مش عارف المارش مش بيشتغل

[المجرى]

السلام عليكم
اخوانى انا العربية بقالها كام يوم مجننانى
اجى ادورها الكونتكت يفتح بس المارش ولاحس ولاخبر
مبيلقطش خالص نهائى
رحت لكهربائى قلى المارش بايظ قلت اغيرة قالى لا خسارة
راح فكة ومنضفة وغير شربون وقالى تمام
يومين والعين تانى ظهر بس كنت مسافر
رحت لكهربائى راح مدور العربية زق قالى ياباشا المارش بيموت لازم يتغير
رحت جايب مارش ماشاءا لله وحتى صوتة ناعم ومية مية
يومين ونفس العيب

اجى ادور الكونتكت يفتح بس المارش مبيلقطش ولا فية ولا حس ولا خبر

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش عارف ياترى اية المرة دى كمان
؟؟؟؟

[ehab_mansour]

فبرة الكونتاكت ... او الضفيرة فيها حاجه و لكن الاقرب هي الفبرة

و نتمني منك تكتبلنا نوع العربية و الموديل و المحرك

[mohammad isdf]

فبرة كونتكت، أو الفيشه بتاعتها قبل ما تغير اى حاجه جرب كل شئ عشان متدبسش

[المجرى]

العربية ابيزا 94
والماتور ابيزا 99 1400

[المجرى]

طيب دى تعملها كام وتركريبها كام ؟؟؟

[ابو لؤى]

طيب سؤال هل الكهربائى حاول يعمل قفله فى المارش ويدور العربيه قبل مايحل المارش ويغرمك بواحد جديد ؟؟؟

[المجرى]

لا المارش عايز يتغير
هاتة واحد تانى
اتفضل فك ركب وخلاص

[saddam]

صديقي المواطن
اﻷوتوماتيك بتاع المارش بيعلق والصح مبدئيا تخلي الكهربائي بعملك ليك كتاوت ضخم للمارش وتغير اﻷرضي بتاعه بأرضي ضخم وقطاشات بطارية ضخمة ومحملة فإن فضلت المشكلة مستمرة تخلي الكهربائي يحل المارش اللي جبته وتاخده وتاخد المارش القديم وتطلع على مؤسسة ميمي ﻹصلاح المارش والدينمو جنب مستشفى أم المصريين في الجيزة وتقول له رجعهملي زيرو وحيديك ضمان وتتحل مشكلتك ويبقه معاك مارش إستبن
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

[المجرى]

لا انا من المنصورة
ومش هنزل الجيزة عشان اصلح المارش طبعا

[hossamalsadik]

المشكله اقرب لى فبرة الكونتكت
سعر فبرة الكونتكت جديده 45ج والأستيراد ممكن يبعهالك اغلى من الجديده عشان اصليه وكده بس الجديده شغاله تمام بردو
أنتا تجرب الاول تعمل قفله من الكنتكت وده لبيان اذا كان العيب منها
أو ونتا بدور المفتاح مارش هز الفيشه الخاصه بالكنتكت من تحت
جرب وحنا معاك

[iBiZa]

هو الاقرب فعلا فبره كونتاكت. لازم تجرب تعمل قفله من المارش دايركت لو دارت على طول يبقى فبره.

الافضل فى الفبره هو الاستيراد و هتعمل من 80 الى 100.

و العيب ده معروف فى الvag و هى دايما بتتاكل من جوه.