مش هتفرق كتير الشبكة الأصلية عن الشبكة المعدلة
عايز اقولك ان معظم العربيات الرياضية بيعدلوا الشبكة بتاعتها بالشكل دة
وكل عربيات سيات الجديدة معدلة فتحات التهوية بتاعتها بالشكل دة

تحياتي

[mohammad isdf]

متشكر جدا يا جماعه على مروركم الجميل ده، ورفع المعنويااات

[S O P H O S]

مبروك
شكلها جميل ما شاء الله