عداد rpm واطي

[ehab_mansour]

بالنسبة لوضع الشاكوش اللي اتغير من عمودي لافقي عادي ولا ايه. والسعر كويس ولا اتضحك عليا

وضع الشاكوش ليس لك علاقه به لأنه بيتغير و بيلف باستمرار مع دوران المحرك و ياريت تتأكد انه ثابت و مش بيلف علي الاكس اللي راكب عليه لأنه فيه نوتش (جزء محفور ) في الاكس و يقابله جزء بارز في داخل اكس الشاكوش عشان يثبته كويس و ميهتزش و يضمن انه بينقل شرارته صح مع كل لفة مع اكس عمود الكامات

بالنسبة للسعر فهو اللي ب cover اسود غالي شوية عن اللي من غير (برتقالي فقط ) لأن الكوفر ده بيحافظ عليه و بيقلل تأثير اي كهرباء او حرارة خارجيه علي الوش نفسه .... لذلك فهو سعره كويس و مش غالي قوي و مينفعش تشتريه مستعمل لأنه بيتأكل زيه زي البوجيهات و بيحتاج تغيره كل فترة كصيانة دورية و لكن اطول شويتين من العادية

عايزك كمان تتشك ان الجزء النحاس اللي في طرف الشاكوش نضيفه و جامده و مش سايبه او مفكوكه من علي جسمه الفبر عشان متعملش خلل مع الحركة و الاشعال

و بالتوفيق لك و للجميع

[the magice]

الحمد لله انك وصلت لكده و يتبقي الاتي و احنا مع بعض واحدة واحده
1- ياريت تصور الار بي ام علي السلانسيه بيكون كام بالضبط و ثابت ولا بيلعب
2- صورلنا ايه الكسر اللي في الشاكوش و هل انت شايف انه في جسم الشاكوش الفبر ولا في النحاس اللي بينقل شرارة الاشعال
3- الرجة الخفيفة مع التهدئة دي بتيجي مع دوس الفرامل ولا موجوده سواء دوست فرامل او سبت العربية تهدي بنفسها حره بدون فرامل ؟؟؟؟
لو مع الفرامل يبقي حاجتين احتمال التيل خلصان + الطنابير مخططة او فيها تعريج و ريجه و سطحها غير مستوي و محتاجه خرط او تغيير
لو من غير فرامل احتمال ترصيص
قواعد الموتور بيبان رجتها و مشاكلها مع السحب و مع زيادة السرعه و مع الطلعه

هل لاحظت الفرق بين الوش القديم و الجديد ؟؟؟

ده ال rpm

وهو بيكون 7 او 8 و ثابت مش بيلعب
وده الشاكوش المكسور و زي ما واضح في الصورة ان الكسر في الفبر والنحاسه ثابتة كويس ومافيهاش حاجة

بالنسبة للرجه طلعت عيب في الارض واختفت الحمدلله بعد تغيير الوش بس موجودة ع السلانسيه ودوس البنزين البسيط في اول الطلوع و طبعا معاها الصفاره. اما الوش القديم فكان مضروب بالنار والعربية الحمدلله فاقت في السحب

[hossamalsadik]

أنا متابع الموضوع
عاوز اعرف الصفاره ديه منين بالظبط
والرجه اختفت اثناء المشى والتهديه وموجوده اثناء السلانسيه
الأسباب
ممكن تعملها قواعد الماتور والفتيس
وممكن يعملها الكبالن الداخلية
وعدم جودة نوعية البوجيهات وسلوك البوجيهات
وأخيرا دورة البنزين لازم يكون فيها انسيابيه ومظبوطه من طرمبه و فلتر والرشاش الوحيد الى عندك نظيف وكمان نظافة الكربراتير وضبطه

بالنسبه rpm انا شيفه واطى شويه بس مش ده سبب الرجه على السلنسيه

فى الحلات الى زى حالاتك لازم يتبص على العربيه عملى فلو تروح لكهربائى بيفهم هيحددلك المشكله فى ايه من اول بصه

بالتوفيق ان شاء الله

[the magice]

الصفاره متقطعه وبتزيد سرعتها مع دوس البنزين ممكن تكون سيور لاني لاحظت ان سير الكباس مشدود اكتر من سير الدينامو اما بالنسبة للرجه ف البوجيهات وسلوكها سليمة ودوره البنزين انا جبت اسبراي لتنظيف الكربراتير بس مش عارف استخدامه ازاي خصوصا انا عندي رشاش وبكات وعاوز اعرف مكان فلتر البنزين عشان ابص عليه برضه

[ehab_mansour]

الصفاره متقطعه وبتزيد سرعتها مع دوس البنزين ممكن تكون سيور لاني لاحظت ان سير الكباس مشدود اكتر من سير الدينامو اما بالنسبة للرجه ف البوجيهات وسلوكها سليمة ودوره البنزين انا جبت اسبراي لتنظيف الكربراتير بس مش عارف استخدامه ازاي خصوصا انا عندي رشاش وبكات وعاوز اعرف مكان فلتر البنزين عشان ابص عليه برضه

طالما بتزيد مع زيادة البنزين فهي اما سير كما قلت او بلية شداد لأحد السيور (دينامو او كاتينة ) او طلمبة مياة ... محتاج انك تحدد المصدر جيدا عشان عواقبه ممكن تكون مش بسيطة

منظف الكاربيراتير المفروض تفك الكاربيراتير بالبوابة و تغسلهم بيه كويس من المداخل و المخرج

فلتر البنزين مكانه تحت التانك في الخلف من العربية بتنام تحت العربية من الخلف هتلاقيه في جزء كده داخل لجوه شوية بين التانك و الشنطة

[hossamalsadik]

مكان فلتر البنزين وشكله

[the magice]

تم حل مشكلة الرجه اللي في العربية والميكانيكي قام بتعليه ال rpm عن طريق مسمار البنزين بس مش عارف اللي اتعمل ده صح ولا غلط اما بالنسبة للصفاره ف اكتشفت حاجة انها بتختفي لما بدوس دبرياج ف الميكانيكي قاللي ان ده عيب فتيس اكشف ع الزيت بتاعه و لو سليم يبقى في بليه مش عارف بتاعه ايه هنحتاج نحل الفتيس ف انا طالب نصيحة الاعضاء

[hossamalsadik]

اناشايف الميكانيكى ماشى صح أكشف على زيت الفتيس ولو مانفعش والصوت مختفاش يبقى اكيد البليه
بس أنتا طبعا عارف نوعية الزيت لفتيسك أيه .

[the magice]

اناشايف الميكانيكى ماشى صح أكشف على زيت الفتيس ولو مانفعش والصوت مختفاش يبقى اكيد البليه
بس أنتا طبعا عارف نوعية الزيت لفتيسك أيه .

في هنا سوال زيت الفتيس بتاع الزيت بيكشف عليه ازاي عشان محدش يشتغلني وانا بصراحة مش عارف نوع زيت الفتيس. لاني العربية معايا بقالها شهر بس ومسالتش صاحبها كان حاطط زيت ايه

[the magice]

بعد الكشف على زيت الفتيس وجد انه ناقص ويحتاج للتغيير وانا عملتله موضوع لوحده لانه محتاج اعرف عنه تفاصيل كتير اما بالنسبه للرجه ف في رجه الصبح والعربيه بارده او في اول التسخين عموما والار بي ام بيكون واطي لدرجه مخيفه يعنى 2 او 3 ورجه شدة جدا بتبطل العربيه لو شلت رجلى من على دواسه البنزين فهل في شفاط او حساس شبيه بكده ولا ايه اشغله ولا في مشكله تانيه

[hossamalsadik]

نوع زيت الفتيس 75w-90 gl4
تجيبه منين ؟والفتيس بياخد كام لتر ؟ اقرأ اللنك

http://www.nilemotors.net/Nile/382036-94.html

http://www.nilemotors.net/Nile/388133-vw-2.html

اعرف ازاى ان الفتيس فيه زيت وزاى بيتملى : فيه طبه فى الفتيس ببتفك وبيعرف مستوى الزيت منها
How to change your gearbox oil - Nulon - YouTube

[the magice]

نوع زيت الفتيس 75w-90 gl4
تجيبه منين ؟والفتيس بياخد كام لتر ؟ اقرأ اللنك

http://www.nilemotors.net/nile/382036-94.html

http://www.nilemotors.net/nile/388133-vw-2.html

اعرف ازاى ان الفتيس فيه زيت وزاى بيتملى : فيه طبه فى الفتيس ببتفك وبيعرف مستوى الزيت منها
how to change your gearbox oil - nulon - youtube

الكلام كويس جدا بس انا عاوز بعد اذنك طبعا رد للاستفسار بتاع رجه التدوير الصبح انا بس عاوز اعرف ده طبيعي ولا لا

[ehab_mansour]

بعد الكشف على زيت الفتيس وجد انه ناقص ويحتاج للتغيير وانا عملتله موضوع لوحده لانه محتاج اعرف عنه تفاصيل كتير اما بالنسبه للرجه ف في رجه الصبح والعربيه بارده او في اول التسخين عموما والار بي ام بيكون واطي لدرجه مخيفه يعنى 2 او 3 ورجه شدة جدا بتبطل العربيه لو شلت رجلى من على دواسه البنزين فهل في شفاط او حساس شبيه بكده ولا ايه اشغله ولا في مشكله تانيه

زيت الفتيس + زيت الباور الاتنين مش بيتغيروا و ده حسب كاتالوجات صيانة و استخدام العربيات دي فقط لما تلاقيه ناقص بتغيره

مستوي الزيت الفتيس مافيش عندك حاجه تبين مستواه .. فقط عندك طبتين واحده لتفريغ الزيت كاملا و اخري للتزويد و كما وضح الفيديو اللي وضعه حسام بيك هو ده مكان التزويد بتحط خرطوم التزويد في الفتحة دي و اللي هي طبة ألانكيه 17 و بتزود لحد ما ترجع زيت يبقي كده الفتيس اتملي زيت

اما نوع الزيت فالموصي به هو 75w90 API GL-4 و ده قليل جدا و محتاج تدور عليه كتير عشان تلاقيه و شوف بقية المواضيع هنا بتبين بنجيبه منين و اللتر بتاعه ب 80 جنيه و الفتيس بياخد 2.7 لتر كله

معظمنا بيزود من الزيوت العادية المنتشرة في السوق و دي لزوجتها 80w90 API GL-5 و دي موجوده عند شيل و موبيل و التعاون و امارت مصر و لكن دي بتقل الفتيس قليلا في الصباح و مع البروده و مع مرور السنين بتخلي الفتيس يظهرله بعض الاصوات الخشنة قليلا و لكن هنعمل ايه هي دي مصر و اللي متوفر فيها

محتاج انك تشيك علي اولسيل الفتيس لأنه ممكن يكون بيسرب زيت و هو السبب في نقص الزيت و اتمني ترجع لموضوعي عن تغيير الولسيل و حل هذه المشكلة .... فيه كل التفاصيل

بخصوص موضوع الرجة فأنت قلت انها اتحلت ؟؟؟؟ ليه رجعت تاني ؟؟ و هو حلها ازاي ؟؟؟

[ehab_mansour]

الكلام كويس جدا بس انا عاوز بعد اذنك طبعا رد للاستفسار بتاع رجه التدوير الصبح انا بس عاوز اعرف ده طبيعي ولا لا

مش طبيعي ابدا ان العربية تدور الصبح علي ار بي ام قليل ..... العكس هو الصحيح

العربية بتدور الصبح علي ار بي ام من 1100 الي 1400 حسب كل كنترول و نظام عربية و اخري و بعدين يهدي شوية شوية لحد ما يوصل الي 750 الي 800 مع وصولها لدرجة الحرارة الطبيعية

انت عندك ايه بيحصل بالضبط ؟؟؟ خصوصا الار بي ام و فرق بين الرجه و الار بي ام يعني ممكن يكون عندك رجه و لكن الار بي ام مضبوط و دي هيكون ليها سبب و حل مختلف عن الرجه مع ار بي ام مش مضبوط

[the magice]

اولا الرجه اتحلت ب ان الميكانيكي علا الار بي لم من مسمار البنزين والعربيه اتظبطت بعدها بيوم ظهرت الحكايه دي اني لما بدور والعربيه بارده عموما بقي سواء صبح او ليل او اي وقت بتبقي في برجله شديده في العربيه وبتبطل لو شلت رجلي من علي دواسه البنزين وطبعا بتتاخر جدا على ما تسخن والميكانيكي قالي ان ده عادي خصوصا احنا في الشتا