محدش هايباركلى ولا ايه ؟؟

[ehab_mansour]

الف مبروك يا افندم و ربنا يباركلك فيها و يجعلها وش السعد و الخير عليك
1- اصبر شوية علي اصلاح اي شيء فيها مبدئيا ولو اسبوع
2- لو لاحظت اي شيء مش مضبوط فيها و ليكن مثلا عداد الار بي ام لاحظة يومين ثلاثة و شوف تصرفه ايه و اعمل بيه موضوع هنا نتناقش في الحلول يمكن نقدر نفيدك تحلها بنفسك او علي الاقل تكون معاك معلومات تفيدك ازاي تتعامل مع الصنايعيه عشان العك و الفتي
3- بناء علي وصايا الاعضاء شوف هتعمل ايه او روح لميكانيكي متخصص هو يظبطلك الدنيا

و بالتوفيق لك و للجميع و نتمني تكتبلنا عن كمالياتها و تفاصيلها و موتورها و فتيسها و و كل حاجه
مبدئيا مشكلة الزجاج دي هي مشكلة زرار الكهرباء و ده اكيد بيتغير باخر جديد او استيراد

[hossamalsadik]

الف مبروك ربنا يبركلك فيها أن شاء الله
بالنسبه لل RPM فيه فيوز مسؤل عن لوحة العدادات راجع عليه الأول

[Karim Ibiza]

10000 مبروك

تقريرك الحلو بقى لأنك راجل كنت راكب 94 ودلوقتى 2006 واكيد التقرير هيكون مميز لأنك هتحس بفرق

[kyrillos]

الف شكر يا رجاله, والله بأمانة مش كلام مجاملة, من غير المحبة والذوق اللى عند اعضاء قسم السيات هنا, الواحد كان هايتسوح
أنا ماشى بيها بالراحة حاليا, زى ما انتوا قلتوا, اسبوع كده او اسبوعين, اكون شفت كل المشاكل ورتبت الاولاويات, وبعدين هابتدى اروح اظبط الحاجات المهمة
وان شاء الله بعد كده بفترة هاعمل تقرير مقارنة بين الابيزا 94 والابيزا 2006 (تجربتى الشخصية)
واكيد سيادتكم هاتساعدونى وتفكروا معايا, خاصة بجد ان فتى الصنايعية كتييييير
واى واحد بيمسك مفك تست وسلكة بيقولك انا كهربائى المانى, مع احترامى للكهربائية المحترمين

[Ahmed Mubarak]

مبروك يا باشا

حاول تتاكد ايه اللى بايظ عندك الاول يعنى الزرار اللى بيطلع وينزل الازجاج ولا الماكينة

[kyrillos]

محدش برضوا قالى مين بتاع ابواب كويس وقريب من مصر الجديدة
حوار الار بى ام ده محصلش تانى, تقريبا فى فيشة بتتهز او حاجة بسيطة, والعدادات كلها شغالة كويس حاليا
امبارح بالليل اكتشفت ان العربية مش بتقلب نور, والنور العالى مش شغال, مع انه كان شغال قبل كده, واضح برضه ان فى فيشة او حاجة كده

يا ريت لو حد يعرف كهربائى او كهربائى ابواب كويس يقلى

[SYD]

اوصفلك حد كويس في جسر السويس بس مش بتاع فولكس ؟

[kyrillos]

هو الموضوع محتاج تظبيط زجاج كهرباء وسنتر بس
واحتمال يطلب زرار بتاع الزجاج او ماكينة زجاج
مش عارف هاتفرق بتاع فولكس ولا مش لازم

[ehab_mansour]

هو الموضوع محتاج تظبيط زجاج كهرباء وسنتر بس
واحتمال يطلب زرار بتاع الزجاج او ماكينة زجاج
مش عارف هاتفرق بتاع فولكس ولا مش لازم

افضل خليك في حد متخصص عشان بيكون عارف تتفك ازاي و منين بدلا من ان واحد ميعرفش يكسرلك زرار ولا اوكرة باب و لو تعرف حد بيفهم و بيشغل دماغه كهربائي رحله هيظبطهالك ان شاء الله

[hossamalsadik]

أنا كان عندى الزجاج سقط نتيجة قطع فى السير رحت ركبت سير إيطالى عند متخصص مفاتيح وكوالين فك طبعا ماكينة الزجاج كلها وعاد تركبها وزى الفبريكه تمام
فالمهمه ديه الى ممكن يقوم بها فنى المفاتيح والكوالين وهيا مشتركه بين شغل الكهربائى والكولنجى

[S O P H O S]

الف مبروك
اعتقد كنا اتكلمنا علي الابيزا قبل كده
ربنا يبارك يا باشا

[nesr6060]

افضل كهربائى ممكن تلاقيه رشاد اللى فى الحرفين بلوك 8 انا هروحله انهرده بليل هو بيجى بعد الساعه 12
بيحب يعمل الشغل صح ومظبوط مش بيركب سلكه تممشى الحال وخلاص زى كهربائيه كتيرر ممكن بدل ما تعمل سلك فى الضفيره تعمل سلكه من بره تمشى الحال وخلاص

هو عيبه بيفتح الساعه 12 بليل ودهرقمى لو حبيت تيجى معايا 01144645241