ابيزا 2002 هل ممتازة ام لا

[mohandelboshy]

السلام عليكم ورحمه الله وبركاته

هل الابيزا 2002 عربية اعتمادية وتتحمل السفر ام ماتورها 1000 يجعل منها لا تتحمل المشقة في السفر
وهل هي عربية ذات ثبات عالي ( زي باقي الالماني ) ام اقلهم ( علي حد علمي انها اسباني )
وقطع غيارها منتشرة في المحافظات ولا مش موجود غير القاهرة بس وجديد ولا مستعمل
معلش انا كان معايا 94 وقطع غيارها كانت موجودة في بورسعيد بس وكنت بلف ف محلات بنك الاسكان علي ما الاقي الحاجة اللي عاوزها وتكون نظيفة وكانت عربية طوبة علي الارض
انما 2002 معرفش ثباتها عامل ايه وهل خفيفة بالنسبة لل 94 ولا زيها طوبة علي الارض
لكم جميعا جزيل الشكر لمن افادني او لم يفيدني

[hossamalsadik]

الأبيزا 2000-02 ثابته جدااااااااااااااا واعتماديه وقطع غيار متوفره جديد وأستيراد ( فى القاهره الى اقدر افيدك )
الماتور 1000cc مفر جداااااا فى استهلاك الوقود وفى السفر تمام جدااااااااا وعلى السرعات
طبعا انتا مجرب الابيزا 94 وعارف الباقى

[iBiZa]

هل الابيزا 2002 عربية اعتمادية وتتحمل السفر ام ماتورها 1000 يجعل منها لا تتحمل المشقة في السفر

اعتماديه جدا و تستحمل السفر و مع العلم ام ال1000 الجديد قوته تفرق 5 حصان عن ال1300 الكاربيراتير اللى كان عندك.

وقطع غيارها منتشرة في المحافظات ولا مش موجود غير القاهرة بس وجديد ولا مستعمل
معلش انا كان معايا 94 وقطع غيارها كانت موجودة في بورسعيد بس وكنت بلف ف محلات بنك الاسكان علي ما الاقي الحاجة اللي عاوزها وتكون نظيفة

فى القاهره منتشره جديد و استيراد بس غير كده معرفش.

وكانت عربية طوبة علي الارض انما 2002 معرفش ثباتها عامل ايه وهل خفيفة بالنسبة لل 94 ولا زيها طوبة علي الارض لكم جميعا جزيل الشكر لمن افادني او لم يفيدني

زى ال94 بالزبط.
بالمناسبه ال2002 تعتبر facelift لل94 فا هي نفس الشاسيه و القوايم لو هتبص عليهم كويس.

[mohandelboshy]

الأبيزا 2000-02 ثابته جدااااااااااااااا واعتماديه وقطع غيار متوفره جديد وأستيراد ( فى القاهره الى اقدر افيدك )
الماتور 1000cc مفر جداااااا فى استهلاك الوقود وفى السفر تمام جدااااااااا وعلى السرعات
طبعا انتا مجرب الابيزا 94 وعارف الباقى

بس صيانه الـ 94 كان اي ميكانيكي شاطر او نص شاطر بيشتغل فيها
طب بالنسبة للـ 2002 طبعا عاوزة متخصص صح ولا اي ميكانيكي شاطر يقوم بالواجب
عشان الانجكشن والحساسات والكمبيوتر والحاجات دي وهل هي سهلة اتعلم صيانتها ولا هتقرفني
واشكرك علي ردك علي اسئلتي لك كل التوفيق

[mohandelboshy]

اعتماديه جدا و تستحمل السفر و مع العلم ام ال1000 الجديد قوته تفرق 5 حصان عن ال1300 الكاربيراتير اللى كان عندك.

تفرق اقل طبعا مش ده اللي تقصده

فى القاهره منتشره جديد و استيراد بس غير كده معرفش.

هصلي من الغربية ومش عارف هل حد هنا يقدر يقولي موجودة قطع غيار ليها في طنطا او المنصورة

زى ال94 بالزبط.
بالمناسبه ال2002 تعتبر facelift لل94 فا هي نفس الشاسيه و القوايم لو هتبص عليهم كويس.

يعني حتي نفس المساحة الداخلية ولا ايه

يعني مفيش بينها وبين ال 94 اختلاف سوي في الانجكشن والكمبيوتر والحساسات

يعني في رايك اصرف نظر عنها ولا اتوكل علي الله واجيبها

مع العلم انها هتكون عشان العيال ان شاء الله وانا بعت ال 94 لما فتحت بقها جامد ده غير انها مفيش فيها اي نوع من انواع الكماليات يعني لا كان فيها تكييف ولا باور ولا ازاز كهربا مع بوادر قلة لقطع الغيار وخصوصا الصاج

انا كنت ناوي علي كيا شوما او سيفك 93 بس بحثت كتير لقيت ناس بتشتكي من قلة قطع غيار الشوما والسيفك هلكانه والكويس سعر مبالغ فيه وكان من ضمن الاختيارات مع الاتنين دول ابيزا 2002لاني ركبت الابيزا قبل كده وعارف يعني ايه ابيزا بس الحديث معنديش اي خلفية عنه الصراحة
اشكرك وربنا يوفقني واياكم

[eraser]

قطع الغيار موجودة فى المنصورة وارخص من القاهرة كمان
م/ايهاب من خبراء القسم هنا اكتر واحد هيفيدك هوا معاه كوردوبا اخت عربيتك بس بشنطة وشوية فروق بسيطة وبيعمل شغل فى المنصورة عند ميكانيكى شاطر
اتسلى فى الموضوع ده على ما هوا يرد عليك

http://www.nilemotors.net/Nile/384066-2002.html

[hossamalsadik]

بس صيانه الـ 94 كان اي ميكانيكي شاطر او نص شاطر بيشتغل فيها
طب بالنسبة للـ 2002 طبعا عاوزة متخصص صح ولا اي ميكانيكي شاطر يقوم بالواجب
عشان الانجكشن والحساسات والكمبيوتر والحاجات دي وهل هي سهلة اتعلم صيانتها ولا هتقرفني
واشكرك علي ردك علي اسئلتي لك كل التوفيق

الأبيزا 2000-02 الحساسات الى فيها عشان تاخد أعلى اداء من الماتور وتنبهك للأخطار
وكان زمان الميكانيكى بيخاف من الأنجكشن لأنهم مبفهموش فيه بس الأن الموضوع بعد سنن أتعرف وكتير بيصلح المكن الأنجكشن ويكشف بالكمبيوتر مافيش مشكله

بس لما يكون ميكانيكى متخصص ده بيدى شغل افضل يعنى مثلا بنسمع عن ميكانيكى هوندا فقط او بيجوه او ميجان وهكذا يبقى من الأفضل لنا التعامل مع ميكانيكى متخصص فولكس عشان تاخد شغل تمام من اول مره

بالنسبه لتعلمك صيانتها لو دماغك فنيه وعندك خلفيات من ركوبك للعربيات هتتعلمها و اقل حاجه انك لما حتى هتوديها لاى فنى يعملك شغل فيها هتبقى فاهم هوا بيعمل ايه بالظبط
وطبعا اى مشكله قسم سيات نيل موتورز منور بيك اعرضها والأخوة الاعضاء ونا أولهم هنفيدك فى كل كبيره وصغيره أن شاء الله

[iBiZa]

زى ما حسام قالك بالزبط، العربيه مش صعبه و ناس كتير اوى فاهمين فيها.

على حسب مكانك هتلاقى حدوعنده جهاز عشان يكشف عليها.

بالنسبه للسرفيس العادى انا كانت معايا و كان معايا اختها الPolo و كنت بعملها السيرفيس كله تحت البيت من تغيير فلاتر و بوجيهات و تيل.

و برده انا شايف انها احسن الاختيارات فى اللى انت ذكرتهم من حيث موديل عالى و فيها كل الكماليات اللى انت عايزها و كمان توفير البنزين.

[mohandelboshy]

قطع الغيار موجودة فى المنصورة وارخص من القاهرة كمان
م/ايهاب من خبراء القسم هنا اكتر واحد هيفيدك هوا معاه كوردوبا اخت عربيتك بس بشنطة وشوية فروق بسيطة وبيعمل شغل فى المنصورة عند ميكانيكى شاطر
اتسلى فى الموضوع ده على ما هوا يرد عليك
http://www.nilemotors.net/nile/384066-2002.html

الف شكر ويا ريت م/ ايهاب يقولي ميكانيكي شاطر في المنصورة او طنطا ايهما يعني واماكن توافر قطع الغيار عشان اعرف هتبقي ان شاء الله قريبة مني ولا لا

[mohandelboshy]

الأبيزا 2000-02 الحساسات الى فيها عشان تاخد أعلى اداء من الماتور وتنبهك للأخطار
وكان زمان الميكانيكى بيخاف من الأنجكشن لأنهم مبفهموش فيه بس الأن الموضوع بعد سنن أتعرف وكتير بيصلح المكن الأنجكشن ويكشف بالكمبيوتر مافيش مشكله

بس لما يكون ميكانيكى متخصص ده بيدى شغل افضل يعنى مثلا بنسمع عن ميكانيكى هوندا فقط او بيجوه او ميجان وهكذا يبقى من الأفضل لنا التعامل مع ميكانيكى متخصص فولكس عشان تاخد شغل تمام من اول مره

بالنسبه لتعلمك صيانتها لو دماغك فنيه وعندك خلفيات من ركوبك للعربيات هتتعلمها و اقل حاجه انك لما حتى هتوديها لاى فنى يعملك شغل فيها هتبقى فاهم هوا بيعمل ايه بالظبط
وطبعا اى مشكله قسم سيات نيل موتورز منور بيك اعرضها والأخوة الاعضاء ونا أولهم هنفيدك فى كل كبيره وصغيره أن شاء الله

تسلم حسام باشا وده العشم من رجالة المنتدي انتوا فعلا ناس محترمة واللي بيعرف حاجة مش بيبخل باي معلومة عن الاعضاء
بشكرك جدا وربنا يوفقني واياكم

[mohandelboshy]

زى ما حسام قالك بالزبط، العربيه مش صعبه و ناس كتير اوى فاهمين فيها.

على حسب مكانك هتلاقى حدوعنده جهاز عشان يكشف عليها.

بالنسبه للسرفيس العادى انا كانت معايا و كان معايا اختها الpolo و كنت بعملها السيرفيس كله تحت البيت من تغيير فلاتر و بوجيهات و تيل.

و برده انا شايف انها احسن الاختيارات فى اللى انت ذكرتهم من حيث موديل عالى و فيها كل الكماليات اللى انت عايزها و كمان توفير البنزين.

ربنا يبارك لك والف شكر علي ردك عليا
بس ليا استفسار صغير فيه حاجات معينة ابص فيها علي العربية يعني في الموديل ده بتكون فيه احيانا عيوب زي بارومة في اماكن معينة كارتيرات حاجات زي كده شائعة يعني ولا زيها زي اي ابيزا الكشف الطبيعي علي الاساسيات والشاسيه واللي انت عارف ده
وهل ميكانيكي كفاية ولا سمكري احسن وانا بشتري ان شاء الله مع ان الشرا ده نصيب يعني ممكن ادور شهور وممكن ربنا يكرمني ويوفقني في واحدة نضيفة

[iBiZa]

الكشف الطبيعى على الIbiza بس يفضل عند حد متخصص عشان يحطها على الجهاز و يقولك اللى فيها بالظبط.

انا لسه كنت بشترى 2006 Passat Highline لابن خالتى و العربيه كانت واقفه بس قولت اوديها لمحمد سمير و بعد لما كشف طلعت واخده خبطه من الشنطه مؤثره على مساعدين الشنطه والمفروض كانت عامله 123 الف كيلو على الجهاز طلع اخر error متسجل على الكنترول 207 الف و شويه حساسات عايزه مراجعه و ده ميزه الجديد ان كله بيبان على الجهاز.

اكشف عند حد فاهمهم عشان اخرك هتخسر تمن الكشف حتى لو غالى بس احسن لما تخسر تمن العبيه.

[eraser]

الكشف الطبيعى على الibiza بس يفضل عند حد متخصص عشان يحطها على الجهاز و يقولك اللى فيها بالظبط.

انا لسه كنت بشترى 2006 passat highline لابن خالتى و العربيه كانت واقفه بس قولت اوديها لمحمد سمير و بعد لما كشف طلعت واخده خبطه من الشنطه مؤثره على مساعدين الشنطه والمفروض كانت عامله 123 الف كيلو على الجهاز طلع اخر error متسجل على الكنترول 207 الف و شويه حساسات عايزه مراجعه و ده ميزه الجديد ان كله بيبان على الجهاز.

اكشف عند حد فاهمهم عشان اخرك هتخسر تمن الكشف حتى لو غالى بس احسن لما تخسر تمن العبيه.

هوا محمد سمير بيكشف عالصاج كمان ولا ميكابيكا وعفشة بس ؟؟؟
وبكام ؟

[mohandelboshy]

الكشف الطبيعى على الibiza بس يفضل عند حد متخصص عشان يحطها على الجهاز و يقولك اللى فيها بالظبط.

انا لسه كنت بشترى 2006 passat highline لابن خالتى و العربيه كانت واقفه بس قولت اوديها لمحمد سمير و بعد لما كشف طلعت واخده خبطه من الشنطه مؤثره على مساعدين الشنطه والمفروض كانت عامله 123 الف كيلو على الجهاز طلع اخر error متسجل على الكنترول 207 الف و شويه حساسات عايزه مراجعه و ده ميزه الجديد ان كله بيبان على الجهاز.

اكشف عند حد فاهمهم عشان اخرك هتخسر تمن الكشف حتى لو غالى بس احسن لما تخسر تمن العبيه.

هو عنوانه ايه محمد سمير والكشف عنده بكام وهل بيكشف كل حاجة حتي الصاج

ويا ريتك تقولي بعض اماكن اقدر اكشف عندهم ويكونوا اهل ثقة ليك وجزاك الله كل خير

[iBiZa]

انا مش بتعامل غير مع محمد سمير و هانى.

العنوان هتلاقيه فى الرابط ده:

http://www.nilemotors.net/Nile/3874300491-post37.html

و بيديلك تقرير كامل عن العربيه من كل النواحى.

بالنسبه للسعر حسب نوع العربيه بس مش عارف كام بالظبط لانى باخد سعر مخفض.