مشاكل في كوردوبا 2006 ارجو المساعده

[Bassem_Basha]

اول مشكله مش عارف هي مشكله ولا العربيه اصلن كدا
ان العفشه نشفه جدااااا جداااااا يعني اي حاجه بسيطه العربيه تتنفض
تاني مشكله العربيه بتغيب في الدوار و هي سخنه
و لمبه ecu منوره علي طول
و عداد تنك البنزين مش شغال روحت لكزا كهربائي و فشل و يكولي روح للتوكيل
شكراا طبعاا للاعضاء

[hossamalsadik]

العفشه عاوز يتكشف عليها عند حد كويس ممكن يكون فى مساعد واحد باظ يعمل كده وممكن الجلب
بالنسبه للدواره الأسباب المؤديه لده كتير منها البوجيهات ومنها سلوك البوجيهات
والمبينه مع السخنيه ممكن تعمل نفس العيب

كذا كهربائى وفشل !!!! روح الحرافيين

[ehab_mansour]

اهلا بيك في قسم سيات نايل موتورز

اولا موضوع العفشة ده غريب جدا و حضرتك محتاج تكشف عن حد علي العفشة و المساعدين و تشوف حالتهم عامله ايه لأن انا معايا كوردوبا 2002 و مريحة جدا و الحمد لله و قبلها الابيزا كانت زي الفل و من افضل مكونات العربيات دي هي عفشتها المريحة و البسيطة و الغير مكلفة و طويلة العمر
علي العموم مبدئيا اتمني تشوف الكاوتش عندك حالته ايه و ضغطه مضبوط ولا لأ علي 29 و اتمني تظبطه عند بنزينة من اللي فيها عدادات و جهاز ضبط الضغط الديجيتال
هل بتسمع اي صوت تخبيط ؟؟؟ ايه اخر صيان عملتها في العفشة ؟

بخصوص دوارة العربية و تقلها و لمبة ال ecu فده انت محتاج تكشف علي العربية كمبيوتر عشان تعرف ايه اللي فيه المشكلة و تاخد تقرير منه بايه اللي بايظ عندك او محتاج يتغير او يتنظف
يا تري اخر سيرفس او صيانه عملتها للعربية امتا ؟ عربيتك مانيوال ولا اوتو و كام سيسي ؟؟

مؤشر البنزين اللي مش شغال محتاج فحص كهرباء للفيوزات + ضفيرة طلمبة البنزين و فيشتها + عوامة البنزين داخل التانك == محتاج تروح لكهربائي بيفهم في العربيات دي عشان يفيدك او ميكانيكي متخصص في فولكس
يا تري انت فين عشان الناس تدلك علي ميكانيكي كويس متخصص ؟؟؟
نتمني انك تجاوب و تقلنا علي تفاصيل اكتر تفيد في الوصول للحل و بالتوفيق

[Bassem_Basha]

شكرااا علي الرد
يعني العفشه انها نشفه كدا ده مش طبيعي صح
اصل في ناس قالتلي السيات كده

[Bassem_Basha]

مشكوووووووور
انا من الهرم
العربيه اوتو 1400
و بنسبه للسرفيس العربيه معايا من شهر بس وانا جيبه بالعيوب دي

[ehab_mansour]

شكرااا علي الرد
يعني العفشه انها نشفه كدا ده مش طبيعي صح
اصل في ناس قالتلي السيات كده

فيه ناس بتحب تفتي لما ميعرفش فين الحل او ملهوش فيها يقوم يفتي و يقلك اصل العربيات دي كده !!!!!!!!!!!!!!!!!! و ده كلام ملهوش اي اساس من الصحة اساسا

[Bassem_Basha]

هكشف علي العفشه و هقول الخبار
موضوع العفشه ده كرهني في العربيه اصلن
معلش بس العربي عندي بعفيه شويه :)

[Bassem_Basha]

اتمني الحذف للتكرار
شكرا

تكرار ايه حضرتك