طلب نصيحة بخصوص ابيزا 2006

[kyrillos]

السلام عليكم, ازيكم يا رجالة, عايز أخد رأيكم بخصوص عربية ابيزا 2006
1.4 اوتوماتيك
ماشية 80 الف

هى كميكانيكة وعفشة, سليمة, وحالتها من بره حلوه, مش متبهدله, الماتور صوته كويس وبيعرق بخار ميه وظريف يعنى, والحوض سليم ومش مرشوش وواضح ان مافهوش لعب, بالنسبة للمساعدين والكبالن, واضح انهم كويسين
أنا سقت العربيه مسافة صغيرة كده وشغلت التكييف, وكسرت يمين جامد وشمال جامد ومارش وشوفت لمبات الاشارات والفرامل وكله جميل يعنى

1- حسيت ان السحبة, اقل من المتوقع, مش اقل من الابيزا اللى معايا, مع العلم ان كان فى 3 فى العربية والتكييف على 2 وماجبتش اخر الدواسة
2- الزجاج فى كرسى السائق بيطلع بس ومش بينزل (من الزرار او حتى من المفتاح)
3- المرايات الكهرباء مش شغاله, والمرايا الشمال احتمال تكون مكسوره - سألت عليها فى شارع دمشق قالوا ب 450 تيوانى
4- زجاج العربية windshield مشروخ, سألت عليه قالوا ب 450 جنيه 3 طبقات - مصرى
5- الكاسيت اللى راكب مفتاح الصوت اللى فيه بيلف على الفاضى, معرفتش اعلى الصوت, بيوطى بس, محتاج تصليح بسيط تقريبا, بس الكاسيت الفبريكه (شرايط) شغال تقريبا
6- الاكصدامين شكلهم مش قد كده, واضح انهم متثبتين بمسامير كبس مش الفريكه, بس ده طبيعى فى عربيات مصر الغالية
الراجل بيتكلم فى 60, وانا قلتله 57 ولسه هايرد عليا, لو رد عليا ان شاء الله, هاخدها ارفعها بكره وممكن كمان اقيس كبس الموتور
ايه رأيكم فى الكلام ده ؟؟

[fares_311]

العربيه حسب وصفك لحالتها تمام والملاحظات اللي قلت عليها حاجات بسيطه متعيبش السياره وانت كده كده لازم تنزل من ال60 علشان شويه التزبيطات اللي حتعملها يعني لو كشفت على العربيه وطلعت تمام اتوكل على الله على 55 الف يكون تمام

[fares_311]

ولو مرضيش اقل من 57 يعتبر تمام يعني انت وشطارتك

[SYD]

توكل علي الله

[hossamalsadik]

توكل على الله

[kyrillos]

طب بالنسبة لكود الموتور, مش لاقيه فى حته, جبت بس الكود بتاع العربية من قدام وشيكت عليه لقيته مطابق للاوصاف فعلا (من موضوع أستاذ كريم)
والفتيس الاوتوماتيك ده, بيكون ليه نفس زيت الفتيس ولا نوع مختلف ؟؟

[ehab_mansour]

طب بالنسبة لكود الموتور, مش لاقيه فى حته, جبت بس الكود بتاع العربية من قدام وشيكت عليه لقيته مطابق للاوصاف فعلا (من موضوع أستاذ كريم)
والفتيس الاوتوماتيك ده, بيكون ليه نفس زيت الفتيس ولا نوع مختلف ؟؟

توكل علي الله بس مهم قوي تتأكد منه الفتيس كويس ولا فيه حاجه ؟؟؟

لكن طبعا زيت الاوتو حاجه تانيه خالص و ده هيختلف حسب كود فتيسك
علي العموم محتاجين نعرف منك كود الموتور و الفتيس عشان نقدر نفيدك اكتر لكن خلي كل ده لما تخلص فيها و ربنا يوفقك لما فيه الخير و كل اللي فيها يتحل و يتصلح مافيش مشكلة ان شاء الله

و العربية ماشية كيلومتر قليل لذلك متوقع تلاقي موتورها و فتيسها زي الفل و حالتهم كويسه و لكن هتحتاج تعمل سيرفيس كامل ليهم (ياريت تبقي تساله عملهم اخر سيرفيس امتا ؟)

و بالتوفيق و ربنا يباركلك فيها لو من نصيبك